माघ १५, २०८०
अन्तिम समयमा आएर कुनै फेरबदल नभएको खण्डमा सम्भवत: आज एनसेलको शेयर खरिद बिक्री सम्बन्धमा छानबिन गर्न सरकारले गठन गरेको समितिले आफ्नो अध्ययन प्रतिवेदन बुझाउने छ । बहस चरम उत्कर्षमा पुगेका कारण एक निजी कम्पनीको अप्...
चैत ८, २०७८
स्थानीय तहको निर्वाचन नजिकिँदै गर्दा दलहरूबीच चुनावी जोडघटाउ शुरू भएको छ ।
अघिल्लो स्थानीय तह निर्वाचनमा पहिलो दल बनेको नेकपा एमाले एक्लै चुनावमा होमिने गृहकार्यमा लागेको छ भने दोस्रो स्थानमा रहेको नेपाली कांग्रेस, तेस्रो स्थानमा रहेको नेकपा (माओवादी केन्द्र) लगायतका सत्तारुढ दलहरू भने गठबन्धन बनाएर चुनावमा होमिने प्रयासमा छन् ।
त्यसो त राप्रपा, लोसपालगायत दलसँग एमालेले गठबन्धन गर्ने सम्भावना जीवित छ ।
२०७४ सालमा ३ चरणमा भएको स्थानीय तह निर्वाचनको पहिलो दल एमाले यसबीचमा विभाजित भएको छ ।
पार्टीको नेतृत्व सम्हालिसकेका पूर्व प्रधानमन्त्रीहरू झलनाथ खनाल र माधव नेपालले छुट्टै दल खोलेका छन् । अर्कार्तफ प्रभावशाली नेता वामदेव गौतम निष्क्रियप्राय: छन् ।
पार्टी अध्यक्ष केपी शर्मा ओली तथा एमाले नेताहरूले विभाजनको खासै असर नपरेको दाबी गर्ने गरेका छन् । झण्डै १० प्रतिशतको हाराहारीमा मात्र क्षति पुगेको दाबी एमालेको छ ।
एमालेले दाबी गरेअनुसार नै १० प्रतिशत मात्र क्षति पुगेको मान्ने हो भने पनि उसले अघिल्लोपटक जितेका धेरै स्थानीय तह यसपटक गुमाउन सक्ने खतरा त्यतिबेला प्राप्त मतको विश्लेषणले देखाएको छ ।
अघिल्लो निर्वाचनमा प्राप्त मतले एमालेका लागि पार्टी विभाजन र सत्ता गठबन्धनबीचको तालमेल भारी पर्ने देखाउँछ ।
त्यसो त ५ वर्षअघि र पछि एउटै अवस्था हुन्छ भन्न सकिन्न, तर अघिल्लो निर्वाचनको मत परिणामको अर्थ भने पक्कै पनि रहन्छ । चुनावी अंकगणितको हिसाबकिताब गर्दा अघिल्लो चुनावको मतलाई आधार मान्ने चलन विश्वव्यापी रूपमा छ ।
हामीले यहाँ एमालेले अघिल्लोपटक जितेका स्थानीय तहहरूको मत विश्लेषण गरेका छौं ।
यसमा एमालेबाट जितेर एकीकृत समाजवादीतर्फ लाग्नेहरू पनि छन् ।
जनप्रतिनिधि समाजवादीतर्फ लागे पनि सूर्य चिह्नका लागि प्राप्त मत एमालेको मानेर विश्लेषण गर्ने प्रयास गरिएको छ ।
३३ स्थानीय तहमा १०० सम्म र १३६ स्थानीय तहमा ५०० भन्दा कम मतान्तर!
