कात्तिक १९, २०८०
साङ्गीतिक क्षेत्रमा छोटो समयमै नाम र दाम दुवै कमाएकी गायिकामा पर्छिन् रचना रिमाल । करिअर सुरु गरेको ३ वर्षको अवधिमै उनले १२ सय हाराहारी गीतमा स्वर दिइसकेकी छन् । थुप्रै देशमा पुगेर आफ्नो स्वर गुञ्जाइस...
माघ ४, २०७६
तपाईंलाई लाग्न सक्छ- गीत हिट हुन चर्चित गायकगायिकाले गाउनुपर्छ । अझ चर्चित अनुहारलाई भिडियोको स्क्रीनमा देखाउनुपर्छ । तर सबै गीतमा यो लागू हुँदैन ।
माथिका मानक बिनै करोड क्लबमा पुगेको गीत हो- बालखैमा दिल बस्यो गौंथली ।
गीतमा कुनै चलेका कलाकार नाचेका छैनन् । हिट गायक छैनन् । निर्देशक पनि नयाँ छन् । कोरियोग्राफर तथा क्यामेराम्यान पनि चल्तीका होइनन् । संगीतकार भने नयाँ थिएनन् । चल्तीका संगीतकार दीपक शर्माले संगीत दिएका थिए । तर गीत किन यति धेरै हिट भयो त ? निर्देशक निर्मल भन्छन्- दर्शकहरूले अर्ग्यानिक मन पराए ।
गीतको संघर्षपूर्ण यात्रा
कर्णाली प्रदेशको दैलेख जिल्लाका रुपेश चन्द आफूलाई कण्ठ भएको गीत गुनगुनाइरहन्थे । गोठालो जाँदा होस् या घरमै बस्दा, उनी 'मर्ने कसैलाई रहर हुँदैन' गीत गाउँथे । उक्त गीत उनलाई निकै मन पनि पर्छ । सुन्नेहरूले 'वाह दाम्मी छ', 'क्या मीठो गायौ' भन्थे । रुपेश पनि आफ्नो तारिफ सुन्दा मख्ख पर्थे । यतिमात्र होइन उनको स्वर राम्रो छ, राम्रो गीत गाउँछ भन्ने थाहा पाएर स्कूलमा सरहरूले समेत गीत गाउन लाउँथे । उनी धक नमानी आफूलाई आउने गीत गाइदिन्थे ।
सुर्खेतमा बागिना भन्ने एउटा संस्था छ । गीत संगीतमा भुल्न खोज्नेहरू त्यहीँ आउँछन् गीत गाउँछन्, रमाउँछन् ।
रुपेशको आफन्त धिरेन भन्ने निर्देशक निर्मलको साथी थिए । धिरेनले निर्मललाई भनेछन्- मेरो गाउँमा एउटा भाइ छ । उसले राम्रो गीत गाउँछ ।
त्यसपछि निर्मल र धिरेन रुपेशलाई भेटन् गए ।
निर्मल र धिरेनले एक-दुईटा गीत गाउन लगाए । रुपेशले प्रेम परियारको 'मर्ने कसैलाई रहर हुँदैन' भन्ने गीत गाए । उसको गीत निर्मलले मोबाइलमा खिचे । गीत सुनेपछि निर्मललाई लाग्यो- रुपेशको स्वरमा दम छ ।
रुपेशको प्रतिभा यस्सै मर्न दिन मन लागेन निर्मललाई । अनि सोचे- गीत रेकर्ड गराउनुपर्छ ।
निर्मलले गीति यात्रा सुनाए, 'दैलेख आइडल जितेपछि गाउँपालिकाले पनि गीत रेकर्ड गराउन आर्थिक सहयोग गर्छौं भनेको रहेछ । त्यसका लागि गीत रेकर्ड गराउन पर्ने थियो ।'
अर्जुन सापकोटाले निर्मल पौडेललाई संगीतकार दीपक शर्मासँग कन्ट्याक्ट गराइदिए । त्यसपछि रुपेशले गाएको गीतको भिडियो उनले दीपक शर्मालाई पठाए । उनलाई रुपेशको स्वरको क्वालिटी बुझ्नु थियो । दीपक शर्माले 'राम्रो छ, गाउन सक्छ' भनेपछि निर्मल पनि हौसिए ।
