काठमाडौं– नेपाल राष्ट्र बैंकले चालु आर्थिक वर्षको पाँच महिनाको मुलुकको आर्थिक स्थिति सार्वजनिक गरेको छ ।

साउन देखि मंसिरसम्मको मुलुकको आर्थिक स्थिति सार्वजनिक गरेको राष्ट्र बैंकले चालु आर्थिक वर्षमा रेमिट्यान्स (विप्रेषण आप्रवाह)मा ३१ दशमलव ९ प्रतिशतले वृद्धि भएको जानकारी दिएको छ ।

चालु आर्थिक वर्षमो पहिलो पाँच महिनामा रेमिट्यान्स ३ खर्ब ७६ अर्ब पुगेको राष्ट्र बैंकले जानकारी दिएको छ ।

त्यस्तै मुलुकको शोधान्तर स्थिति ८५ अर्ब ३२ करोड रुपैयाँ पुगेको नेपाल राष्ट्र बैंकले बिहीवार सार्वजनिक गरेको तथ्याङ्कमा उल्लेख छ ।

राष्ट्र बैंकका अनुसार उपभोक्ता मुद्रास्फीति ३ दशमलव ७ प्रतिशत रहेको छ । त्यस्तै मुलुकमा गत आर्थिक वर्षको पहिलो पाँच महिनाको तुलनामा ३४ दशमलव २ प्रतिशतले आयात वृद्धि भएको र निर्यात समेत ११ प्रतिशतले वृद्धि भएको तथ्याङ्कमा उल्लेख गरिएको छ ।

त्यस्तै नगद प्रवाहमा आधारित सरकारी खर्च ६ दशमलव ८ प्रतिशत र राजश्व संकलन २६ दशमलव ३ प्रतिशतले बढेको छ ।