असोज १२, २०८०
खोला किनारमा निर्माण भएका सडकले काठमाडौं उपत्यकाको सवारी आवागमनलाई केही हदसम्म भए पनि सहज बनाएको छ । काठमाडौंको बागमती, विष्णुमती, मनोहरा, धोबीखोला, नख्खु खोला, टुकुचा, हनुमन्ते, रुद्रमतीलगायत...
माघ २६, २०७९
काठमाडौं महानगरपालिकाले मापदण्डविपरीत बनेका अनधिकृत भौतिक संरचनाहरू भत्काएपछि असरल्ल छाडिएको करिब ४ महिना बितिसकेको छ ।
भत्काइएका संरचनाको अहिलेसम्म उचित व्यवस्थापन हुन नसक्दा शहर नै कुरुपझैं देखिन थालेका छन् ।
महानगरपालिकाले वीर अस्पताल, काठमाडौं मल, नयाँ बानेश्वर लगायतका क्षेत्रमा नक्साविपरीत बनेका अनधिकृत संरचनामा डोजर चलाएर भत्काएको थियो । भत्काइएका क्षेत्रको उचित व्यवस्थापन नहुँदा शहर अव्यवस्थित र कुरूप देखिएको छ ।
पैदलयात्री हिँड्नुपर्ने सडकपेटीमा भत्काएर छरपष्ट इँटाका टुक्रा र फलामका छड यत्तिकै छन् । जसका कारणले हिँड्न निकै अप्ठ्यारो भइरहेको छ ।
कर्मचारी सञ्चय कोषको सुन्धारा भवन (जुन काठमाडौं मल नामले प्रचलित छ) को बाहिरी भाग काठमाडौं महानगरले भत्काएको महिनौं बितिसकेको छ ।
तर, न यसलाई बनाउन सञ्चय कोषले तदारुकता दिएको छ, न त महानगरले नै छिटो बनाउन ताकेता गरेको छ । त्यस भवनबारे बुझ्दै जाँदा कर्मचारी संचय कोषका कायममुकायम मुख्य प्रबन्धक एवं प्रवक्ता दामोदरप्रसाद सुवेदीले भने, ‘धरहरा बन्ने क्रममा कर्मचारी सञ्चय कोषको केही भूभाग धरहरालाई दिनुपर्ने र सोबापत हुलाकको जग्गा हाम्रो संस्थाले प्राप्त गर्नुपर्ने हुँदा केही समस्या भएको हो । जग्गा आदानप्रदान गर्दा हामीले काठमाडौं मलसहितको नयाँ नक्सा बनाउनुपरेको छ । नयाँ नक्सा पास गर्न भनेर महानगरपालिकामा निवेदन पेश गरिसकेका छौं । दर्ता प्रक्रिया पनि सबै भइसकेको छ, तर महानगरपालिकाबाट त्यसपछिको प्रक्रियामा कुनै प्रतिक्रिया नआउँदा काम शुरू गर्न नसकेका हौं । उताबाट नक्सा स्वीकृत भएर आउनासाथ हामीले मर्मत सम्भारको काम शुरू गरिहाल्नेछौं ।’
लोकान्तरसँगको कुराकानीमा उनले थपे, ‘होइन भने हामी आफ्नै किसिमले मर्मत सम्भार गरौंला, फेरि महानगरपालिकाले आएर भत्काइदेला, यो त राम्रो हुँदैन नि ।’
वीर अस्पताल भवनको अवस्था बुझ्न जाँदा उपसचिव एवं प्रवक्ता सागर मिश्रले महानगरले भत्काएको क्षेत्र आगामी बजेटमार्फत स्रोत सुनिश्चित गरेर मात्र बनाइने जानकारी दिए ।
‘भत्काइएको क्षेत्रमा मेडिकल पसलहरू अव्यवस्थित थियो तर हाम्रो नक्सामा बगैंचा रहेछ । त्यतिबेला भवन निर्माण गर्ने क्रममा सोचिएनछ, तर महानगरपालिकाले अनधिकृत संरचना भत्काउने अभियान चलाइरहँदा आएर भत्काइहाल्नुभयो । अब हामी त्यो आफैं बनाउँछौं । त्यहाँ नक्सामा जे छ, त्यही बनाउँछौं । त्यहाँ कम्पाउन्ड लगाउने काम गर्छाैं । सोहीअन्तर्गत भत्काइएको क्षेत्रमा आगामी बजेटमार्फत स्रोत सुनिश्चित गरेर निर्माण कार्य अगाडि बढाउँछौं,’ प्रवक्ता मिश्रले लोकान्तरसँग भने ।
हेर्नुहोस्, भिडियो :
थप तस्वीरहरू :
खोला किनारमा निर्माण भएका सडकले काठमाडौं उपत्यकाको सवारी आवागमनलाई केही हदसम्म भए पनि सहज बनाएको छ । काठमाडौंको बागमती, विष्णुमती, मनोहरा, धोबीखोला, नख्खु खोला, टुकुचा, हनुमन्ते, रुद्रमतीलगायत...
