कात्तिक २१, २०८०
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
स्याङ्जाको हरिनास गाउँपालिका– २ चिसापानीका ३२ वर्षीय देवबहादुर थापाको नेपाल फर्किने क्रममा भारतको नौतनवामा जेठ १० गते निधन भयो ।
कोभिड– १९ का कारण भारतमा रोजगारी गुमेपछि नेपाल आउन खोज्दा दुवै देशमा ‘लकडाउन’ चलिरहेको थियो ।
उनी हिँडेरै नेपाल आउने प्रयासमा थिए, तर सीमा बन्द भएकाले नेपाल प्रवेश पाएनन् । उनलाई सीमापारि नै नौतनवास्थित राजीव गान्धी पीजी कलेजको क्यारेन्टाइनमा राखियो ।
बाँचे आफ्नो परिवारसँगै बस्ने, मरेपनि आफ्नै देशमा मर्ने संकल्प गरेर यात्रा तय गरेका उनको क्वारेन्टाइनमै मृत्यु भयो । श्वास छँदा नेपाल टेक्न पनि पाएनन् ।
मृत्युपछि कोभिड– १९ परीक्षणको नतिजा आयो, नेगेटिभ । कोभिड पुष्टि नभएपछि शव परिवारको जिम्मा लगाइयो । परिवारका सदस्यले गाउँमै लगेर अन्तिम संस्कार गरे ।
अर्कैका देशमा क्वारेन्टाइनमा बिरामी हुँदा पनि उपचार नपाएर मृत्यु भएको आमा देवीमाया बताउँछिन् ।
उनले रुँदै भनिन्, ‘कतारमा ४ वर्ष बसेर गएको मंसिरमा छोरो घरमा आएको थियो, त्यसपछि माघमा भारतको अलिगढ गएको थियो ।
यो महामारीले काम गुमेपछि घर आएर तरकारी खेती गर्ने सोच छ भन्दै थियो, तर घर आइपुग्नै पाएन ।’ देवबहादुरका दुई छोरी छन् । अब उनीहरूको पनि बिचल्ली भएको छ ।
***
भारतको गुजरातबाट कपिलवस्तुको कृष्णनगर नाका हुँदै घर फर्किने क्रममा अर्घाखाँचीको भूमिकास्थान नगरपालिका– ९ का अर्का एक युवाले पनि ज्यान गुमाए । नेपाल आइनपुग्दै बाटोमै उनको ज्यान गयो ।
जेठ १० गते गाडीमा छट्पटिएका उनले बान्ता गरे । स्वावप्रश्वासमा समस्या भएर गाडीमै ढले, त्यहीँ उनको मृत्यु भयो ।
शव कृष्णनगर ल्याएर स्वाब परीक्षण गर्दा कोभिड– १९ पोजेटिभ देखियो, जसको पुष्टि स्वास्थ्य मन्त्रालयका प्रवक्ता डा. विकास देवकोटा तथा कपिलवस्तुका प्रमुख जिल्ला अधिकारी दीर्घनारायण पौडेल दुवैले गरिसकेका छन् ।
महाव्याधिका कारण पराया देशमा रोजगारी गुमाएपछि उनी पनि नेपालमै आएर केही गर्न चाहन्थे, तर सम्भव भएन ।
‘भाइ अब देशमै परिवारसँग बसेर केही गर्ने सोचका साथ गाउँ फर्किँदै थियो, तर कोरोनाले बाटोमै चुडेर लग्यो,’ उनका दाजुले लोकान्तरसँग गुनासो गरे ।
अधिकांशले कोरोनालाई जितिरहेका बेला आफ्नो भाइलाई त्यस्तो के भयो भन्नेमा उनी अन्योलमा छन् ।
‘भाइ होटलमा काम गर्थ्यो । गाउँका ७० जना मिलेर गाडी रिजर्भ गरेर आएका थिए । भाइ कुनै दीर्घरोगी पनि थिएन । कोरोना लागेका कमैको मात्र मृत्यु भइरहेकोछ, तर मेरो भाइलाई के भयो त्यस्तो ?’ उनले अन्योलता व्यक्त गरे ।
उनको नेपालस्थित सीमामा प्रवेश नगर्दै मृत्यु भएको कपिलवस्तुका प्रजिअ पौडेल बताउँछन् ।
‘नेपाल प्रवेश नगर्दै निधन भएको थियो । उनको शवलाई सुरक्षित रुपमा नै गाउँमा पठाइएको हो । स्वाब जाँचको रिपोर्ट पोजेटिभ देखियो ।’
पछिल्लो समय सीमामा आइपुगेकाहरूलाई धेरै दिन नरोकिएको र सम्बन्धित पालिकाम पठाउँदै आएको उनले बताए ।
