कात्तिक १८, २०८०
एकदिवसीय विश्वकपमा वर्षाले खेल रोकेपछि पाकिस्तानलाई फाइदा भएको । पाकिस्तानले डीएलएस मेथडमा न्युजिल्यान्डलाई २१ रनले पराजित गरेको हो । न्युजिल्यान्डले दिएको ४०२ रनको विशाल लक्ष्य पछ्याउने क्रममा पाकिस्तानले २५....
मानिसले जति धेरै संघर्ष गर्यो, उति धेरै उचाईमा चुम्न सक्छ । सफलता हाँसिल गर्नु प्रमुख लक्ष्य हो । तर कसैलाई जीवनमा सोच्दै नसोचेको सफलता हासिल गरेका उदाहरणहरू पनि भेटिन्छन् । तिनै मध्येका एक हुन्- रुपन्देहीका रूप कार्की । रूपले जीवनमा कहिल्यै सोचेका थिएनन् आफू अमेरिका पुग्छु भन्ने । आईपीएल इन्टरनेसनल पावर लिफटिङ प्रतियोगिता (अन्तर्राष्ट्रिय भारत्तोलन) मा वर्ल्ड च्याम्पियन हुन्छु भन्ने पनि उनले सोचेका थिएनन् ।
जिल्लाको तिलोत्तमा नगरपालिका वडा नम्बर ६ भलवारी स्थायी घर भएका कार्की सन् २००३ मा ड्राइभरसिटी भिजा (डीभी) परेर अमेरिका छिरे । त्यो पनि आफ्नै घरमा डेरावाल भाइले भरिदिएको डीभी परेर । त्यहाँ पुगेको १४ वर्षपछि कार्कीले इन्टरनेसनल वर्ल्ड पावर लिफटिङ प्रतियोगितामा स्वर्ण पदक जितेर नेपालको सान विश्वसामु पुर्याए ।
सन् २०१७ को नोभेम्बरमा भएको आयरल्याण्डको लाइमरिकमा चार दिनसम्म सञ्चालित प्रतियोगितामा कार्कीले २ सय २० पाउण्ड तौल समूहबाट स्वर्ण पदक जितेका हुन् । प्रतियोगितामा विश्वभरका दुई सय बढी देशबाट ७ सय बढी सहभागी थिए । कार्कीले आफ्नो तौल समूहका प्रतिस्पर्धीलाई पछि पार्दै विश्व च्याम्यिपयन बनेका थिए ।
कार्कीले यसअघि सन् २०१७ मैं अमेरिकाको एट्लान्टामा भएको फस्ट मास्टर इन्टरनेसनल पावर लिफटिङ प्रतियोगितामा पनि विश्व च्याम्पियन बन्दै स्वर्ण पदक जिते । नेपालको खेल इतिहासमा यो खेलमा स्वर्ण पदक जित्ने उनी पहिलो नेपाली खेलाडी भएको कार्कीको दाबी छ ।
यस्तो प्रतियोगिता युरोपमा प्रत्येक वर्ष हुने भए पनि एसियाका धेरै देशहरू छनोट चरणबाटै बाहिरिने गर्छन् । एउटा व्यक्तिले तीन प्रतियोगिता जितेमा बल्ल प्रतिस्पर्धा गर्न पाउँछ । ‘यो खेलको प्रतिस्पर्धामा पुग्नै कठिन छ । जसले ५९० किलोग्राम उठाउन सक्न त्यो बल्ल प्रतिस्पर्धाका लागि भाग लिन पाउँछ । खेलमा ‘रियल पावर चाहिन्छ । यो खेलमा खुट्टादेखि टुप्पीसम्म बलको आवश्यक पर्छ,’ कार्कीले भने । कार्कीको तौल अहिले १०५ केजी छ ।
अमेरिकाको भर्जिनिया परिवारसहित बसोबास गर्दै आइरहेका उनले त्यहाँको राष्ट्रिय स्तरको प्रतियोगितामा झण्डै दर्जन खेलमा स्वर्ण पदक जित्दै च्याम्पियन बनेको कार्कीले बताए । सन् २००९ देखि भारत्तोलनको अभ्यास शुरू गरेका कार्की सन् २०१२ देखि पूर्ण रूपमा भारत्तोलन खेलमा सक्रिय छन् ।
‘सानैदेखि रूचि त थियो तर कुनै पनि प्रतियोगितामा भाग लिएको थिइनँ । वर्ल्ड च्याम्पियन हुन्छु भन्ने कल्पना पनि गरेको थिइनँ । यो उपाधि चुम्दा साँच्चै हो कि सपनाका छु जस्तो लागेको थियो,’ कार्की खुशी सुनिए, ‘भारात्तोलन खेल उच्चस्तरीय प्रतिष्पर्धा मध्येको एक हो । विश्वभरका अधिक वजन (हेभिवेट) भारत्तोलकहरू प्रतिस्पर्धामा रहने सो प्रतियोगितामा छनोट हुने म पहिलो अमेरिका बस्दै आएको नेपाली हुँ ।’
