काठमाडौं – सन् २०१५ मा दिलवाले फिल्ममा देखिएपछि काजोललाई देखिएको छैन र प्रशंसकहरू उनको नयाँ फिल्मको प्रतीक्षा गरिरहेका छन् । 

प्रदीप सरकारले निर्देशन गरेको फिल्म ईला हेलिकप्टरमा काजोल देखिने भएकी छन् । फिल्ममा काजोलबाहेक नेहा धूपिया पनि देखिनेछिन् । 

फिल्मको ट्रेलर  काजोलको ४४औं जन्मदिनमा आइतवार सार्वजनिक गरिएको छ । 

आमा र छोराको सम्बन्धमा बनेको यो फिल्म गुजराती नाटक बेटा कागडूमा आधारित छ । यसलाई शिप अफ थिसियसका आनन्द गान्धीले लेखेका हुन् । 

फिल्ममा काजोल एकल आमाको भूमिकामा छिन् । उनी आफ्नो छोरा हुर्काउनका लागि सबै सपना अधुरै छोड्छिन् । 

काजोलको छोराको भूमिकामा नेसनल अवार्ड विजेता ऋद्धि सेन छन् । आमाको जिन्दगी आफ्नो वरिपरि मात्र नघुमोस् भन्ने चाहना छोराको छ । काजोल आफ्नै छोराको कलेजमा भर्ना हुन्छिन् । 

ट्रेलर रमाइलो र भावनात्मक देखिन्छ । 

एजेन्सी