पदाधिकारीविहीन बन्यो संगीत तथा नाट्य प्रज्ञा प्रतिष्ठान, घाम तापेर दिन काट्दै कर्मचारी

पुस ४, २०७५

काठमाडौं– नेपाल संगीत तथा नाट्य प्रज्ञा प्रतिष्ठान अहिले पदाधिकारीविहीन बनेको छ । 

गत भदौदेखि प्रज्ञा प्रतिष्ठान पदाधिकारी बिहीन भएको हो । सरकारले पदाधिकारी नियुक्ति नगर्दा अहिले प्रतिष्ठानका कर्मचारीहरु घाम तापेर दिन विताइरहेका छन् । 


ADVERTISEMENT

यसअघिका पदाधिकारीको चार वर्षे कार्यकाल भदौं १९ गते सकिएको थियो । 

नयाँ पदाधिकारी सरकारले नियुक्त नगर्दा नाट्य प्रज्ञा प्रतिष्ठान नेतृत्व विहीन भएको हो ।

दैनिक कामहरु हुन सकिरहेका छैनन् भने भएका कर्मचारीहरु घाम तापेर दिन कटाउन बाध्य छन् । 

स्रष्टाहरुको सम्मान, प्रोत्साहन तथा सम्बद्र्धनमा काम गर्दै आएको प्रतिष्ठान पदाधिकारी बिहीन बन्नु गम्भिर विषय भएको बताउँछिन् प्रतिष्ठानकी पूर्व परिषद सदस्य एवं अभिनेत्री मिथिला शर्मा ।  भन्छिन्, ‘यति धेरै समयसम्म अलमलिनु राष्ट्रसँग कुनै पनि भिजन नभएजस्तो देखियो ।’ 

उनी पदाधिकारी परिपूर्ति हुन नसक्दा यस अघिका प्राज्ञहरुले शुरु गरेको काम पनि रोकिएको बताउँछिन् । 

‘हाम्रो क्षेत्रलाई हुनुपर्ने योगदान, संरक्षण नै हुँदैन नि ! ʼउनले लोकान्तरसँग भनिन् ‘सरकारले छिटोभन्दा छिटो पदाधिकारी नियुक्ति गर्नुपर्छ ।’

पूर्व कार्यवाहक सदस्यसचिव रमेशरञ्जन झा पनि लामो समयसम्म प्रतिष्ठान पदाधिकारी बिहीन बन्नु सरकारको ठूलो कमजोरी भएको बताउँछन् । ‘पदाधिकारी नभएपछि तलब खुवाउने भन्दा अरु काम भएको छैन्’ झाले लोकान्तरसँग भने । 

यति लामो समयसम्म पदाधिकारी बिहीन भएको प्रतिष्ठानमा पदाधिकारी चयन गर्न सरकारले तत्काल प्रभावकारी कदमचाल्नुपर्ने उनी बताउँछन् ।
 

पुस ४, २०७५ मा प्रकाशित

प्रतिक्रिया दिनुहोस