माघ १८, २०८०
चरम आर्थिक संकटबाट गुज्रिएको श्रीलंकाले सन् २०२२ को अन्त्यतिर औषधि किन्ने क्षमता पनि गुमाएको थियो । ५० अर्ब डलरभन्दा बढीको विदेशी ऋण 'डिफल्ट' भएको थियो भने लाखौंले रोजगारी गुमाएका थिए । दशौं लाख मान्छे...
काठमाडाैं | असार २०, २०८०
आफूलाई प्रधानमन्त्री बनाउन प्रितम सिंह पटक–पटक दिल्ली धाएको भन्ने अभिव्यक्तिलाई लिएर विपक्षी दलले संसदमा प्रधानमन्त्रीको राजीनामा माग गरेका छन् ।
प्रमुख प्रतिपक्षी दल नेकपा एमालेले त प्रधानमन्त्रीको राजीनामा नआएसम्म सदन अगाडि बढ्न नसक्ने भन्दै राजीनामालाई ‘बटमलाइन’ बनाएका छन् ।
लामो समयदेखि नेपालमा बस्दै आएका सरदार प्रितम सिंहको पुस्तक विमोचनमा प्रचण्डले आफूलाई प्रधानमन्त्री बनाउन उनी पटक–पटक दिल्ली गएको बताएका थिए ।
हँसिलो मुद्रामा दिएको त्यो छोटो अभिव्यक्ति प्रचण्डलाई महंगो सावित हुने देखिएको छ ।
बुधवार प्रचण्डले आफ्नो अभिव्यक्तिलाई लिएर विपक्षीले बबन्डर गरे पनि केही नहुने बताएका छन् ।
तर, केहीबेरमै प्रतिपक्षी दलले संसद् अवरोध गर्यो । अवरोध मात्र होइन, प्रचण्डलाई ‘लेन्डुप दोर्जेको नेपाली संस्करण’ भन्दै संसदमा रेकर्ड गरायो ।
प्रचण्डको अभिव्यक्तिले स्वाभिमानी नेपालीको शिर निहुर्याउने काम गरेको भन्दै उनी प्रधानमन्त्रीको पदमा बसिराख्ने नैतिकता समाप्त भएको निर्णय एमाले संसदीय दलले गरेको छ ।
राप्रपा र रास्वपाले पनि एमालेको निर्णयमा ऐक्यबद्धता जनाएको दृश्य संसदमा देखियो ।
एमाले र रास्वपालाई उछिन्दै राप्रपा सांसदहरू वेल घेर्न आइपुगे । राष्ट्रियताको मुद्दालाई विपक्षी दलले ‘क्यास’ गर्न खोजेका छन् ।
सरकार गठन र विघटनमा विदेशीलाई जोड्नु सम्मान र स्वाधीनतामा धक्का– नीलाम्बर आचार्य
प्रधानमन्त्रीबाट आएको अभिव्यक्तिलाई कूटनीतिक क्षेत्रका जानकारहरू बचपनको संज्ञा दिन्छन् ।
भारतका लागि नेपाली पूर्व राजदूत नीलाम्बर आचार्यले नेपालको सरकार गठन विघटनमा मित्र राष्ट्रको प्रसंग जोड्नु देशको प्रतिष्ठामा आँच आउने काम भएको बताए ।
‘यो प्रवृत्ति ठीक भएन, हाम्रो सरकार गठन/विघटन प्रक्रियामा हाम्रा मित्रराष्ट्रका सरकारलाई इन्भल्ब गर्ने कोशिश गर्नु ठीक भएन । यसले हाम्रो प्रतिष्ठा, सम्मान, स्वाधीनता सबैमा धक्का लाग्छ,’ आचार्यले लोकान्तरसँग भने ।
प्रधानमन्त्रीले बोल्दा हरेक विषयमा सजग हुनुपर्ने र त्यसमा पनि कूटनीतिक मामिलामा झनै चनाखो रहनुपर्ने जानकारहरू बताउँछन् ।
‘प्रधानमन्त्रीको अभिव्यक्तिबाट हामीले हस्तक्षेप निम्त्याउने रहेछौं भन्ने सन्देश गयो । नेपालको सरकार प्रतिनिधिसभाले बनाउने हो । प्रधानमन्त्रीले आफ्नो जनतालाई विश्वास गर्ने हो । प्रधानमन्त्रीले आफ्नो जनता र संसद्मा विश्वास नभएकोजस्तो देखियो,’ पूर्वमन्त्री र संविधानसभा सदस्य समेत रहेका आचार्यले लोकान्तरसँग भने ।
विपक्षीले राजीनामा माग्नु स्वाभाविक– डा. जयराज आचार्य
कूटनीतिक मामिलाका जानकार जयराज आचार्य प्रधानमन्त्रीबाट त्यस किसिमको अभिव्यक्ति आउनु लाजमर्दो विषय भएको बताउँछन् ।
‘साधारण मान्छेले बुझ्दा पनि त्यो अनुचित अभिव्यक्ति हो, त्यस्तोमा के टिप्पणी गरिराख्नु ? टिप्पणी गर्न पनि आवश्यकजस्तो लाग्दैन,’ संयुक्त राष्ट्रसंघमा नेपालको स्थायी प्रतिनिधि (राजदूत) भएर काम गरेका वरिष्ठ कूटनीतिज्ञ आचार्यले लोकान्तरसँग भने, ‘विपक्षीले त्यस किसिमको माग (प्रधानमन्त्रीको राजीनामा) गर्नु स्वाभाविक हो । अभिव्यक्ति साह्रै नै लाजमार्दो छ ।’
