माघ १८, २०८०
सत्ता र शक्तिको आडमा गैरकानूनी ढंगले सरकारी जग्गा हडप्ने नेपालको शक्तिशाली व्यापारिक घराना चौधरी ग्रुपमाथि राज्यको निकायले पहिलोपटक छानबिन थालेको छ । काठमाडौंको बाँसबारीमा ठूलो परिमाणमा सरकारी जग्गा...
सभामुख उम्मेदवार चयनको विषयलाई लिएर नेपाल कम्युनिस्ट पार्टी (नेकपा)भित्र चलिरहेको चर्काचर्कीबीच कार्यकारी अध्यक्ष पुष्पकमल दाहाल ‘प्रचण्ड’ आफ्नो गृहजिल्ला चितवनतिर लागेका छन् ।
प्रचण्डका प्रेस सल्लाहकार विष्णुप्रसाद सापकोटाले चितवनमा थारू समुदायले आयोजना गरेको प्रथम माडी खिचरा महोत्सवमा सहभागी हुन त्यतातिर जान लागेको लोकान्तरलाई बताए । ‘सामान्य कार्यक्रम हो, सहभागी भएर आजै (मंगलवार) फर्किने कार्यक्रम रहेको छ,’ सापकोटाले भने ।
यद्यपि राष्ट्रिय राजनीति कुनै ठूलो घटनाक्रममा अल्झेको बेला प्रचण्ड कहिले सिन्धुपाल्चोक त कहिले चितवन जाने गरेका छन् । ‘रिफ्रेस’ हुनका लागि भन्दै १ साताअघि प्रचण्ड सिन्धुपाल्चोक पुगेका थिए ।
सभामुखका आकांक्षी मानिएका आफूनिकट नेता अग्नि सापकोटालाई लिएर सिन्धुपाल्चोकको कदमवासमा रात बिताएर उनी भोलिपल्ट राजधानी फर्के ।
सिन्धुपाल्चोक जानुभन्दा अघिल्लो दिन प्रमुख प्रतिपक्षी दल नेपाली कांग्रेसका सभापति शेरबहादुर देउवालाई भेट्न उनकै निवास बुढानिलकण्ठ पुगेका थिए ।
देउवासँगको संक्रमणकालीन न्याय सम्पादनका लागि गठन गरिएका सत्य निरुपण तथा मेलमिलाप आयोग र बेपत्ता छानबिन आयोगमा रिक्त रहेका पदाधिकारी नियुक्त गर्ने विषय छलफल भएको थियो ।
शान्तिप्रक्रिया शुरू भएको १४ वर्षसम्म पनि द्वन्द्वपीडितलाई न्याय दिन उदासीन देखिएको भन्दै पछिल्लो समय प्रचण्डमाथि दबाब परिरहेको छ ।
प्रचण्डले एकातिर सभामुख चयनको विषयलाई लिएर पार्टीभित्र चर्किरहेको द्वन्द्वको असर र अर्काेतिर संक्रमणकालीन न्यायका सन्दर्भमा परेको दबाब झेलिरहेका छन् ।
मंगलवार प्रचण्ड चितवन जानुको कारण पनि ‘रिफ्रेसमेन्ट’ रहेको उनीनिकट एक नेताले बताए । ‘धेरै काम गरेपछि थकान हुन्छ नै, एक दिनका लागि भएपनि थकान मेट्न उहाँ कहिले कता, कहिले कता गइरहनुहुन्छ,’ ती नेताले लोकान्तरसँग भने, ‘यो चर्चा र बहसको विषय नै होइन । चितवन उहाँको गृहजिल्ला हो, त्यहाँका जनतासँग उहाँको विशेष लगाव छ । त्यसैले जान लाग्नुभएको हो ।’
सचिवालय बैठकको निर्णयलाई चुनौती दिँदै उपसभामुख डा. शिवमाया तुम्बाहाङ्फेले राजीनामा नदिने अड्डी कसेपछि सभामुख चयनको विषयलाई लिएर महिनौंदेखिको ‘डेडलक’ तोडिन सकेको छैन ।
