कात्तिक १९, २०८०
अभिनेता राजेश हमालबारे नकारात्मक टीकाटिप्पणी कमै हुने गरेको छ । सामाजिक सञ्जालमा पनि उनीबारे आलोचना गरेको खास्सै पाइँदैन । तर, यसपटक भने फेसबुक पोष्टमा राजेशले आलोचना खेपेका छन् । उनले फेसबुकमा ...
गत शुक्रवारबाट प्रदर्शनमा आएका दुई नेपाली फिल्ममध्ये ‘नाङ्गो गाउँ’ले शुरूदेखि नै दर्शकको बढी साथ पाइरहेको छ ।
फिल्मले शुरूआती २ दिनमा १ करोड ६० लाख रुपैयाँ 'ग्रस कलेक्सन' गरेको रिपोर्ट निर्माण टीमले सार्वजनिक गरेको थियो, जसलाई वैशाखमा प्रदर्शनमा आएको ‘जारी’यताकै राम्रो ‘ओपनिङ’ मान्न सकिन्छ ।
हल सञ्चालकहरू पनि यस फिल्मले दर्शकलाई हलसम्म फर्काउन केही हदसम्म सफलता पाएको बताउँछन् ।
फिल्मले सुखद् ‘ओपनिङ’ गर्नु र दर्शकको साथ पाउनुमा केही कारणहरू छन्, जसलाई मुख्य ६ बुँदामा विश्लेषण गर्न सकिन्छ ।
१. दयाहाङ राई र मिरुना मगरको जोडी
अभिनेता दयाहाङ राई र अभिनेत्री मिरुना मगरको जोडी हुनुलाई फिल्मले सुखद् ओपनिङ गर्नुको पहिलो कारण मानिएको छ ।
यसअघि ‘कबड्डी ४’ र ‘जारी’ गरी दुईवटा फिल्ममा 'स्क्रिन' शेयर गरेका उनीहरूका दुवै फिल्म बक्स अफिसमा 'ब्लकबस्टर' भएका थिए ।
फिल्म हिट भएसँगै दयाहाङ र मिरुनाको जोडी पनि दर्शकमाझ प्रिय बनेको थियो । त्यसपछि उनीहरूले ‘नाङ्गो गाउँ’मा जोडी बनेर अभिनय गरेका थिए ।
यो फिल्मले शुरूआती चरणमा दर्शकलाई हलसम्म तान्नमा दयाहाङ र मिरुनाको जोडीको भूमिका प्रमुख रहेको पाइन्छ ।
२. तीजको अवसर पारेर रिलिज
तीजको अवसर पारेर प्रदर्शनमा आउनुलाई पनि फिल्मले सुखद् ओपनिङ गर्नुको अर्को कारण मान्न सकिन्छ ।
प्रदर्शनको दोस्रो दिन शनिवार, त्यसपछि तीज र संविधान दिवसको सार्वजनिक बिदा लगायतका कारण पनि यस फिल्मलाई फाइदा पुगेको छ ।
३. निर्देशक दीपेन्द्र लामा
फिल्म समीक्षकबाट निर्देशक बनेका दीपेन्द्र लामाका एकपछि अर्का पछिल्ला फिल्म हिट भइरहेका छन् । ‘छ माया छपक्कै’ र ‘दुई नम्बरी’पछि ‘नाङ्गो गाउँ’प्रति पनि दर्शक एवं समीक्षकको अपेक्षा थियो ।
यसकारण फिल्मले सुखद् ओपनिङ गर्नुको एउटा जस निर्देशक दीपेन्द्र लामा स्वयंलाई पनि जान्छ ।
४. नकारात्मक समीक्षा नआउनु
‘नाङ्गो गाउँ’ले दर्शकबाट औसत खालको समीक्षा प्राप्त गर्यो । सञ्चारमाध्यममा पनि यसको समीक्षा त्यति नकारात्मक देखिएन । नकारात्मक समीक्षा नआउनुले पनि फिल्मको व्यापारमा फाइदा पुगेको अनुमान गर्न सकिन्छ ।
५. सँगै रिलिज भएको अर्को फिल्मले बलियो समीक्षा नपाउनु
गत शुक्रवार ‘नाङ्गो गाउँ’सँगै ‘एक भागवत र एक गीता’ पनि प्रदर्शनमा आएको छ । यदि, ‘एक भागवत र एक गीता’को समीक्षा राम्रो आइदिएको भए त्यसको असर ‘नाङ्गो गाउँ’को व्यापारमा पर्न सक्थ्यो । तर, ‘एक भागवत र एक गीता’को समीक्षा राम्रो आउन सकेन, जसका कारण पनि ‘नाङ्गो गाउँ’को व्यापारमा फाइदा पुगेको हल सञ्चालकहरूको विश्लेषण छ ।