यस्तो विषयमा राजीनामा दिँदै हिँड्ने हो भने मुलुक चल्दैन– देव गुरुङ
नेकपा (माओवादी केन्द्र)का महासचिव देव गुरुङले एउटा व्यक्तिको सन्दर्भमा बोलेको विषयलाई लिएर प्रतिपक्षी दलले संसद् अवरोध गर्नु ‘तिललाई पहाड बनाएजस्तो’ भएको टिप्पणी गरे ।
एमालेले मागेकै भरमा प्रधानमन्त्रीले राजीनामा दिन आवश्यक नरहेको उनको जिकिर छ ।
‘प्रधानमन्त्रीले बोल्ने क्रममा व्यक्ति (प्रितम सिंह)को भूमिकाको बारेमा भन्नुभएको हो । व्यक्तिको भूमिका त नेगेटिभ/पोजेटिभ हुने भयो नि ! राज्यको नीतिबारे बोलेको भए आलोचना गर्ने कुरा हुनसक्थ्यो । यही विषयलाई लिएर संसदमा हंगामा गर्ने र प्रधानमन्त्रीको राजीनामा माग्ने कुरा उचित हैन,’ गुरुङले लोकान्तरसँग भने ।
प्रधानमन्त्रीले एउटा व्यक्तिको भूमिका सम्बन्धमा दिएको अभिव्यक्तिलाई लिएर संसद् अवरुद्ध गर्नु सरकारको विरोध र सस्तो प्रचारबाजी मात्र भएको उनको टिप्पणी छ ।
‘राज्यको नीति र राष्ट्रियताको विषयमा फरक बोलेको भए बहस गर्न सकिन्थ्यो । व्यक्तिको भूमिकालाई लिएर तिललाई पहाड बनाउन खोजियो । यस्तो कुराको सन्दर्भमा राजीनामा दिँदै हिँड्ने हो भने त मुलुक चल्दैन । यो राजीनामा दिँदै हिँड्ने विषय नै होइन,’ गुरुङले लोकान्तरसँग भने ।
चरम आर्थिक संकटबाट गुज्रिएको श्रीलंकाले सन् २०२२ को अन्त्यतिर औषधि किन्ने क्षमता पनि गुमाएको थियो । ५० अर्ब डलरभन्दा बढीको विदेशी ऋण 'डिफल्ट' भएको थियो भने लाखौंले रोजगारी गुमाएका थिए । दशौं लाख मान्छे...
फागुन २१ मा नाटकीय ढंगले सत्ता समीकरण बदलिएको दुई महिना पनि नबित्दै नयाँ समीकरणका लागि कसरत भइरहेको संकेत देखिएको छ । नेपाली राजनीति तथा सत्ताका खेलाडीसँग निकट विश्वसनीय स्रोतले भित्रभित्रै अर्को नयाँ स...
सरकारमा सहभागी मन्त्रीको कार्यक्षमतालाई लिएर प्रश्न उठेपछि अहिले सरकारमा रहेका मन्त्रीलाई फिर्ता बोलाएर मन्त्रिमण्डल पुनर्गठन गर्न सत्तारुढ दलहरूभित्र दबाब बढ्न थालेको छ । अपवादबाहेक सरकारमा सहभागी मन्त्रीले जनअपे...
दुई–दुईपटक मिर्गौला फेरेको शरीर । मध्यजाडो नजिकिँदै गरेका मंसिरका चिसा दिन । त्यसमाथि वृद्धावस्था । यस्तो बेला ७० नाघेकाहरूको अधिकांश समय ओछ्यानमै बित्छ । नभए पनि घरको चार दिबारभित्र आराम गरेर अनि तात...
अन्तिम समयमा आएर कुनै फेरबदल नभएको खण्डमा सम्भवत: आज एनसेलको शेयर खरिद बिक्री सम्बन्धमा छानबिन गर्न सरकारले गठन गरेको समितिले आफ्नो अध्ययन प्रतिवेदन बुझाउने छ । बहस चरम उत्कर्षमा पुगेका कारण एक निजी कम्पनीको अप्...
आफ्नो तेस्रो कार्यकालको दोस्रो वर्षलाई प्रभावकारी बनाउने भनी दाबी गरेका प्रधानमन्त्री पुष्पकमल दाहाल ‘प्रचण्ड’ले कांग्रेस महामन्त्री गगन थापालगायत केही नेतासँग नियमित सल्लाह सुझाव लिन थालेका छन् । रा...
मानव स्वभाव प्रायः म र मेरो भन्ने हुन्छ । जस्तोसुकै आदर्शको कुरा गरे पनि, जतिसुकै महान देखिन खोजे पनि यी म र मेरोमा अलिकति धक्का लाग्नेबित्तिकै, ढेस पुग्नेबित्तिकै त्यस्ता आदर्श र महानता कुन सड्को ‘फू&rsquo...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...