ललितपुरको उत्तर–पश्चिम क्षेत्रमा पर्ने छम्पी क्षेत्र यतिबेला निकै हरियाली, शान्त र मनमोहक देखिन्छ । काठमाडौं उपत्यकामा खेतीयोग्य जमिन पाउन मुस्किल भइरहेको बेला छम्पी क्षेत्रका स्थानीयले भने नगदेब...
पूर्वनिर्धारित डिजाइनअनुसार काम गर्न समस्या भएको भन्दै केही महिनाअघि रोकिएको 'ग्वार्को फ्लाइ ओभर'को (ओभरपास) निर्माण कार्य अहिले द्रुत गतिमा अगाडि बढेको छ । प्राविधिक टोलीले अध्ययन पूरा गरि रि-डिजाइन...
गोठाटारमा रहेको कृष्ण मन्दिर भारतको गुजराको नवतमपुरी धाम शैलीमा निर्माण भएको मन्दिर हो । नवतनधामका नामले परिचित यो मन्दिरमा प्रणामी धर्म मन्ने भक्तजनको भीड लाग्ने गर्दछ । श्रीकृष्ण जन्माष्टमीका...
गत शनिवार दिउँसो चन्द्रागिरि नगरपालिका वडा नम्बर ४ पानीघाटका तिलक लामा घरबाहिर घाम तापेर बसिरहेका थिए । उनको आँखा एक्कासि घर पारिको सेतोभीरमा पर्यो, जहाँ उनले गाडी गुल्टिरहेको देखे । गाडी तल...
रुकुम पश्चिमको आठबीसकोट नगरपालिकाकी कुमारी थापा मुटु दुख्ने समस्याले छट्पटिएको लामो समय भयो । यसबीचमा उनी कहिले घरबाट २/३ घण्टा हिँडेर स्थानीय स्वास्थ्यचौकी पुगिन् त कहिले उपचारका लागि भनेर सदरमुकाम मुसिक...
सृष्टिमा हरेक चीजको एउटा अति हुन्छ, जसलाई हामी सीमा भन्ने गर्छौँ, जलाई उसले आउँदा सँगै लिएर आएको हुन्छ र जेजति गर्छ यसैभित्रै रहेर गर्छ । अति पार गर्नासाथ उसको अस्तित्व पनि समाप्त हुन पुग्छ । अति पार गरेपछि नदी...
नेपाली कम्युनिस्ट आन्दोलन कतिपटक विभाजन भयो ? पुनः एकता, मोर्चा गठन, विघटनलाई हेर्दा यसको जोडघटाउको लामै शृङ्खला बन्छ । र, त्यसमा मूलधारको राजनीतिबाट विभाजित कम्युनिस्ट पार्टी अर्थात् वामपन्थी पार्टीहरूको विसर्...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...