'दीपक शर्माले गीत सुनेपछि मेरो र उहाँको हप्तौंसम्म छलफल भयो । दैलेखतिरको भूगोल, परिवेश र उसले गाउन सक्ने पिचमा गीत निकाल्ने कुरा भयो,' उनले भने, 'दीपक शर्माले रुपेशका लागि तीन वटा गीत बनाए । शुरूको गीतमा हाई पीच बढी भएकाले उसले गाउन सक्दैन कि भन्ने भयो । अनि दोस्रो गीत बनाउनुभयो । दोस्रो पनि त्यस्तै भयो ।'
तेस्रो गीत 'बालखैमा दिल बस्यो गौंथली'लाई दीपक शर्माले डमी गाएर पठाए । 'हुन्छ' भन्ने भएपछि दीपक गीत बनाउन तर्फ लागे, रुपेश गीत प्राक्टिस गर्न थाले ।
उता निर्मल पनि सुर्खेतबाट आएर गीतका लागि चाँजोपाँजो मिलाएर रुपेशलाई काठमाडौं बोलाए ।
रुपेश काठमाडौं आए । गीत रेकर्ड गराए, सुर्खेत फर्किए ।
भिडियो बनाउँदाका सकस
गीत त बन्यो । तर गीतको भिडियो बनाउन समय लाग्यो । गीत रेकर्ड भएको चार महिनासम्म भिडियो बन्न पाएन । भिडियोको जिम्मा लिएका निर्मल लिरिकल भिडियो बनाएर हाल्ने मूडमा थिएनन् ।
गीत राम्रो बन्यो भन्ने लागेपछि चलेकै मोडल राख्ने योजनामा थिए निर्मलको टीम ।
'अनुभव र सेड्रिनालाई भिडियोका लागि लिने भन्ने कुरा भयो । केही मिटिङ पनि भयो,' निर्मल भन्छन्, 'उनीहरूलाई सुर्खेत लगेर गीत शूटिङ गरेर फाइनल गर्न लगभग ४ लाख लाग्ने देखियो ।' भिडियो बनाउन निकै खर्च हुने देखेपछि निर्मलको टीम ब्याक भयो । तर अन्तिममा भिडियो जसरी पनि बनाउने प्रेसर आएपछि निर्मलले सुर्खेतै गएर बनाउने निधो गरे । उनले क्यामेराम्यान अमृत केसीलाई काठमाडौंबाट बोलाए । सुर्खेतकै कोरियोग्राफर हेमन्त भुषालसँग कुरा गरे । चलेको प्रोफेसनललाई छोडेर जो-जो भेटिन्छ त्यो-त्योलाई लिन थाले निर्मलले ।
उनले भिडियोको कन्सेप्ट सुनाए । भुषाललाई उपयुक्त पात्र खोज्न सहयोग गर्नुस् पनि भने । एक हप्ताजति नयाँ अनुहार खोजेपछि अन्त्यमा दुई जना छाने- मिलन बिक र पूजा गाहा । पछि भिडियो चाहिँ निर्मलले आफ्नै गाउँमा खिचे ।
'अन्तिममा हामीले भिडियो ८० हजारमा सक्यौं । तुलनात्मक हिसाबमा यो निकै सानो बजेटमा बनेको भिडियो हो,' भिडियोको संघर्ष सुनाए उनले ।
'अर्ग्यानिक टेस्ट दर्शकले मन पराए'
सुर्खेतकै परिवेश उताकै कलाकार भएकाले यो गीत र भिडियो दुवै अर्ग्यानिक भएको निर्देशक निर्मल पौडेल बताउँछन् । 'जे भयो राम्रैको लागि भयो, स्थानीय कलाकार राखेर पनि भिडियो चल्यो कि जस्तो पनि भान हुन थालेको छ,' उनले भने, 'तर यतिसम्म हिट हुन्छ भन्ने चाहिँ सोचेका थिएनौं । गीतलाई लिएर जति पनि प्रतिक्रिया आएका छन्, ती सबै लोकल टेस्टसँग सम्बन्धित छन् ।'
साङ्गीतिक क्षेत्रमा छोटो समयमै नाम र दाम दुवै कमाएकी गायिकामा पर्छिन् रचना रिमाल । करिअर सुरु गरेको ३ वर्षको अवधिमै उनले १२ सय हाराहारी गीतमा स्वर दिइसकेकी छन् । थुप्रै देशमा पुगेर आफ्नो स्वर गुञ्जाइस...