यौन दुर्व्यवहारको आरोप लागेका तत्कालीन सभामुख कृष्णबहादुर महराले असोजको दोस्रो साता राजीनामा दिएपछि राज्यको जननिर्वाचित जनप्रतिनिधिको थलो प्रमुखविहीन भएको छ ।
प्रचण्डले पूर्व सहमति अनुसार नै नयाँ सभामुख पूर्व माओवादीबाट हुनुपर्ने अडान लिएका छन् । केही दिनअघि प्रचण्डको सक्रियतामा वरिष्ठ नेताद्वय झलनाथ खनाल, माधवकुमार नेपाल, संगठन विभागका प्रमुख वामदेव गौतम र प्रवक्ता नारायणकाजी श्रेष्ठबीच गौतम निवास भैंसेपाटीमा छलफल चलेको थियो ।
भैंसेपाटी भेलालाई लिएर प्रधानमन्त्री तथा अध्यक्ष केपी शर्मा ओली त्यति सकारात्मक देखिएका छैनन् । भैंसेपाटीमा भएको भेला आफूविरुद्ध केन्द्रित रहेको ओलीको बुझाइ छ । भेलाले उपसभामुख तुम्बाहाङ्फेलाई राजीनामा गराउने अनौपचारिक सहमति गरेको थियो ।
जुन सहमतिलाई शनिवार ओलीको अनुपस्थितिमा बसेको सचिवालय बैठकले कार्यान्वयन गर्यो । ‘मेराविरुद्ध भेला गरेर उहाँले के प्रमाणित गर्न खोज्नुभएको हो ?’ ओलीले आफूनिकट नेताहरूसँग प्रश्न गर्ने गरेका छन् ।
यद्यपि बिहीवार प्रवक्ता श्रेष्ठले बालुवाटार पुगेर भेला अनौपचारिक मात्र रहेको र त्यस्तो कुनै गुटबन्दी नभएको प्रस्ट पार्न खोजेका थिए । शुक्रवार दुवै अध्यक्षबीच लामो समय छलफल भयो तर त्यसले विश्वासको संकट समाधान गर्न सकेन ।
शनिवार प्रधानमन्त्री ओली डायलासिस गर्न अस्पताल पुगे । डायलासिस गरेर आएपछि आफूले आराम गर्नुपर्ने भन्दै प्रचण्डलाई सचिवालय बैठक सुचारू गर्न सुझाव दिए ।
आइतवार बिहान ओली–प्रचण्डको छलफल चलिरहेका बेला तुम्बाहाङ्फे बालुवाटार प्रवेश गरिन् र राजीनामा नदिने पुरानो अडान डोहोर्याएर निस्किन् ।
प्रचण्डसँगको छलफलमा ओलीले तुम्बाहाङ्फेले राजीनामा दिनुपर्ने बताएपनि ओलीले नै तुम्बाहाम्फेको राजीनामा रोकेको प्रचण्डको बुझाइ छ । प्राविधिक रूपमा पार्टी एक भएपनि नेकपाभित्र ‘प्रचण्ड–नेकपा’ र ‘ओली–नेकपा’ कायमै रहेको एक स्थायी कमिटी सदस्यले बताए ।
‘पार्टी पूर्ण रूपमा कहाँ एक भइसकेको छ र ?’ ती नेताले प्रश्न गरे, ‘महाधिवेशनसम्म पार्टी एक हुने कुरै हुँदैन । यस्तो अवस्थामा पूर्व सहमति पालना गर्नु नै उत्तम उपाय हो । त्यो भनेको सभामुख पूर्व माओवादी पक्षबाट हुनुपर्छ ।’
उनले प्रधानमन्त्री ओलीले ‘डबल स्ट्यान्डर्ड’ कुरा गरेको आरोप पनि लगाए । ‘मुखले चाहिँ तपाईंले सभामुख ल्याउनुस् भन्ने, व्यवहारले चाहिँ उपसभामुखलाई राजीनामा गर्न रोक्ने डबल स्ट्यान्डर्ड प्रवृत्ति देखियो उहाँमा,’ उनले भने ।
