काठमाडौं–कर्मचारी समायोजन अध्यादेशको विरोधमा निजामी कर्मचारीहरु आन्दोलित भएका छन् । आन्दोलित कर्मचारीहरु बुधबार सामान्य प्रशासन मन्त्रालयमा भेला भएका छन् । 

उनीहरुले आफ्ना असन्तुष्ठिसहितका मागहरु संघीय मामिला तथा सामान्य प्रशासन मन्त्रालयका सचिव दिनेश कुमार थपालियालाई बुझाएका छन् । 

निजामित कर्मचारी राजपत्राकिंत द्वितय श्रेणी भन्दा तलका कर्मचारीले कर्मचारी समायोजन अध्यादेशमा विरोध जनाएका छन् । 

उनीहरुले निजामती सेवा ऐन २०४९ को दफा ५८ को सेवा सर्तको सरक्षा सम्बन्धि व्यवस्थाको प्रतिकूल एवं प्राकृतिक न्यायका सिद्धान्तको समेत विपरित कर्मचारी समायोजन अध्ययादेश आएको भन्दै आपत्ति जनाएका हुन् । 

मुलुकको भाग्य र भविष्य निर्माणमा राजनीति सँगै काँधमा काँध मिलाएर हिड्नुपर्ने कर्मचारीलाई अन्याय पर्ने गरी तय गरिएका व्यवस्थाहरु प्रति आफूहरुको गम्भीर असहमती भएकोहँदा उक्त व्यवस्थाहरु तत्काल सच्चाई समायोजन अध्यादेश कार्यान्वयन गर्ने व्यवस्थाका गर्न माग गरेका छन् । 

स्थानीय तह र प्रदेश तहमा समायोजन हुने कर्मचारी केन्द्रमा बढुवा र सरुवा हुने व्यवस्था हटाएपछि उनीहरु आन्दोलित भएका हुन् ।