कात्तिक २८, २०८०
अहिलेका सर्वाधिक हिट अभिनेता हुन् दयाहाङ राई । उनि अभिनीत एकपछि अर्को फिल्मले हलमा राम्रो व्यापार गरेका छन् । यसवर्ष पनि उनको शीर्ष भूमिका रहेको ‘जारी’ र ‘नाङ्गो गाउँ’ले राम्र...
काठमाडौं- आशिरमान देशराज जोशीले ‘ग्याङस्टार ब्लूज’बाट नेपाली सिने नगरीमा पाइला चाले । अग्लो कदका चकलेटी आशिरमानको अभिनयको कद पनि पहिलो फिल्मबाटै चुलियो । फिल्मले अपेक्षा गरेअनुसार व्यापार गर्न नसके पनि दर्शकले आशिरमानलाई 'नोटिस' गरे । ‘ग्याङस्टार ब्लूज’मा रिसाहा स्वभाव तथा एक्सन अवतारमा देखिएका आशिरमालाई फिल्म प्रदर्शनपछि दर्शक तथा शुभचिन्तकले सल्लाह दिए– तपाईं लभस्टोरी फिल्म खेल्नुस् ।
‘चकलेटी लुक्स’का आशिरमानलाई दर्शकले एक्सनमा होइन लभस्टोरी फिल्ममा हेर्न चाहे ।
संयोग नै मान्नुपर्छ, ‘ग्याङस्टार ब्लूज’ प्रदर्शनमा नआउँदै उनले लभस्टोरी फिल्म साइन गरिसकेका थिए । उनले त्यतिबेला साइन गरेको फिल्म ‘द ब्रेकअप’ गत शुक्रवारबाट सिनेमा घरमा लागिरहेको छ । जुन फिल्मलाई ‘ग्याङस्टार ब्लूज’कै निर्देशक हेमराज बिसीले निर्देशन गरेका हुन् । फिल्ममा आशिरमानले शिल्पा मास्केसँग स्क्रिन शेयर गरेका छन् ।
पहिलो फिल्म प्रदर्शनमा आएपछि उनलाई धेरै फिल्मको अफर आए । तर उस्तै चरित्रमा । ‘पहिलो फिल्ममा जुन क्यारेक्टर गरेँ, त्यही क्यारेक्टरका फिल्मको मात्र अफर आइरह्यो,’ लोकान्तरसँगको कुराकानीमा आशिरमानले भने, ‘अहिले द ब्रेकअपको ट्रेलर सार्वजनिक भएपछि लभस्टोरी फिल्मको अफर आइरहेको छ ।’ ‘द ब्रेकअप’सँग जोडिएका कारण उनले अन्य फिल्ममा अभिनय गरेनन् ।
‘द ब्रेकअप’ प्रदर्शनमा आएको छ । अब भने स्क्रिप्ट हेरेर चित्त बुझे अन्य फिल्म साइन गर्ने उनी बताउँछन् । फिल्मले बजारमा पाएको चर्चालाई लिएर आशिरमान निकै उत्साहित छन् तर उनमा डर पनि उत्तिकै छ । ‘म मा डर र उत्साह उत्तिकै छ,’ आशिरमान भन्छन्, ‘फिल्म राम्रो बनेको छ । तर मनमा एक किसिमको डर भने हुँदो रहेछ ।’
फिल्मको प्रचारप्रसारका लागि यूनिट कलेज पुग्यो, विभिन्न इभेन्टहरू गर्यो । ‘दर्शकहरूसँगको प्रत्यक्ष भेटमा उहाँहरूले देखाउनुभएको माया देख्दा एक किसिमको कन्फिडेन्ट चाहिँ बढ्दो रहेछ,’ आशिरमान उत्साहित हुँदै भन्छन् ।
उसो त फिल्म राम्रो बनेको हुनाले हेरेका दर्शकलाई फिल्म मन परेको आशिरमान बताउँछन् । फिल्म युवा लक्षित हो । ‘केटाको ब्रेकअप भइसकेपछि वा केटीको ब्रेकअप भइसकेपछि त्यसअगाडिको यात्रा उनीहरूले कसरी ह्याण्डल गर्दा रहेछन्, के-के गर्दा रहेछन् ? त्यसलाई फिल्ममा देखाउन खोजेका छौं,’ फिल्मबारे आशिरमानले भने ।
अहिलेको जेनेरेशनमा रिलेशनसिपमा जति खुलापन बढेसँगै बढ्दै छ, त्यति नै ‘इगो’ पनि बढ्दै गएको उनी बताउँछन् । फिल्मबारे उनी थप्छन्, ‘रिलेशनसिपमा कम्परमाइज गर्नुपर्ने हुन्छ । तर आजकलका युथमा त्यो छैन । मोर्डन भन्ने वित्तिकै जे पायो त्यही गर्नु हुँदैन । हाम्रो म्यालूज लुज गर्नु हुँदैन । फिल्ममा त्यो देखाउन खोजिएको छ ।’
फिल्ममा आशिष्कार नामको लभर ब्याईको स्वीट क्यारेक्टरमा आशिरमान प्रस्तुत भएका छन् ।