भारतको मुम्बइबाट गाउँ आएका बाँकेको नरैनापुर गाउँपालिका २५ वर्षिया युवाको जेठ ४ गते क्वारेन्टाइनमै मृत्यु भयो । दुईसाताको यात्रा गर्दै लुकिछिपी गाउँ आइपुगेका उनलाई क्वारेन्टाइनमै रहेको अवस्थामा एक्कासि ज्वरो आयो । बान्ता भयो । स्वासप्रश्वासमा समस्या भयो । उनलाई अस्पताल पुर्याउन एम्बुलेन्स खोज्दा खोज्दै मृत्यु भयो ।
समयमै उपचार नपाउँदा ती युवाले ज्यान गुमाउन पुगेको नरैनापुर गाउँपालिकाका अध्यक्ष ईश्तियाक अहमद साह बताउँछन् । ‘धेरै एम्बुलेन्सलाई फोन गर्दा क्वारेन्टाइनमा रहेकालाई बोक्न डराए । अस्पताल पुर्याउन नसक्दा नै उनको हुन पुग्यो,’ अध्यक्ष साहले भने ।
नरैनापुर देशकै सबैभन्दा बढी कोरोना संक्रमित भएको स्थानीय तह हो । त्यहाँ १ सयभन्दा बढी कोरोना संक्रमित छन् ।
भारतमा रोजगारीका लागि पुगेका नेपाली अहिले धमाधम घर फर्किरहेका छन् । उनीहरू कहीँ गाडी, कहीँ पैदल यात्रा गरेर सीमासम्म आउँदा बिरामी पर्न थालेका छन् । सीमामा आइपुगेपनि खान र बस्न नपाउँदा बिरामी पर्न थालेका छन् ।
समयमै आफ्नो भूमिमा प्रवेश नपाउँदा सीमापारि नै मृत्यु हुन थालेको छ ।
प्युठानको ऐरावती गाउँपालिका– ६ की २६ वर्षिया महिलाको मंगलबार क्वारेन्टाइनमै मृत्यु भयो । भारतको लुधियानाबाट जेठ ८ गते उनी प्युठान आएकी थिइन् । यद्यपि उनमा कोभिड– १९ संक्रमण देखिएन ।
पछिल्लो समय भारतबाट आउँदा बिरामी हुनेले समयमै उपचार पाउन सकेका छैनन् ।
शनिबार गुल्मी छत्रकोट गाउँपालिका वडानम्बर–४ दिगामस्थित आदर्श माविको क्वारेन्टाइनमा बसेका ५६ वर्षीय चन्द्रबहादुर परियारले आत्महत्या गरेका छन् । उनको आत्महत्याको कारण खुल्न सकेको छैन ।
बिरामी भएर सीमासम्म आइपुगेकाहरूलाई सुरक्षित रूपमा नेपाल प्रवेश गराई क्वारेन्टाइनमा राखिने जिल्ला प्रहरी कार्यालय, रुपन्देहीका प्रहरी नायब उपरीक्षक (डीएसपी) खड्गबहादुर खत्री ताउँछन् ।
‘अहिलेसम्म सीमा आएकाले हामीलाई बिरामी भएको जानकारी गराउनुभएको छैन । जानकारी गराए हामीले उहाँहरूलाई प्राथामिकता दिन्छौं । उपचारका लागि भारत गएर सीमासम्म एम्बुलेन्समा आएकालाई प्रवेशमा रोक लगाइँदैन । सीमा कोही बिरामी परेर परिवारले एम्बुलेन्स लाई लैजान चाहे लैजान सक्छन्,’ उनले भने ।
पछिल्लो एक हप्तामा प्रदेश नम्बर पाँचका विभिन्न नाकाबाट झण्डै ३५ हजार नेपाल प्रवेश गरेका छन्, जसले गर्दा प्रदेशका सबै गाउँपालिकाले निर्माण गरेका क्वारेन्टाइन भरिभराउ छन् । प्रदेश पाँचमा मात्रै ३३ हजार मानिस क्वारेन्टाइनमा छन् । प्रदेश ३ सय ८३ जना उपचाररत छन् । निको भएर घर फर्किनेको संख्या ४७ छ ।
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...
सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...
दाङको तुलसीपुर उपमहानगरपालिका वडा नम्बर– १९ बिजौरीका २२ वर्षीय युवक प्रतीक पुनमाथि परिवारको ठूलो जिम्मेवारी थियो । दुवै मिर्गौला फेल भएर बाबा ताराप्रसाद पुनको एक वर्षअघि मृत्यु भएपछि लागेको ...
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...