एसीसी प्रिमियर कप टि-२० क्रिकेट प्रतियोगिताअन्तर्गत संयुक्त अरब इमिरेट्स (यूएई)विरुद्धको सेमिफाइनल खेलमा नेपाल​लाई पहिलो बलमै झट्का लागेको छ ।​

ओमानको अल अमरात क्रिकेट मैदानमा टस हारेर ब्याटिङ गरेको नेपालले पहिलो ओभरको पहिलो बलमै विकेट गुमाएको हो ।

यूएईका जुनैद सिद्धकीको बलमा कुशल भुर्तेल आउट भए ।

नेपाल समूह ‘ए’ को विजेता रूपमा सेमिफाइनलमा पुगेको हो भने यूएई समूह ‘बी’को उपविजेताका रूपमा सेमिफाइनल प्रवेश गरेको हो ।

समूह चरणको खेलमा नेपालले सबै चार खेलमा जीत हात पारेको थियो ।

नेपालले मलेसियालाई पाँच विकेट, कतारलाई ३२ रन, हङकङलाई आठ विकेट र साउदी अरेबियालाई छ विकेटले पराजित गरेको थियो ।

त्यसैगरी यूएईले कुवेतलाई सात विकेट, बहराइनलाई ३७ र कम्वोडियालाई नौ विकेटले हराएको थियो भने ओमानसँग नौ विकेटको पराजित भएको थियो ।

आजै हुने अर्को सेमिफाइनलमा सेमिफाइनलमा ओमान र हङकङबीच प्रतिस्पर्धा हुँदैछ ।​