प्रचण्ड केही दिन सभामुखको सन्दर्भमा ‘पर्ख र हेर’को रणनीति अख्तियार गर्ने मूडमा पुगेका छन् । तुम्बाहाङ्फेले पार्टीलाई चुनौती दिनु असामान्य रहेको आफूनिकट नेताहरूसँग गुनासो गर्ने गरेको स्रोतले दाबी गर्यो ।
‘प्रधानमन्त्री र राष्ट्रपति दुवैको पोजिसन क्लियर नहुने बेलासम्म यसबारेमा बाहिर नबोल्न आफूनिकट नेताहरूलाई कमरेड प्रचण्डले आग्रह गर्नुभएको छ,’ प्रचण्डनिकट स्रोतले भन्यो ।
सभामुख चयनका सन्दर्भमा ९ सदस्यीय सचिवालयमा प्रचण्डलाई आधाभन्दा बढी सदस्यको साथ रहेको छ । यही कारण सभामुखको उम्मेदवार छनोटमा प्रचण्डले ओलीमाथि दबाब बनाउन खोजिरहेको देखिन्छ ।
पढ्नुहोस् यो पनि -
दृश्यमा तुम्बाहाङ्फेको राजीनामा, भित्र खेल अर्कै !
ओली-प्रचण्डसामु राजीनामा नदिने तुम्बाहाम्फेको अडानले नेकपालाई धर्मसंकट !
सत्ता र शक्तिको आडमा गैरकानूनी ढंगले सरकारी जग्गा हडप्ने नेपालको शक्तिशाली व्यापारिक घराना चौधरी ग्रुपमाथि राज्यको निकायले पहिलोपटक छानबिन थालेको छ । काठमाडौंको बाँसबारीमा ठूलो परिमाणमा सरकारी जग्गा...
सर्वोच्च अदालतको परमादेशले प्रधानमन्त्रीबाट पदमुक्त भएपछि नेकपा एमालेका अध्यक्ष केपी शर्मा ओली बालुवाटारबाट रित्तो हात फर्केका थिए, २०७८ असार ३० गते । संसद् विघटनको अवगाल छँदै थियो, लामो समय सँगै राजनीति गर...
सरकारमा सहभागी मन्त्रीको कार्यक्षमतालाई लिएर प्रश्न उठेपछि अहिले सरकारमा रहेका मन्त्रीलाई फिर्ता बोलाएर मन्त्रिमण्डल पुनर्गठन गर्न सत्तारुढ दलहरूभित्र दबाब बढ्न थालेको छ । अपवादबाहेक सरकारमा सहभागी मन्त्रीले जनअपे...
दुई–दुईपटक मिर्गौला फेरेको शरीर । मध्यजाडो नजिकिँदै गरेका मंसिरका चिसा दिन । त्यसमाथि वृद्धावस्था । यस्तो बेला ७० नाघेकाहरूको अधिकांश समय ओछ्यानमै बित्छ । नभए पनि घरको चार दिबारभित्र आराम गरेर अनि तात...
अन्तिम समयमा आएर कुनै फेरबदल नभएको खण्डमा सम्भवत: आज एनसेलको शेयर खरिद बिक्री सम्बन्धमा छानबिन गर्न सरकारले गठन गरेको समितिले आफ्नो अध्ययन प्रतिवेदन बुझाउने छ । बहस चरम उत्कर्षमा पुगेका कारण एक निजी कम्पनीको अप्...
चरम आर्थिक संकटबाट गुज्रिएको श्रीलंकाले सन् २०२२ को अन्त्यतिर औषधि किन्ने क्षमता पनि गुमाएको थियो । ५० अर्ब डलरभन्दा बढीको विदेशी ऋण 'डिफल्ट' भएको थियो भने लाखौंले रोजगारी गुमाएका थिए । दशौं लाख मान्छे...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...