नयाँदिल्ली–बलिउड अभिनेत्री राखी राखी सावन्तले महिला रेसलरसँग भिड्न खोज्दा नराम्रो नतिजा भोग्नु परेको छ । यसको परिणाम यस्तो भएको छ कि उनी अस्पताल नै भर्ना हुनु परेको छ । 

भारतको पंचकूलाको सेक्टर ३ स्थित ताऊ देवी लाल खेल परिसरमा आयोजित रेसलिङको बिग फाइटमा  राखी सावन्तले ती विदेशी महिलालाई चुनौती दिइन् ।  विदेशी महिला रेसलरले राखीलाई रिंगमा उचालेर पछारिन्  । जसका कारण उनलाई चोट लाग्यो र अस्पताल जानु परेको हो । 

आइतबार बिग फाइटको क्रममा महिला रेसलरको पनि प्रतिस्पर्धा राखिएको थियो । विदेशी महिला रेसलर रेवलले फाइट जितेपछि कोही भारतीय महिलामा दम छ भने आफूसँग प्रतिस्पर्धा गर्न खुल्ला रुपमा चुनौती दिइन् तर यसका लागि कोही महिला तयार भएनन् ।

त्यसपछि राखी सावन्त स्टेजमा आइन् र महिला रेसलरलाई च्यालेन्ज दिँदै भनिन्, ‘यदि तिमीसँग दम छ भने मसँग डान्स गरेर देखाउ ।’ त्यसपछि दुबैबीच प्रतिस्पर्धा सुरु भयो ।

राखी सावन्तको डान्स देखेर मानिसहरु हुटिङ गर्न थाले । त्यतिबेला राखी सावन्तले महिला रेसलरलाई जिस्काइन् । राखीको व्यवहारले महिला रेसलर रिसाइन् र उनलाई उचालेर पछारिन् ।

रेस्लरले पछार्दा उनी उठ्न नसकी  केही मिनेट भूईँमा ढल्न पुगेकी थिइनु । 

उनलाई कम्मरमा चोट लागेको र केही दिन आराम गर्नुपर्ने सुझाव डााक्टरहरुले दिएका छन् ।