काठमाडौं — यस संसारमा अनेकौं मानिस अनौठा सोख पालिरहेका भेटिन्छन् । यस्तै एक महिला इंग्ल्यान्डको लांकाशायर इलाकामा बस्छिन् । उनलाई रगत चुस्ने जुका पाल्ने सोख छ । 

महिलाको नाम क्याटी एश्ले हो र उनले उक्त जुकालाई आफ्नो रगत पिलाउँछिन् । 

क्याटीका पति माइकले आफ्नो घरमा दुईवटा जुका पालेका छन् । उनी पनि जुकालाई रगत चुसाउँछन् । 

क्याटीका अनुसार, दुवै जुकालाई उनले सन् २०१८ मा पाल्न थालेकी हुन् । क्याटीे र माइक दुवैले हरेक चारदेखि ६ महिनामा जुकालाई पेट भरिनेगरी आफ्नो रगत चुसाउँछन् ।

उनका अनुसार, एउटा जुकाको पेट लगभग दुई घन्टामा भरिन्छ । एउटा जुकाले एकचोटिमा लगभग १५ मिलिलिटरसम्म रगत पिउन सक्छ ।

पति पत्नी दुवैले पालैपालो गरेर जुकालाई रगत चुसाउँछन् । रगत चुसाएपछि धेरै बेरसम्म रगत बगिरहेर पीडा हुने भए पनि उनीहरू सहेर बस्छन् । 

घरपालुवा जुकालाई उनीहरू एउटा बाउलमा राख्छन् । बाउलमा पानीको लेभल उनीहरू ठिक्क राख्छन् किनकि धेरै पानी राख्दा जुकाहरू भाग्न सक्ने सम्भावना हुन्छ । 

अनि उनीहरूले जुकालाई घामबाट टाढा राख्नुपर्ने हुन्छ किनकि जुकाहरू निशाचर हुन् । 

जुकाका दाँतहरू थुप्रो हुने र त्यही दाँत उनीहरूले मानिसको शरीरमा गाडेर रगत चुस्ने क्याटी बताउँछिन् । जुकाले रगत पिएपछि छालामा ठूलो प्वाल बन्ने र त्यसबाट लगातार रगत चुहिने हुन्छ । तर केही हप्तामा त्यो आफैं ठीक पनि हुन्छ । 

एजेन्सी