आशिरमान आफूले बच्चैदेखि कलाकारितामा रुचि राख्ने गरेको बताउँछन् । ‘साँच्चै भन्नुपर्दा म यूकेजी पढ्दादेखि नै गीतहरूमा नाँच्थे । त्यतिबेलै सोच्थेँ, भविष्यमा कलाकार बन्छु ।’ उनी आफूले स्कूल सक्ने वित्तिकै फिल्ममा डेब्यू गरेको बताए । यद्यपि फिल्ममा आउनुअघि केही म्यागजिनहरूमा फोटोशूट भने गरेका थिए ।
आशिरमानका दाई आयुष्मान पनि फिल्म क्षेत्रमै सक्रिय छन् । यसकारण दर्शकलाई परिवारमा फिल्मको कुरा बढी हुन्छ भन्ने लाग्न सक्छ । आशिरमान परिवारमा फिल्मबारे कुनै कुरा नहुने बताउँछन् । ‘परिवार यही इण्डष्ट्रिमा छ भनेपछि सबैले यही सोधिरहेका हुन्छन् तर हाम्रो परिवारमा फिल्मबारे कुरा नै हुँदैन,’ आशिरमान भन्छन् । यतिसम्म की फिल्म साइन गरेको समेत परिवारमा कुरा नहुने उनी बताउँछन् ।
‘आफ्नो कामलाई लिएर कसैले–कसैलाई केही भन्दैनौं,’ आशिरमानले सुनाए, 'किनभने त्यो प्रोफेसनल लाइफ भयो नि ! जब हेल्प चाहिन्छ, केही सल्लाह चाहिन्छ त्यतिबेला बल्ल एक अर्कामा कुरा हुन्छ ।’
आशिरमान अझ केही वर्ष लभस्टोरी फिल्म खेल्न चाहेको बताउँछन् । ‘फिल्म चल्न कथा राम्रो हुनुपर्छ । अर्को कुरा, फिल्म चलाउने भनेको फ्यान्स र अडियन्सले नै हो’ आशिरमान थप्छन्, 'मलाई मेरा फ्यान्स र अडियन्सले लभस्टोरी फिल्म खेल्न सल्लाह दिनुभएको छ । त्यसैले अझ केही लभस्टोरी फिल्म खेल्छु ।’ आफूलाई दर्शकले लभस्टोरी फिल्ममा हेर्न चाहेको हुनाले आफूले दर्शकको चाहनाबमोजिम काम गर्नुपर्ने उनी बताउँछन् । त्यो बाहेक उनी फरक-फरक कथाका फिल्म खेल्न चाहन्छन् ।
अहिलेका सर्वाधिक हिट अभिनेता हुन् दयाहाङ राई । उनि अभिनीत एकपछि अर्को फिल्मले हलमा राम्रो व्यापार गरेका छन् । यसवर्ष पनि उनको शीर्ष भूमिका रहेको ‘जारी’ र ‘नाङ्गो गाउँ’ले राम्र...
वैशाखको १४ गतेबाट प्रदर्शनमा आउने फिल्म ‘बोक्सीको घर’को फस्र्टलुक पोस्टर सार्वजनिक गरिएको छ । बुधवार सरस्वती पूजाको अवसर पारेर अभिनेत्री केकी अधिकारीको होम प्रोडक्सनमा निर्माण भएको यो फिल्मको पो...
अभिनेता राजेश हमालबारे नकारात्मक टीकाटिप्पणी कमै हुने गरेको छ । सामाजिक सञ्जालमा पनि उनीबारे आलोचना गरेको खास्सै पाइँदैन । तर, यसपटक भने फेसबुक पोष्टमा राजेशले आलोचना खेपेका छन् । उनले फेसबुकमा ...
‘लुट’बाट सेलिब्रिटी निर्देशकको छवि बनाएका निश्चल बस्नेत निर्देशित आगामी चलचित्र ‘दिमाग खराब’ यही शुक्रवारबाट प्रदर्शनमा आउँदैछ । तिहारको अवसर पारेर प्रदर्शनमा आउन लागेको चलचित्...
बडा दशैँको अवसर पारेर गत शुक्रवारबाट प्रदर्शनमा आएको नारायण रायमाझी निर्देशित चलचित्र ‘परदेशी २’ले दर्शकबाट सुखद् प्रतिक्रिया पाइरहेको छ । हलबाट निस्किँदै गरेका दर्शकहरूले आजको नेपाली समा...
निर्देशक राजु गिरीले ‘ईश्वर’ नामक चलचित्र निर्माणको घोषणा गरेका छन् । दिव्या कंगना फिल्मसको प्रस्तुतिमा बन्ने चलचित्रमा गिरीको लेखन एवं निर्देशन रहनेछ । यसमा पटकथा एवं संवाद भोजराज देवकोटाको रहनेछ ...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...