काठमाडौं, ३२ साउन– रुकुम सिस्ने गाउँपालिकामा घर भएका ३३ वर्षीय सुमन बिक अहेब हुन् । रोल्पाको होलेरीस्थित प्राथमिक स्वास्थ्य चौकीमा कार्यरत उनी साउन २७ गते रुघाखोकी र ज्वरोले च्यापेपछि भेरी अञ्चलको अस्पतालमा भर्ना भएका थिए । सुमन बिकलाई एम्बुलेन्सबाट ल्याउँदै साथै बाहिर देखिएको उनकी श्रीमती र छोरी ।
स्वास्थ्य चौकीमा काम गर्दै आएका बिकलाई त्यसबेला मात्र थाहा भयो खकार जाँचको नतिजामा स्वाइन फ्लु पाइयो । उपचारको लागि उनलाई भारतको लखनउस्थित सरस्वती अस्पतालमा भर्ना गरियो । त्यहाँ उनलाई निमोनियाले पनि छोएको थाहा भयो । आइसियुमा राखेर उनको निमोनियाको उपचार भइरहेको थियो । तर अस्पतालले स्वाइनफ्लुको उपचार त्यहाँ सम्भव नहुने भन्दै दिल्ली वा काठमाडौंको अस्पतालमा जान सुझाएका थिए ।
ज्वरोले थलिएका उनको लखनउ अस्पतालमा हुँदा श्वासप्रश्वास ९१ स्याचुरेसन रहेको उनका आफन्तले बताए । लखनउमा दुईरात राखेर उनीहरुले एम्बुलेन्सबाट नेपालगन्जमा ल्याएका थिए । नेपालगन्ज मेडिकल कलेजको नर्सिङ होममा भर्ना हुन खोज्दा अस्पतालले भर्ना लिन नमानेको उनका ससुरा मनिराम विश्वकर्माले लोकान्तरलाई बताए । सुमनलाई चौबिसघण्टा अक्सिजन चाहिने कारण अक्सिजन भएपनि पाउन उनीहरुले आग्रह गरे । तर उनीहरुले अक्सिजन समेत पाएनन् ।
विमानले बोक्न मानेन
सुमनको स्वास्थ्य अवस्था बिग्रिदै गएका कारण परिवारले उनलाई जतिसक्दो चाँडो काठमाडौं ल्याउन चाहेका थिए । त्यसको लागि उनीहरु नेपालगन्ज एयरपोर्टमा गएर सीता एयर मार्फत काठमाडौं ल्याउन खोजे । तर उनीहरुले सीता एयरबाट टिकट पाएनन् । सुमन बिक
आफन्तहरुसँग पैसा जोहो गरेर भएपनि उनीहरुले सीता एयरबाट चार्टड विमान बुकिङ गरे र काठमाडौं आउनको लागि विमानमा चढे । तर उक्त विमानका चलकले उनी सवार विमानलाई काठमाडौं ल्याउन अस्विकार गरे । विमानकी परिचारिकाले बिकलाई स्वाईन फ्लु लागेको पाइलटलाई जानकारी गराए पश्चात पाइलटले विक परिवारलाई विमानबाट काठमाडौं लैजान अस्वीकार गरे । र, विमान चढिसकेका उनीहरु विमानबाट झर्न बाध्य भए ।
२६ हजार तिरेर एम्बुलेन्सबाट काठमाडौं आए
बिग्रिँदै गएको स्वास्थ्य देखेर चिन्तित भएका बिक परिवार जसरी पनि सुमनलाई काठमाडौं ल्याएर उपचार गर्न चाहन्थे ।
त्यसैले बिक परिवारले मंगलवार साँझ ६ बजे एम्बुलेन्स चढेर काठमाडौं आएका थिए । नेपालगन्जबाट काठमाडौंको यात्राको लागि एम्बुलेन्सलाई उनीहरुले २६ हजार तिरे । रातभरीको एम्बुलेन्स यात्रापछि बुधवार दिउँसो १२ बजे टेकुस्थित इपिमिडियोलोजी शाखाको आकस्मिक कक्षमा भर्ना भएका थिए । सुमन बिकलाई एम्बुलेन्सबाट ल्याउँदै
सुमनलाई एम्बुलेन्समै अक्सिजन राखेर ल्याइएको थियो । साथमा उनका ससुरा मनिराम विश्वकर्मा र सुमनकी श्रीमती माया बिक र २ बर्षकी छोरी समिता साथमै थिए ।
सुमनलाई आकस्मिक कक्षमा भर्ना गरिएपछि डाक्टरले सुमनका परिवार सदस्यलाई समेत स्वाइन फ्लु सर्ने आशंकामा ओपिडी शाखामा जाँच्न आग्रह गरेका थिए ।
लखनउबाट काठमाडौंमा उपचारका लागि निस्किएका सुमनको परिवारले राम्रो सँग खाना नै खाएको छ न त निदाउन न सकेको छ । उनीहरुलाई सुमनको बिरामीले सताएको जसको उपचारको लागि उनीहरु भौतारिइरहेका छन् ।
टेकुमा भर्ना भएका सुमनको अवस्था देखेर आकस्मिक कक्षमा रहेका चिकित्सकले आइसियुमा भर्ना गर्नुपर्ने बताए । उनको श्वासप्रश्वास कम भएका कारण अक्सिजन दिइएको थियो । अक्सिजन दिँदा समेत उनको श्वासप्रश्वास ८५ स्याचुरेसन मात्रै रहेको थियो । सुमनलाई निमोनियाले सताएका कारण पनि श्वासप्रश्वासमा समस्या देखिएको चिकित्सकले बताए ।
अस्पतालले भर्ना लिन मानेनन्