यद्यपि, पछिल्ला दिनमा ‘एक भागवत र एक गीता’ले पनि दर्शकको संख्या बढाउँदै लगेको छ । तर, ‘नाङ्गो गाउँ’लाई भेट्टाउन सकेको छैन ।
६. अर्ग्यानिक कथा
स्थानीय तहको राजनीतिको विषयमा बनेको ‘नाङ्गो गाउँ’को कथा आफैंमा अर्ग्यानिक छ । यसको लोकेसन पनि अर्ग्यानिक छ । स्थानीय तहमा भइरहेको राजनीति दर्शकले फिल्ममा हुबहु हेर्न पाउँछन् ।
फिल्मले दर्शकलाई कल्पनाको रंगीन संसारमा पुर्याउँदैन । ‘नाङ्गो गाउँ’ दर्शकको साथ पाउनुमा यसको कथा अर्ग्यानिक हुनुलाई पनि अर्को कारण मान्न सकिन्छ ।
आगामी दुईसाता कुनै पनि नेपाली फिल्मले प्रदर्शन मिति तोकेका छैनन् । असोज ५ गते र असोज १२ गते कुनै पनि फिल्म रिलिज नहुँदा त्यसको फाइदा पनि ‘नाङ्गो गाउँ’ले उठाउन सक्छ ।
अर्को फिल्म ‘एक भागवत र एक गीता’लाई पनि केही हदसम्म त्यसको फाइदा मिल्ने देखिन्छ ।
अभिनेता राजेश हमालबारे नकारात्मक टीकाटिप्पणी कमै हुने गरेको छ । सामाजिक सञ्जालमा पनि उनीबारे आलोचना गरेको खास्सै पाइँदैन । तर, यसपटक भने फेसबुक पोष्टमा राजेशले आलोचना खेपेका छन् । उनले फेसबुकमा ...
‘लुट’बाट सेलिब्रिटी निर्देशकको छवि बनाएका निश्चल बस्नेत निर्देशित आगामी चलचित्र ‘दिमाग खराब’ यही शुक्रवारबाट प्रदर्शनमा आउँदैछ । तिहारको अवसर पारेर प्रदर्शनमा आउन लागेको चलचित्...
निर्देशक राजु गिरीले ‘ईश्वर’ नामक चलचित्र निर्माणको घोषणा गरेका छन् । दिव्या कंगना फिल्मसको प्रस्तुतिमा बन्ने चलचित्रमा गिरीको लेखन एवं निर्देशन रहनेछ । यसमा पटकथा एवं संवाद भोजराज देवकोटाको रहनेछ ...
अभिनेत्री रेखा थापा आमा बनेकी छन् । अमेरिकामा रहेकी रेखाले शुक्रवार छोरीलाई जन्म दिएकी हुन् । उनले छोरीको नाम वैभवी राज्यलक्ष्मी शाही ठकुरी राखेकी छन् । सामाजिक सञ्जालमा तस्वीर सार्वजनिक गर्दै उनले आमा...
नेपाली चलचित्र ‘पुजार सार्की’को ट्रेलर सार्वजनिक गरिएको छ । काठमाडौंमा मङ्गलबार एक कार्यक्रमबीच ४ मिनेट १५ सेकेण्ड लामो ट्रेलर सार्वजनिक गरिएको हाे । आगामी जेठ १० गते विश्वव्यापी रुपमा एकसा...
बडा दशैँको अवसर पारेर गत शुक्रवारबाट प्रदर्शनमा आएको नारायण रायमाझी निर्देशित चलचित्र ‘परदेशी २’ले दर्शकबाट सुखद् प्रतिक्रिया पाइरहेको छ । हलबाट निस्किँदै गरेका दर्शकहरूले आजको नेपाली समा...
सृष्टिमा हरेक चीजको एउटा अति हुन्छ, जसलाई हामी सीमा भन्ने गर्छौँ, जलाई उसले आउँदा सँगै लिएर आएको हुन्छ र जेजति गर्छ यसैभित्रै रहेर गर्छ । अति पार गर्नासाथ उसको अस्तित्व पनि समाप्त हुन पुग्छ । अति पार गरेपछि नदी...
नेपाली कम्युनिस्ट आन्दोलन कतिपटक विभाजन भयो ? पुनः एकता, मोर्चा गठन, विघटनलाई हेर्दा यसको जोडघटाउको लामै शृङ्खला बन्छ । र, त्यसमा मूलधारको राजनीतिबाट विभाजित कम्युनिस्ट पार्टी अर्थात् वामपन्थी पार्टीहरूको विसर्...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...