काठमाडौं — चीनमा एयर कन्डिसनर बनाउने सबभन्दा ठूलो कम्पनीकी महिला सीईओमाथि ट्राफिक उल्लंघनको आरोपमा जरिवाना लगाइएको छ । 

चीनका प्रमुख शहरहरूका चौबाटामा कृत्रिम बौद्धिकता प्रविधियुक्त क्यामरा लगाइएको छ । तीमध्ये एक क्यामराले बसमा लेखिएको विज्ञापनमा देखिएकी महिला सीईओको तस्वीरलाई साक्षात् मानिस ठानेर जरिवाना ठोकिदियो । 

कृत्रिम बौद्धिकताले महिला सीईओको नाम नियम तोड्ने व्यक्तिको सूचीमा राखेर उनको तस्वीर चौबाटामा राखिएका डिस्प्लेमा चलाइदियो । 

गल्ती भएको पत्ता लागेपछि चीनको प्रहरीले माफी मागेको छ । डेटाबेसबाट महिला सीईओको रेकर्ड हटाइएको छ । 

ग्री विद्युतीय सामग्री कम्पनी चीनको सबभन्दा ठूलो एयर कन्डिसनर कम्पनी हो । त्यसकी सीईओ दोङ मिङ्झुको तस्वीर अचानक शेनजेन शहरका चौबाटामा राखिएका पब्लिक डिस्प्लेमा देखाइन थाल्यो । चीन प्रहरीले दोङ मिंग्झुले
रातो बत्ती बलेको बेलामा पैदलै चौबाटो काटेर ट्राफिक नियम उल्लंघन गरेको आरोप छ । 

सत्य कुरा सार्वजनिक भएपछि प्रहरीले माफी मागेको छ । 

शेनजेन प्रहरीले चीनका अधिकतर शहरमा पैदल हिँड्नेहरूले नियम उल्लंघन गर्ने गरेको बतायो । त्यसैले चौबाटाहरूमा कृत्रिम बौद्धिकतायुक्त क्यामरा फिट गरिएको छ । नियम उल्लंघन गर्नेहरूको तस्वीर त्यसले खिचिदिन्छ । 

एजेन्सी