विराटनगर – आरोहण गुरूकूल विराटनगरमा नाटक एक चिहान मञ्चन गरिने भएको छ ।

शनिवारदेखि १६ गतेसम्म १० दिन गुरूकूलमा नाटक एक चिहान मञ्चन गरिने भएको हो । स्व. उपन्यासकार हृदयचन्द्रसिंह प्रधानद्वारा लिखित चर्चित उपन्यास एक चिहानलाई नाट्य रुपान्तरण गरी मञ्चन गर्न लागिएको निर्देशक मुकेश कर्णले जानकारी दिए ।

एक चिहान उपन्यास कक्षा ११ र कक्षा १२ को पाठ्यक्रमको नेपाली विषयमा पनि समावेश छ । उपन्यासमा पहाडी गरीबी परिवेशमा रहेको नेवार परिवारले भोग्नुपरेका समस्या र अप्ठ्याराबारे ब्याख्या गरिएको छ ।

मुकेश कर्णले निर्देशन गरेको नाटकमा देवेन्द्र यादव, सुरेश मण्डल, अस्मिना भट्ट कर्ण, उद्धव सापकोटा, राजेश ढकाल, राम राजवंशी, अनु श्रेष्ठ, समिक्षा कार्की, विकास पराजुली, प्रेम दाहाल, सुवास बिष्ट र भरत कार्कीले अभिनय गरेका छन् ।

नाटकको प्रकाश व्यवस्थापनमा सागर विश्वास र ध्वनीमा निर्मल शर्मा छन् ।