कात्तिक २०, २०८०
‘लुट’बाट सेलिब्रिटी निर्देशकको छवि बनाएका निश्चल बस्नेत निर्देशित आगामी चलचित्र ‘दिमाग खराब’ यही शुक्रवारबाट प्रदर्शनमा आउँदैछ । तिहारको अवसर पारेर प्रदर्शनमा आउन लागेको चलचित्...
काठमाडाैं | साउन २७, २०८०
‘मालतीको भट्टी’, ‘मञ्जरी’, ‘गाँजाबाजा’ जस्ता अलग स्वादका फिल्म बनाएका निर्देशक हुन् गणेशदेव पाण्डे ।
केही वर्ष निर्देशनबाट टाढा रहेका उनी फेरि नयाँ फिल्म लिएर फर्किएका छन् । पाण्डेको लेखन समेत रहेको फिल्म ‘जुलेबी’ आउँदो शुक्रवारबाट प्रदर्शनमा आउँदैछ ।
यो फिल्म ७ जना पात्रहरूको व्यक्तिगत जीवनमा घटेका ५ वटा घटनाहरूको कथामा निर्माण भएको निर्देशक पाण्डे बताउँछन् ।
सार्वजनिक टिजर र ट्रेलर हेरेपछि धेरैले यसलाई यौन मनोविज्ञानमा आधारिक फिल्म भनेका छन् । पाण्डे भने फिल्मलाई यौन मनोविज्ञानमा आधारित भन्न रुचाउँदैनन् ।
‘पात्रहरूले सम्बन्धमा पर्न र सम्बन्धबाट बाहिर निस्किन गरेको संघर्षको कथा हो । यसलाई यौन मनोविज्ञानमा आधारित फिल्म नभनौं,’ लोकान्तरसँगको कुराकानीमा उनले भने, ‘फिल्ममा एउटा पार्टका रूपमा भने ‘इन्टिमेट सिन’हरू छन् ।’
सम्बन्धहरू सधैं सहज र सरल नहुने उनी बताउँछन् । कहिलेकाहीँ सहजै नदेखिने खालका सम्बन्धहरू समेत भइरहेका हुन्छन् । कल्पना गरिएकोभन्दा बाहिरका सम्बन्धहरू पनि कहिलेकाहीँ स्थापित हुन सक्छन् । ‘जुलेबी’ले सोही खालका सम्बन्धहरू पेस गर्ने निर्देशक पाण्डेले बताए ।
फिल्ममा सुरक्षा पन्त, उषा रजक, नीशा अधिकारी, सुशील सिटौला, पुष्कर कार्की, मोनिका थापा र तुफान थापा गरी ७ जना कलाकार शीर्ष भूमिकामा छन् ।
पुरुष पात्रले महिलाप्रति राखेको आकर्षण फिल्ममा फरक–फरक तरिकाको छ । यता ४ जना महिला पात्रको आफ्नै जीवनशैली छ । उनीहरूको आफ्नै चाहनाहरू छन् । महिला पात्रहरूको एउटा सम्बन्धबाट मुक्त भएर अर्को सम्बन्धमा जाने संघर्षको कथा फिल्मले पेश गर्छ ।
फिल्मका पात्रहरूलाई जोड्ने काम भने रत्नपार्कले गरेको छ । रत्नपार्ककै वरिपरि फिल्मको कथा घुम्ने निर्देशक पाण्डेले बताए ।
व्यक्तिगत जीवन भोगाइबाट आएको कथा
‘जुलेबी’ आफ्नो व्यक्तिगत जीवनबाट आएको कथामा बनाएको निर्देशक पाण्डे सुनाउँछन् । विभिन्न समयमा आफूसँग जोडिएका महिला पात्रहरूलाई सम्झिएर कथा भनिएको उनले बताए ।
‘जीवनमा मैले जुन–जुन महिला पात्रहरू भेटें । जो–जो महिलाहरूसँग मेरो अट्र्याक्सन भयो । त्यसमा पनि सरल र सहजभन्दा फरक खालका सम्बन्धहरूले तान्थ्यो,’ उनले भने, ‘ती कुराहरूबीच म आफैंभित्र द्वन्द्व थियो होला सायद । त्यही द्वन्द्वबाट उत्पन्न भएको कथा हो जुलेबी ।’
निर्देशक पाण्डे यो राम्रो व्यापार गर्ने सम्भावना बोकेको फिल्म भएको बताउँछन् । ‘राम्रो कन्टेन्टमा फिल्म बनाएका छौं । यसले दर्शकलाई फरक स्वाद दिन्छ । फिल्मबारे जानकारी दिन सकियो भने राम्रो हुन्छ भन्ने विश्वास छ,’ उनले भने ।
‘सेन्सरशिप खारेज हुनुपर्छ’