एमालेले अघिल्लोपटक १७१ गाउँपालिका (एक निर्विरोधसहित) तथा १२३ नगर (नगरपालिका, उपमहानगर र महानगरपालिका) गरी २९४ स्थानीय तहमा जीत हात पारेको थियो ।
स्वतन्त्र जितेका ३ गाउँपालिका अध्यक्ष पार्टी प्रवेश गरेपछि एमालेले कुल २९७ स्थानीय तह जितेको भनेर हिसाबकिताब गर्ने गरेको छ ।
चुनाव भएर सूर्य चिह्नबाट जितेका २ सय ९३ स्थानीय तहमध्ये ३३ स्थानीय तहमा त एमालेले दुई अंकको मतान्तर (१०० भन्दा कम मत) ले जीत हात पारेको छ ।
झापाको कमल गाउँपालिकामा एमालेकी मेनुका काफ्ले र कांग्रेसका हुकुमसिंह राईले बराबर मत प्राप्त गरेपछि गोलाप्रथाबाट एमाले उम्मेदवार काफ्लेलाई विजयी घोषित गरिएको थियो ।
यसैगरी चौरपाटी गाउँपालिका अछाममा १ र रामप्रसाद राई गाउँपालिका भोजपुरमा ८ मतले एमाले उम्मेदवार विजयी भएका थिए ।
३५ स्थानीय तहमा एमालेले १०१ देखि २०० सम्मको मतान्तरले जीत हात पार्दा २३ स्थानीय तहमा २०१ देखि ३००, २९ स्थानीय तहमा ३०१ देखि ४०० र १६ स्थानीय तहमा ४०१ देखि ५०० सम्मको मतान्तरले एमाले उम्मेदवार विजयी भएका छन् ।
५०० भन्दा कम मतान्तरले जित्ने एमालेका नगरप्रमुख तथा गाउँपालिका अध्यक्षको संख्या १३६ छ । यो एमालेले जितेका कुल स्थानीय तहको झण्डै आधा हो ।
१७० गाउँपालिका जित्दा एमालेले ९३ गाउँपालिकामा ५०० भन्दा कम मतान्तरले बाजी मारेको थियो । १५ सयभन्दा बढी मतान्तर रहेका गाउँपालिकाको संख्या जम्मा १८ छ ।
गाउँ र नगर दुवैतर्फको हिसाब गर्दा ६६ स्थानीय तहमा ५०१ देखि १०००, ३० स्थानीय तहमा १ हजार १ देखि १५०० र ६१ स्थानीय तहमा १५ सय १ भन्दा बढी मतान्तरले एमाले उम्मेदवार विजयी भएका छन् ।
एमालेले सबैभन्दा बढी मतान्तरले जीत हात पारेको काठमाडौं महानगरपालिका हो ।
एमाले उम्मेदवार विद्यासुन्दर शाक्यले कांग्रेसका राजुराज जोशीभन्दा १९ हजार ६४४ बढी मत ल्याएर जीत हात पारेका थिए ।
काठमाडौंमा एमाले र तत्कालीन राप्रपा नेपालबीच चुनावी तालमेल भएको थियो ।
उपप्रमुखमा राप्रपा नेपालका उम्मेदवार रहेकोमा कांग्रेसकी हरिप्रभा खड्गीले झण्डै विद्यासुन्दरकै हाराहारीमा मत ल्याएर बाजी मारेकी थिइन् ।
त्यसैगरी पोखरा महानगरपालिकामा एमालेका मानबहादुर जिसीले कांग्रेसका रामजी कुँवरभन्दा १३ हजार ७०२ मत बढी ल्याएका थिए ।
एमालेले सबैभन्दा बढी मतान्तरले जीत हात पारेको गाउँपालिका भने पाल्पाको पूर्वखोला हो ।
एमालेका नुनबहादुर थापाले कांग्रेसका झमनबहादुर राजमगरभन्दा ३ हजार ९०४ मत बढी प्राप्त गरेका थिए ।
यस्तै बाँकेको बैजनाथ एमालेले दोस्रो बढी मतान्तरले जितेको गाउँपालिका हो ।
