काठमाडौं – कृषि तथा पशुपन्छी विकास मन्त्री चक्रपाणी खनालले मातहतका कर्मचारीहरुलाई कामको गति बढाउन निर्देशन दिएका छन् ।

मन्त्रालय मातहतको योजना तथा विकास सहायता समन्यय महाशाखाको प्रथम चौमासिक समिक्षा बैठकलाई सम्बोधन गर्दै मन्त्री खनालले यस्तो निर्देशन दिएका हुन् ।

हरेक निकायलाई परिचालन गरेर कामको गति बढाउनु पर्ने उनको भनाई थियो ।

मन्त्रालयबाट सोचेअनुसारको प्रगति हुन नसकेको भन्दै मन्त्री खनालले असन्तुष्टि व्यक्त गरे । ‘विभागिय प्रमुखमा रहेका तपाईहरुलाई मन्त्रीको स्प्रिटमा काम गर्न सकिदैन जस्तो लाग्छ भने खुशी साथ छोड्दा हुन्छ’ उनले भने, ‘काम नगर्नेलाई हेरफेर गरिन्छ ।’

प्रथम चौमासिक प्रगति विवरण सोचेअनुसार हुन नसकेको भन्दै मन्त्री खनालले कर्मचारीहरुलाई तर्कभन्दा परिणाममा ध्यान दिन समेत आग्रह गरे ।