यसअघिको फिल्म ‘गाँजाबाजा’मा नामका कारण निर्देशक पाण्डेले झमेला व्यहोर्नुपरेको थियो । यसपटक फिल्म ‘जुलेबी’लाई लिएर पनि सेन्सरमा झमेला आउन सक्ने संकेत कतिपयले गरेका छन् । निर्देशक पाण्डेले भने फिल्मको सेन्सरलाई लिएर आफूमा कुनै डर नभएको बताए । उनी सिर्जनामा सेन्सरशिप हुनुहुँदैन भन्ने अडान राख्छन् र यसमा सेन्सरले दुःख नदेओस् भन्ने चाहन्छन् ।
‘सिर्जनामा सेन्सरशिप हुनुहुँदैन । समाजलाई खुल्न दिनुपर्छ । झन् विकृति कम हुन्छ,’ उनी भन्छन्, ‘सेन्सरशिप खारेज हुनुपर्छ । सेन्सरशिप भनेको प्रजातन्त्रको विपक्षी कुरा हो । जब अभिव्यक्तिको स्वतन्त्रता मौलिक अधिकार हो भनिरहेको अवस्थामा यो गर्न पाउँदैनस् भन्नु भनेको संविधानकै विपरीत कुरा हो ।’
फिल्म अभिव्यक्ति स्वतन्त्रताको माध्यम भएको बताउँदै अभिव्यक्ति स्वतन्त्रता माथिको हस्तक्षेपले आफूजस्ता फिल्मकर्मीहरू हतोत्साही हुनुपरेको उनले बताए ।
निर्देशक पाण्डे समाजका नकारात्मक पाटोहरू पनि फिल्ममार्फत भनिनुपर्ने धारणा राख्छन् । उनी आउँदा दिनमा पनि फरक खालका फिल्महरू निर्माण गर्ने बताउँछन् । पछिल्लो समयका दर्शक फिल्म मेकरभन्दा पनि ट्यालेन्ट भइसकेका उनको बुझाइ छ ।
‘लुट’बाट सेलिब्रिटी निर्देशकको छवि बनाएका निश्चल बस्नेत निर्देशित आगामी चलचित्र ‘दिमाग खराब’ यही शुक्रवारबाट प्रदर्शनमा आउँदैछ । तिहारको अवसर पारेर प्रदर्शनमा आउन लागेको चलचित्...
अभिनेता राजेश हमालबारे नकारात्मक टीकाटिप्पणी कमै हुने गरेको छ । सामाजिक सञ्जालमा पनि उनीबारे आलोचना गरेको खास्सै पाइँदैन । तर, यसपटक भने फेसबुक पोष्टमा राजेशले आलोचना खेपेका छन् । उनले फेसबुकमा ...
अभिनेत्री रेखा थापा आमा बनेकी छन् । अमेरिकामा रहेकी रेखाले शुक्रवार छोरीलाई जन्म दिएकी हुन् । उनले छोरीको नाम वैभवी राज्यलक्ष्मी शाही ठकुरी राखेकी छन् । सामाजिक सञ्जालमा तस्वीर सार्वजनिक गर्दै उनले आमा...
बडा दशैँको अवसर पारेर गत शुक्रवारबाट प्रदर्शनमा आएको नारायण रायमाझी निर्देशित चलचित्र ‘परदेशी २’ले दर्शकबाट सुखद् प्रतिक्रिया पाइरहेको छ । हलबाट निस्किँदै गरेका दर्शकहरूले आजको नेपाली समा...
निर्देशक राजु गिरीले ‘ईश्वर’ नामक चलचित्र निर्माणको घोषणा गरेका छन् । दिव्या कंगना फिल्मसको प्रस्तुतिमा बन्ने चलचित्रमा गिरीको लेखन एवं निर्देशन रहनेछ । यसमा पटकथा एवं संवाद भोजराज देवकोटाको रहनेछ ...
कवि उपेन्द्र सुब्बाको दोस्रो निर्देशकीय फिल्म ‘मनसरा’को ट्रेलर सार्वजनिक भएको छ । काठमाडौंमा बुधवार आयोजित एक कार्यक्रमबीच सार्वजनिक ट्रेलर सार्वजनिक गरिएको हो । चार मिनेट लामो ट्रेलरमा य...
सृष्टिमा हरेक चीजको एउटा अति हुन्छ, जसलाई हामी सीमा भन्ने गर्छौँ, जलाई उसले आउँदा सँगै लिएर आएको हुन्छ र जेजति गर्छ यसैभित्रै रहेर गर्छ । अति पार गर्नासाथ उसको अस्तित्व पनि समाप्त हुन पुग्छ । अति पार गरेपछि नदी...
नेपाली कम्युनिस्ट आन्दोलन कतिपटक विभाजन भयो ? पुनः एकता, मोर्चा गठन, विघटनलाई हेर्दा यसको जोडघटाउको लामै शृङ्खला बन्छ । र, त्यसमा मूलधारको राजनीतिबाट विभाजित कम्युनिस्ट पार्टी अर्थात् वामपन्थी पार्टीहरूको विसर्...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...