मंसिर १९, २०८०
पूर्वनिर्धारित डिजाइनअनुसार काम गर्न समस्या भएको भन्दै केही महिनाअघि रोकिएको 'ग्वार्को फ्लाइ ओभर'को (ओभरपास) निर्माण कार्य अहिले द्रुत गतिमा अगाडि बढेको छ । प्राविधिक टोलीले अध्ययन पूरा गरि रि-डिजाइन...
काठमाडाैं | भदौ ३१, २०८०
रुकुम पश्चिमको आठबीसकोट नगरपालिकाकी कुमारी थापा मुटु दुख्ने समस्याले छट्पटिएको लामो समय भयो ।
यसबीचमा उनी कहिले घरबाट २/३ घण्टा हिँडेर स्थानीय स्वास्थ्यचौकी पुगिन् त कहिले उपचारका लागि भनेर सदरमुकाम मुसिकोट धाइन् ।
कुमारीका अनुसार विकटमा रहेको घरबाट सदरमुकाम आइपुग्न झण्डै २ दिन हिँड्नुपर्छ । पटक–पटक धाउँदा पनि केही नलागेपछि श्रीमान करवीरसँगै उनी राजधानी काठमाडौं आइपुगेकी छन् ।
आइतवार बिहान ललितपुरको पाटन अस्पताल पुग्दा थापा दम्पती प्रांगणमै रहेको प्रतीक्षालयमा टोलाइरहेको भेटिए ।
टिकट काटेर चाँडै पालो पाइएला भनेर एकाबिहानै आएका उनीहरूले अस्पताल आएर मात्र थाहा पाएछन्, आज त बन्द रहेको कुरा ।
आइतवार र कुनै सार्वजनिक बिदा पनि नरहेकाले उपचार पाइन्छ भनेर ढुक्क हुँदै आएकी कुमारीलाई यो कुराले थप पीडा भयो ।
पहिलो कुरा त उनको उपचारका लागि पहिल्यै निकै खर्च भइसकेको छ, अर्कातर्फ यसपटक घरबाट हिँडेको ७ दिन भएछ ।
यसबीचमा यात्रा र खाँदा बस्दा निकै खर्च भइसकेको रहेछ । एकातिर उपचारका लागि पर्याप्त रकम बचेको छैन, अर्कातिर अझै अर्को दिन बस्नुपर्ने भयो ।
‘हामीले ल्याएको पैसा पनि सकिन लाग्यो, अब त उपचार गर्ने पैसा पनि छैन,’ करवीरले भने, ‘हिजो बिदा भएर अस्पताल आउन पाइएन, आज बन्द रहेछ ।’
श्रीमतीलाई निकै कष्ट हुने गरेको भन्दै करवीरले अब के गर्ने, कसो गर्ने अन्योल व्यक्त गरे । ‘हामी त टाढाबाट आयौं, यहाँ यस्तो रहेछ, के गर्ने होला, केही थाहा छैन,’ करवीरले लोकान्तरसँग गुनासो गरे ।
***
लालितपुरकै बाग्मती गाउँपालिकाबाट आएका पेमा स्याङ्तान लामाले पनि आइतवार उपचार पाएनन् । उनी आफ्नो पेटको समस्या लिएर अस्पताल आइपुगेका रहेछन् ।
यसरी एक्कासि अस्पताल बन्द हुँदा थप समस्यामा परेको उनको भनाइ छ । ‘डाक्टरहरू नै यसरी बन्दमा उत्रिँदा हामी कसको शरणमा जाने होला ?’ लामाले भने ।
यी दुई त प्रतिनिधि पात्र मात्र हुन्, समयमै टिकट लिन भनेर एकाबिहानै पाटन अस्पताल आइपुगेका सयौं बिरामी यसैगरी फर्किन बाध्य भएका छन् ।
पाटन अस्पताल मात्र हैन, देशभरका अस्पतालमा आइतवार सेवा ठप्प छ ।
हेटौंडाको सञ्चो अस्पतालमा भदौ २७ गते चिकित्सक द्वय डा. विकास थापा र डा. प्रशान्त बिँडारीमाथि आक्रमण भएको थियो ।
सोही घटनाको विरोध र पेशागत सुरक्षाको माग गर्दै चिकित्सक संघले आइतवार देशभरका अस्पतालमा आकस्मिकबाहेकका सेवा बन्द गरेको हो ।
हेर्नुहोस्, भिडियो :
पूर्वनिर्धारित डिजाइनअनुसार काम गर्न समस्या भएको भन्दै केही महिनाअघि रोकिएको 'ग्वार्को फ्लाइ ओभर'को (ओभरपास) निर्माण कार्य अहिले द्रुत गतिमा अगाडि बढेको छ । प्राविधिक टोलीले अध्ययन पूरा गरि रि-डिजाइन...
चक्रपथको दोस्रो खण्ड (कलंकी–महाराजगञ्ज धोबीखोला सडक) स्तरोन्नतिका लागि भनेर सडक भत्काउन थालेको करिब ५ वर्ष बित्यो, तर पनि मुख्य काम अझै शुरू हुन सकेको छैन । भत्किएको सडकका कारण स्थानीय र यात्रुले ...
हरिबोधनी एकादशीको अवसरमा काठमाडौंको बूढानिलकण्ठ मन्दिरमा सप्ताह ज्ञान महायज्ञ भइरहेको छ । बूढानिलकण्ठ नारायण मन्दिर व्यवस्थापन समितिको आयोजनामा बिहीवारदेखि उक्त सप्ताह महायज्ञ शुरू भएको हो । ...
काठमाडौं महानगरपालिकाका प्रमुख बालेन्द्र शाह (बालेन)ले ‘सिंहदरबारमा आगो लगाइदिन्छु’ भन्दै शुक्रवार राति दिएको अभिव्यक्तिको चौतर्फी आलोचना भएको छ । सरकारी मर्यादाक्रममा मुख्यसचिव ...
खोला किनारमा निर्माण भएका सडकले काठमाडौं उपत्यकाको सवारी आवागमनलाई केही हदसम्म भए पनि सहज बनाएको छ । काठमाडौंको बागमती, विष्णुमती, मनोहरा, धोबीखोला, नख्खु खोला, टुकुचा, हनुमन्ते, रुद्रमतीलगायत...
'राष्ट्र, राष्ट्रियता, धर्म-संस्कृति र नागरिक बचाऊ' अभियानका नाममा मेडिकल व्यवसायी दुर्गा प्रसाईंले आयोजना गरेको प्रदर्शनका क्रममा बल्खुमा तनाव उत्पन्न भयो । दुर्गा प्रसाईं, राप्रपा सांसद ज्ञानबहादुर शाहील...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...