कोरियोग्राफर रामजी लामिछाने एकसमय दिनैपिच्छे म्युजिक भिडियोको सुटिङमा व्यस्त हुन्थे । चल्तापुर्जा कोरियोग्राफर उनी महिनामा २२ वटासम्म म्युजिक भिडियोमा काम गर्थे । पछिल्ला महिना भने म्युजिक भिडियोमा उनको...
‘यो मेरो पिरती’ बोलको लोकदोहोरी गीत गाउँदै कमला मगरले गायनमा डेब्यु गरेकी छन् । अहिलेका चर्चित गायक खेम सेञ्चुरीसँग उनले यो गीतमा स्वर दिएकी हुन् । रमेश परियारको शब्द एवं संगीत, कृ...
हाँस्य कलाकार सिताराम कट्टेल र कुञ्जना घिमिरेले वैवाहिक वर्षगाँठको अवसर पारेर ‘भगवान कसम’ बोलको गीत सार्वजनिक गरेका छन । १५ औं वैवाहिक वर्षगाँठको अवसर पारेर ‘धुर्मुस–सुन्तली&rsqu...
प्रकाश सपूत र सनिशा भट्टराईको अभिनयमा ‘फूलमाया कान्छी’ बोलको गीत सार्वजनिक भएको छ । सोमवार सार्वजनिक यो माया प्रेममा आधारित गीत हो । गीतमा योगेश काजी शाह र शान्तिश्री परियारको स्वर छ । यसमा कृष्ण...
बलिउडमा कलाकारको पारिश्रमिकलाई लिएर निकै चर्चा हुन्छ । विशेषगरी चलचित्रका स्टारहरूको पारिश्रमिकबारे सञ्चारमाध्यममा प्रशस्त समाचार बन्छन् । नेपालमा पनि बेलाबेलामा चलचित्रका स्टार कलाकारहरूको पारिश्रम...
यतिबेला नेपालको राजनीति बहुचर्चित सहकारी प्रकरण र यसमा संलग्न व्यक्तिउपर छानबिन तथा कारबाहीका लागि संसदीय समिति गठन हुने कि नहुने भन्ने विषयमा केन्द्रित छ । यो विषय यति पेचिलो हुनुको कारण बहालवाला गृहमन्त्री...
सृष्टिमा हरेक चीजको एउटा अति हुन्छ, जसलाई हामी सीमा भन्ने गर्छौँ, जलाई उसले आउँदा सँगै लिएर आएको हुन्छ र जेजति गर्छ यसैभित्रै रहेर गर्छ । अति पार गर्नासाथ उसको अस्तित्व पनि समाप्त हुन पुग्छ । अति पार गरेपछि नदी...
नेपाली कम्युनिस्ट आन्दोलन कतिपटक विभाजन भयो ? पुनः एकता, मोर्चा गठन, विघटनलाई हेर्दा यसको जोडघटाउको लामै शृङ्खला बन्छ । र, त्यसमा मूलधारको राजनीतिबाट विभाजित कम्युनिस्ट पार्टी अर्थात् वामपन्थी पार्टीहरूको विसर्...