मंसिर १९, २०८०
पूर्वनिर्धारित डिजाइनअनुसार काम गर्न समस्या भएको भन्दै केही महिनाअघि रोकिएको 'ग्वार्को फ्लाइ ओभर'को (ओभरपास) निर्माण कार्य अहिले द्रुत गतिमा अगाडि बढेको छ । प्राविधिक टोलीले अध्ययन पूरा गरि रि-डिजाइन...
काठमाडाैं | जेठ २८, २०८०
तत्कालीन प्रधानमन्त्री केपी शर्मा ओलीले ऐतिहासिक सम्पदा धरहरा उद्घाटन गरेको दुईवर्ष भयो । २०७८ वैशाख ११ गते ओलीले धरहरा उद्घाटन गरेका थिए । आफ्नै पार्टीभित्रको तीव्र असन्तुष्टिका कारण सत्ताविमुख हुने बेला ओलीले हतारहतार धरहरा उद्घाटन गरेका थिए ।
त्यसरी हतारमा धरहरा उद्घाटन गर्नुको कारण उनैलाई थाहा होला । तर, काम देखाउने र धरहराको शिलालेखमा दीर्घकालसम्म आफ्नो नाम रहने लालसाले पनि काम गरेको हुनसक्छ किनकि भौतिक संरचनाको ३० प्रतिशत काम नसकिँदै उद्घाटन गर्ने उनको हतारोले यस्तै संकेत गर्छ ।
दीर्घकालसम्म शिलालेखमा नाम राख्ने उनको लालसामा निर्माण कम्पनी बाधक बनेको छ । अहिले शिलालेख गायब छ । बढो तामझामका साथ उद्घाटित शिलालेख निर्माण कम्पनीले नै उखेलिदिएको हो ।
निर्माण कम्पनी जीआईईटीसी–रमन जेभीले काम गर्न कठिनाइ भएको भन्दै शिलालेख हटाएको हो । ‘काम गर्न अप्ठ्यारो भएपछि शिलालेख हटाइएको हो,’ निर्माण कम्पनीका एक अधिकारीले भने ।
यता आयोजनाको समन्वय गरिरहेको केन्द्रीय आयोजना कार्यान्वयन इकाइले भने शिलालेख हटाएकोबारे अनभिज्ञता प्रकट गरेको छ । इकाइका आयोजना निर्देशक कोषनाथ आधिकारीले निर्माण कम्पनीसँग यसबारे बुझिरहेको बताए ।
‘शिलालेख किन हटाएको हो भन्नेबारे निर्माण कम्पनीसँग बुझिरहेको छु’ निर्देशक अधिकारीले भने, ‘शिलालेख हटाउनुपर्ने कारण मैले देखेको छैन ।’
हुन् त काठमाडौं महानगरपालिका प्रमुख बालेन्द्र शाह हाल निर्माण भएको संरचनालाई धरहरा भन्न तयार छैनन् । उनले त्यसलाई ‘सेतो टावर’को संज्ञा दिने गरेका छन् । भूकम्पले भत्काएको भीमसेन स्तम्भलाई उनले धरहरा मान्दै आएका छन् ।
बालेनले नै शिलालेख हटाएको हुन सक्ने कतिपयले आशंका गर्छन् । तर, निर्देशक अधिकारीले भने ‘बालेनलाई शिलालेख हटाउने अधिकार नभएको’ बताए । ‘यो निर्माण कम्पनीसँगै सम्बन्धित विषय हो,’ लोकान्तरसँग उनले भने ।
पुनर्निर्माण प्राधिकरण विघटन भएपछि अहिले भूकम्पबाट क्षति पुगेका संरचना निर्माणको काम शहरी विकास तथा भवन निर्माण विभागअन्तर्गतको यही इकाइले सम्हालेको छ ।
इकाइका अनुसार धरहराको बाँकी काम मंसिरसम्म सम्पन्न गर्ने तयारी छ ।
‘धरहराको जमिनमुनि काम भइरहेको छ,’ निर्देशक अधिकारीले भने, ‘मंसिरसम्म काम सम्पन्न गर्ने लक्ष्य छ ।’ धरहराको भित्री संरचनाको काम सकिएको छैन, तीनतले भूमिगत पार्किङ निर्माणको काम अघि बढेको छैन, टक्सारसम्बन्धी संग्रहालय, युटिलिटी ब्लक, विश्रामस्थल लगायतको संरचना निर्माणको कामले तीब्रता नपाउँदा मंसिरसम्म आयोजना निर्माण हुनेमा आशंका छ ।
हेर्नुहोस्, भिडियो :
पूर्वनिर्धारित डिजाइनअनुसार काम गर्न समस्या भएको भन्दै केही महिनाअघि रोकिएको 'ग्वार्को फ्लाइ ओभर'को (ओभरपास) निर्माण कार्य अहिले द्रुत गतिमा अगाडि बढेको छ । प्राविधिक टोलीले अध्ययन पूरा गरि रि-डिजाइन...
काठमाडौं महानगरपालिकाका प्रमुख बालेन्द्र शाह (बालेन)ले ‘सिंहदरबारमा आगो लगाइदिन्छु’ भन्दै शुक्रवार राति दिएको अभिव्यक्तिको चौतर्फी आलोचना भएको छ । सरकारी मर्यादाक्रममा मुख्यसचिव ...
साउन २ गते समातिएको ६० किलो सुन तस्करीको अनुसन्धानका क्रममा भन्सारका कर्मचारीहरू पक्राउ पर्न थालेपछि उनीहरू आन्दोलित भएका हुन् । सामुहिक सरुवा माग गरेका कर्मचारीले सरुवा नभएपछि आइतवारदेखि आन्दोलन श...
'राष्ट्र, राष्ट्रियता, धर्म-संस्कृति र नागरिक बचाऊ' अभियानका नाममा मेडिकल व्यवसायी दुर्गा प्रसाईंले आयोजना गरेको प्रदर्शनका क्रममा बल्खुमा तनाव उत्पन्न भयो । दुर्गा प्रसाईं, राप्रपा सांसद ज्ञानबहादुर शाहील...
गत शनिवार दिउँसो चन्द्रागिरि नगरपालिका वडा नम्बर ४ पानीघाटका तिलक लामा घरबाहिर घाम तापेर बसिरहेका थिए । उनको आँखा एक्कासि घर पारिको सेतोभीरमा पर्यो, जहाँ उनले गाडी गुल्टिरहेको देखे । गाडी तल...
ललितपुरको उत्तर–पश्चिम क्षेत्रमा पर्ने छम्पी क्षेत्र यतिबेला निकै हरियाली, शान्त र मनमोहक देखिन्छ । काठमाडौं उपत्यकामा खेतीयोग्य जमिन पाउन मुस्किल भइरहेको बेला छम्पी क्षेत्रका स्थानीयले भने नगदेब...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...