टेकु अस्पतालमा आइसियु नभएपछि त्यहाँका डाक्टरले आइसियु भएको अरु अस्पतालमा सार्न प्रयास गरेका थिए । तर स्वाइनफ्लुको विरामी भनेपछि काठमाडौंका सरकारी तथा निजी अस्पतालले सुमनलाई भर्ना लिन मानेनन् । ‘सम्पर्क गरिएका सबै अस्पतालले आइसियु खाली नभएको जानकारी गराए’ टेकु अस्पतालका एक चिकित्सकले भने,‘कुनै अस्पतालले त स्वाइनफ्लूको विरामी भर्ना लिन नसकिने जानकारी गराए ।’
त्रिवि शिक्षण अस्पताल टिचिङले आइसियुको बेड खाली नभएको बतायो । ग्रीनसिटी र ब्लुक्रस अस्पताललेसमेत विरामी भर्ना गर्न मानेनन् । कुनै अस्पतालले आफूहरुसँग स्वाइनफ्लूको लागि छुट्टै बेडको व्यवस्था नभएको जानकारी दिए ।
करिब एक दर्जन अस्पतालमा भर्ना लिन टेकुका चिकित्सकले आग्रह गर्दा पनि शैया नभेटिएपछि सुमनको परिवार निराश भए । सुमन बिककी श्रीमती र छोरी ।
अन्तिम प्रयासमा उनीहरुले काठमाडौंका सामाखुशीस्थित ग्राण्डी अस्पतालमा शैया खाली रहेको भन्दै एम्बुलेन्समा उतै हुँइकिए ।
सुमनकी श्रीमती भन्दै थिइन् ‘पैसा त छैन तर मान्छेको ज्यान त बचाउनुपर्यो, महँगो अस्पतालमा जानुपर्दा दुःख लागेको छ ।’ उनले सरकारी अस्पतालमा उपचारको व्यवस्था गर्न सरकारसँग माग गरिन् ।
काठमाडौंको चन्द्रागिरिस्थित सेतो पहरामा शनिवार दिउँसो कार दुर्घटना हुँदा ५ जनाको मृत्यु भएको छ । काठमाडौंबाट चित्लाङका लागि छुटेको प्रदेश - ३ - ०१ - ०२३ च ६९८५ नम्बरको कार दुर्घट...
काठमाडौं- आलु भान्सामा अनिवार्य रुपमा पाइने परिकार हो । आलु, अन्य सागसव्जी, तरकारीमा मिसाएर मात्र नभइ तरकारी बनाएर उसीनेर तारेर आदी विभिन्न तरिकारले पकाउन सकिन्छ । विश्वभर नै आलुको बढी प्रयोग हुने ...
काठमाडौं- खान–पिनमा शौकीन व्यक्तिलाई कुनै विशेष खाद्य पदार्थको लाभ तथा हानीबारे जानकारी हुँदैन । उनीहरुलाई त्यो कुराले फरक पनि पर्दैन । किनकी त्यस्ता व्यक्तिलाई जुन खानेकुराको स्वाद मनपर्यो, त्यसलाई नखाइ ...
धेरै मानिसको मुटुरोगका कारण मृत्यु हुन्छ । आजकल त युवा अवस्थामै मुटुरोग वा हृदयघात भएर मर्ने व्यक्तिको संख्या बढ्दो छ । तर हृदयघात हुँदैछ भनी सचेत गराउने संकेतहरू शरीरले पहिल्यै दिन्छ । हुन त सबैलाई यस्त...
स्वस्थ फ्याट, भिटामिन र मिनरलले भरिएको ओखर खाँदा मस्तिष्कको स्वास्थ्य राम्रो हुन्छ र स्मरणशक्ति पनि बढ्छ । त्यसबाहेक शरीरको समग्र स्वास्थ्यका लागि पनि यो लाभदायक छ । ओखरमा प्रोटीन, क्याल्सियम, म्याग्नेसियम, आइरन, फस्फो...
काठमाडौं— भुइँमा बस्न छोडेको कति वर्ष भयो ? बस्न र खाना खान पनि तपाईं कुर्सीकै प्रयोग गर्नुहुन्छ, हैन त ? अब भुइँमा सुत्नुभएको छ भनी प्रश्न सोध्दा तपाईं हाँस्नुहुन्छ होला । पहिला हाम्रा पूर्खाहरू भुइँमा ...
मानव स्वभाव प्रायः म र मेरो भन्ने हुन्छ । जस्तोसुकै आदर्शको कुरा गरे पनि, जतिसुकै महान देखिन खोजे पनि यी म र मेरोमा अलिकति धक्का लाग्नेबित्तिकै, ढेस पुग्नेबित्तिकै त्यस्ता आदर्श र महानता कुन सड्को ‘फू&rsquo...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...
.jpg?1502880794126)
.jpg?1502880822308)
.jpg?1502879884166)
.jpg?1502880840362)
![चुनौतीका चाङबीच बुटवललाई उत्कृष्ट शहर बनाउँदैछौंः मेयर खेलराज पाण्डेय [अन्तर्वार्ता]](https://lktcdn.prixacdn.net/media/khel_raj_pandey_1_H7D7Zox7nD.jpeg)
![‘फिल्मको पहिलो सर्त नै इन्टरटेन्मेन्ट हो’ [अन्तर्वार्ता]](https://lktcdn.prixacdn.net/media/pradip_bhattarai_finall_8VYmjHFBKM.jpg)
![गठबन्धनमा खटपट छैन, तर ढिलोचाँडो कम्युनिस्ट मिल्नैपर्छ: पम्फा भुसाल [भिडियो अन्तर्वार्ता]](https://lktcdn.prixacdn.net/media/Pampha_Bhusal_PVQsczFYQ6.png)
