इलाम २ को प्रतिनिधि सभामा क्षेत्रमा शनिवार (भोलि) हुन लागेको निर्वाचनमा सार्वजनिक यातायात पनि सञ्चालन हुने भएको छ ।

निर्वाचन आयोगले विज्ञप्ति जारी गर्दै सम्बन्धित क्षेत्रका मतदातालाई मतदान केन्द्रसम्म लान सहज आवागमन हुने गरी सार्वजनिक यातायात प्रबन्ध गर्ने जनाएको हो ।

आयोगका उप सचिव एवं सहायक प्रवक्ता रामदत्त पाण्डेयले मतदाताको लागि आवश्यकता अनुसार सार्वजनिक यातायातको प्रबन्ध हुने जानकारी दिएका छन् । 

‘सम्बन्धित क्षेत्रका मतदातालाई मतदान केन्द्रसम्म सहज आवागमनको लागि आवश्यकता र औचित्य हेरी मतदानको दिन सार्वजनिक यातायातको उपयुक्त प्रबन्ध मिलाउने’,  आयोगको निर्णयमा भनिएको छ ।

यस अघि निर्वाचनका दिन यस्तो व्यवस्था हुने गरेको थिएन । 

इलाम २ जितेका एमाले सांसद सुवास नेम्वाङको निधन भएपछि भोलि उपनिर्वाचन हुन लागेको हो ।

उपनिर्वाचनमा १९ जना उम्मेदवार चुनावी मैदानमा छन् ।

भोलि बिहान ७ देखि ५ बजेसम्म मतदान हुँदैछ । इलाममा १ लाख १५ हजार मतदाता छन् ।