काठमाडौं-अभिनेत्री शुभेच्छा थापाले चलचित्र निर्देशन गर्ने भएकी छिन् ।

सिने फ्रेमको प्रस्तुतिमा पारिवारिक कथामा  बन्ने ‘लक्ष्मी रानी’ चलचित्रलाई शुभेच्छाले निर्देशन गर्न लागेकी हुन । चलचित्रमा उनकै कथा रहनेछ । 

विनोद त्रिपाठीको निर्माणमा बन्ने चलचित्रमा शुभेच्छाका साथमा माधव प्रसाद सिग्देल, धिरेन शाक्य, जयकिशन बस्नेत, प्रदेशी शाह, मिथिला शर्मा, रश्मी भट्ट, श्याम राई, खगेन्द्र नेपाल लगायतका कलाकारहरुको अभिनय रहने निर्माण पक्षले जनाएको छ ।

चलचित्रमा दिव्य सुवेदीको छायाँकन, बवुल गिरीको संगीत, विवेक थापाको नृत्य रहनेछ । यही पुसको १८ गतेबाट चलचित्र छायाँकनमा जाने जनाईएको छ ।