बुटवलस्थित कोरोना विशेष अस्पततालमा भेन्टिलेटरमा उपचारत कपिलवस्तुका कोरोना (कोभिड–१९) संक्रमित उपचारपछि निको भएर शुक्रबार घर फर्किएका छन् ।

कपिलवस्तु नगरपालिका–१२ बिठुवाका ती पुरूषलाई कोरोनासँगै मधुमेहलगायत विभिन्न समस्या देखिएपछि भेन्टिलेटरमा राखेर उपचार भइरहेको थियो । 

३ दिन भेन्टिलेरट र त्यसपछि आइसीयू राखेर उनको उपचार गरिएको थियो । 

उनको कोरोनाको रिपोर्ट नगेटिभ आएर स्वस्थ भएपछि डिस्चार्ज गरिएको अस्पतालका फोकल पर्सन डा. सुदर्शन थापाले जानकारी दिए ।

डा. थापाले भने, ‘उहाँ १४ गते आउँदा अवस्था क्रिटिकल थियो । अहिले निको भएर फर्किनुभयो । नेपालमा भेन्टिलेरटरमा उपचार गरिएको कोरोना संक्रमित निको भएर घर फर्किएको यो पहिलो केश पनि हो ।’

उनलाई निको बनाएर घर फर्काउँदा चिकित्सक र नर्सहरू खुशी भएका छन् । 

धागो कारखानास्थित कोरोना अस्पतालबाट ४५ जनाभन्दा बढी डिस्चार्ज भइसकेका छन् ।