आइपीएल २०१८ मा किंग्स इलेभेन पञ्जावको टीम बलियो बनेको छ । टीमको यो सफलतामा बलिउड अभिनेत्री तथा किंग इलेवन पञ्जावकी सह लगानीकर्ता प्रीति जिन्टा निकै खुशी छिन् । 

प्रीति जिन्टा हरेक अवसरमा खेलाडीको हौसला बढाउँदै आइरहेकी छिन् । त्यसैले त क्रिस गेलको तुफानी पारी पछि प्राप्त जीतमा उनले आफूलाई रोक्न सकिनन् । उनलाई बधाइ दिन प्रीति मैदानमा उत्रिइन् । 

क्यारेवियनपनि जीतमा नउफ्रने कुरै भएन । प्रीतिले गेललाई बधाई दिँदै ‘जीतको झप्पी’ दिइन् । 

सनराइज हैदरवाद विरुद्ध आइपीएलको सीजन ११ को १६ औ खेलमा किंग इलेवन पञ्जावका लागि क्रिस गेलले १०४(६३ बलमा १ चौका र ११ छक्का) रनको मद्दतमा १९३ रनको स्कोर बनाएको थियो । हैदरवादले यो लक्ष्य हासिल गर्न सकेन र पञ्जाब १५ रनले विजयी भयो । 

गेल यस सिजनका पहिला शतक प्रहार गर्ने खेलाडी बनेका छन् । आइपीयल करियरमा उनको यो छैठौं शतक हो ।