उनी एक महिना अगाडि एनआरएनबाट पावल लिफटिङको कार्यक्रमका लागि काठमाडौं आएका हुन् । काठमाडौं आएको बेला उनी आफ्नो गृहजिल्ला रुपन्देही आउँदा लोकान्तरकर्मीले उनलाई भेटेको थियो । मोटो जिउठाल । तन्दुरूस्त शरीर । जो कोही नजिकै पर्दा डराउलान् जस्तो देखिन्छ । उनी भारत्तोलनका लागि प्रशिक्षण दिन नेपाल आएका हुन् । नेपालका अन्य खेलाडीले पनि आफूले जस्तै उपाधि चुमेर देशलाई खेलको माध्यमबाट चिनाउन सकून् भन्ने उनको चाहना छ । राज्यले आफूलाई नचिने पनि आफूले नेपाललाई खेलकुदबाट चिनाउन लागिपरिरहने कार्कीको अबको लक्ष्य छ । ‘हबीप्रति चासो र रुचि भए पनि विश्वकृतिमान हुन्छु भन्ने सोचेको थिइने तर नियमित र निरन्तर अभ्यासले अन्य म जस्तै नेपालीले पनि त्यो सफलता प्राप्त गर्न सक्छन्,’ रूपले चासोका साथ भने ।
भारोत्तलन लगायत सबै खेलको विकासका नेपाली मूलका नेपाली अग्रसर हुनुपर्नेमा उनले जोड दिएका छन् । राज्यले आफूलाई भारत्तोलन खेल विकास गर्न लाग भने आफू अमेरिका छाडेर नेपाल आएर खेलको विकासमा लाग्ने उनको भनाइ छ । उनी सँधै 'जीम' जाने गर्छन् । विशेषगरी भारत्तोलनका खेलाडीले खानपिनमा विशेष ध्यान दिनुपर्छ । बिहान अण्डा, दिउँसो मासु र साँझ दूधसहितको खाना खानुपर्छ । कम्तीमा पनि १२ घण्टा सुत्नुपर्ने हुन्छ । उनले पाएको सफलतासँगै उनका छोरा रुपेश पनि भारत्तोलन खेलमा लागेका छन् । रुपेश पनि ‘स्टेट’ च्याम्पियन भइसकेका छन् ।
एकदिवसीय विश्वकपमा वर्षाले खेल रोकेपछि पाकिस्तानलाई फाइदा भएको । पाकिस्तानले डीएलएस मेथडमा न्युजिल्यान्डलाई २१ रनले पराजित गरेको हो । न्युजिल्यान्डले दिएको ४०२ रनको विशाल लक्ष्य पछ्याउने क्रममा पाकिस्तानले २५....
चितवनको भरतपुरस्थित गौतमबुद्ध अन्तर्राष्ट्रिय क्रिकेट रंगशाला बागमती प्रदेश सरकार र भरतपुर महानगरपालिकाले मिलेर बनाउने सहमति गरेका छन् । प्रदेशको ७० प्रतिशत र महानगरको ३० प्रतिशत लगानीमा बनाउने सहमति भएको हो ।...
नेपालले एसीसी यू–१९ एसिया कपमा बलिया टोली भारत, पाकिस्तान र अफगानिस्तानजस्ता बलिया प्रतिद्वन्द्वी पाएको छ । एसियन क्रिकेट परिषद् (एसीसी)ले बुधवार सार्वजनिक गरेको तालिकाअनुसार समूह ‘ए’म...
इंग्ल्यान्ड राष्ट्रिय फूटबल टोलीले ब्राजिललाई आफ्नो घरेलु मैदान वेम्बलीमा खेल्न निम्तो गरेको छ । यो खेल आगामी वर्षको मार्च २३ मा हुने ईएसपीएन एफसीले जनाएको छ । यसअघि यी दुई टोलीबीच सन् २०१७ मा लण्डनस्...
आईसिसी एकदिवसीय क्रिकेट विश्वकप फेरि एक पटक अष्ट्रेलियाले जितेको छ । यससँगै घरेली मैदानमा उपाधि जित्ने भारतको सपना चकनाचुर बनेको छ । अष्ट्रेलियाले आज अहमदाबादमा भएको फाइनलमा भारतलाई छ विकेटले पर...
यूएईलाई ८ विकेटले पराजित गरेर नेपाल सन् २०२४ मा अमेरिका र वेस्ट इन्डिजमा हुने टी–ट्वान्टी विश्वकपमा छनोट हुँदै गर्दा एउटा दृश्यले सबैको ध्यान तान्यो । सामाजिक सञ्जालदेखि अन्तर्राष्ट्रिय स्तरसम्म चर्चा...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...