उक्त गाउँपालिकामा एमालेका मानबहादुर रुचाल ठकुरीले कांग्रेसका देवबहादुर खत्रीलाई ३ हजार १ सय ९६ मतले पराजित गरेका थिए ।
एमालेले जितेका नगरपालिकाहरूको पूरा नतिजा :
एमालेले जितेका गाउँपालिकाहरूको नतिजा:
२४५ स्थानीय तहमा दोस्रो,३१ मा १०० भन्दा कम अन्तर
अघिल्लो चुनावमा २४५ स्थानीय तहमा एमाले दोस्रो भएको थियो । त्यसमध्ये २३ गाउँ र ८ नगर गरी ३१ स्थानीय तहमा एमालेले १०० भन्दा कम मतान्तरले हार बेहोरेको थियो ।
अघिल्लोपटक दोस्रोमा रहेको र झिनो मतान्तर भएको स्थानलाई अब जित्नसक्ने स्थानको सूचीमा राख्ने गरिन्छ, तर विभाजित दलको हकमा भने मतान्तर झनै बढ्ने खतरा बढी हुन्छ ।
एमाले दोस्रो स्थानमा रहेका स्थानीय तहमध्ये २६ वटामा १०१ देखि २००, २२ वटामा २०१ देखि ३००, २२ वटामा ३०१ देखि ४००, २२ वटामै ४०१ देखि ५००, ५९ वटामा ५०१ देखि १०००, ३३ वटामा १००१ देखि १५०० र ३० वटा स्थानीय तहमा १५ सयभन्दा बढी मतान्तर थियो ।
तथ्यांक स्रोत : निर्वाचन आयोग
अन्तिम समयमा आएर कुनै फेरबदल नभएको खण्डमा सम्भवत: आज एनसेलको शेयर खरिद बिक्री सम्बन्धमा छानबिन गर्न सरकारले गठन गरेको समितिले आफ्नो अध्ययन प्रतिवेदन बुझाउने छ । बहस चरम उत्कर्षमा पुगेका कारण एक निजी कम्पनीको अप्...
आफ्नो तेस्रो कार्यकालको दोस्रो वर्षलाई प्रभावकारी बनाउने भनी दाबी गरेका प्रधानमन्त्री पुष्पकमल दाहाल ‘प्रचण्ड’ले कांग्रेस महामन्त्री गगन थापालगायत केही नेतासँग नियमित सल्लाह सुझाव लिन थालेका छन् । रा...
देशका विभिन्न शहरमा गरिब–मजदूरहरूले छाक काटेर सहकारीमा जम्मा गरेको पैसा बदनियतपूर्ण ढंगले हिनामिना गरेर टेलिभिजनमा लगानी गरेको विषयले बजार तातिरहेको छ, जसमा जोडिएका छन् रास्वपा सभापति रवि लामिछाने...
सत्ता र शक्तिको आडमा गैरकानूनी ढंगले सरकारी जग्गा हडप्ने नेपालको शक्तिशाली व्यापारिक घराना चौधरी ग्रुपमाथि राज्यको निकायले पहिलोपटक छानबिन थालेको छ । काठमाडौंको बाँसबारीमा ठूलो परिमाणमा सरकारी जग्गा...
एकाधबाहेक अधिकांश मन्त्रीले प्रभावकारी कार्यसम्पादन गर्न नसकेपछि प्रधानमन्त्री पुष्पकमल दाहाल ‘प्रचण्ड’ स्वयंले मन्त्रीहरूलाई प्रस्ट चेतावनी दिएका छन् । नेपालीलाई नक्कली भुटानी शरणार्थी बनाएर अमेरिका ला...
सरकारमा सहभागी मन्त्रीको कार्यक्षमतालाई लिएर प्रश्न उठेपछि अहिले सरकारमा रहेका मन्त्रीलाई फिर्ता बोलाएर मन्त्रिमण्डल पुनर्गठन गर्न सत्तारुढ दलहरूभित्र दबाब बढ्न थालेको छ । अपवादबाहेक सरकारमा सहभागी मन्त्रीले जनअपे...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...