मंसिर ३०, २०८०
बुधवार काभ्रेको धुलिखेलस्थित काठमाडौं विश्वविद्यालयका १ हजार ८३८ जना विद्यार्थीमाझ सनम ढकाल दृश्यमा आए । एमबीबीएसमा सर्वोत्कृष्ट भएर गोल्ड मेडल ल्याउँदै सनम दीक्षित भएसँगै सबैमाझ परिचित भएका हुन् । काठम...
विगत डेढ दशकभन्दा बढी समयदेखि सौन्दर्य कर्ममा छिन् रुपन्देहीको बुटवलकी मोनिका क्षेत्री । बुहारीले उद्यम गर्छुभन्दा नपत्याउने समाज छ हाम्रो । मोनिकाको हकमा भने यो लागू भएन । उनले घर–परिवारबाट पूर्ण साथ पाइन् । परिवारकै प्रेरणाले विस २०६६ देखि सौन्दर्य पेशामा लागेकी उनले मोनिका युनिसेक्स सलुन र स्कीन एण्ड हेयर लेजर खोलेकी छिन् । अहिले उनले यसैबाट प्रसिद्धीमात्र कमाएकी छैनन्, साथै सौन्दर्य कौशलमा पनि उतिकै प्रभावशाली देखिएकी छिन् । उनी आजकल मोफसलकै अब्बल मेकअप आर्टिस्ट र व्युटीसियन दरिएकी छिन् ।
भित्रीमनदेखि नै आफू सौन्दर्य पेशामा लागेको मोनिका सगर्व भन्छिन् । यसर्थ पनि होला ३ लाख रुपैयाँको लगानीमा सौन्दर्य क्षेत्रमा पाइला चालेकी उनको लगानी अहिले १ करोड ५० लाखभन्दा बढी पुगिसकेको छ ।
‘भित्रीमनबाटै केही गरेर देखाउँछु भन्ने चाहनाबाट यो उद्यम शुरू गरेकी हुँ,’ विगत सम्झिँदै उनी भन्छिन्, ‘३ लाख रुपैयाँको लगानीमा म सौन्दर्य क्षेत्रमा पाइला चालेकी हुँ । अहिले लगानी १ करोड ५० लाखभन्दा बढी पुगिसकेको छ । व्यवसायप्रतिको लगाव, साहस र परीश्रमबाट सानका साथ अहिलेको भीडमा यो स्थानसम्म आइपुगेकी हुँ ।’
मोनिकाले युनिसेक्स सलुनसँगै लगानी र सेवा विस्तार गर्दै यस क्षेत्रमा हालै स्कीन एण्ड हेयर, लेजर क्लिनिक सञ्चालन गरेपछि उनको चर्चा फेरि फैलिँदो छ । क्लिनिकको माध्यामबाट उनले स्किन (छाला) मा उपचारसँग सचेतना पनि सिकाउँदै छिन् । सौन्दर्य क्षेत्रमा निरन्तर अघि बढेकी उनी यो यात्रामा अझै सन्तुष्ट हुने अवस्थामा पुगेकी भने छैनन् ।
हुन न आफ्नो कामबाट आफै पूर्ण सन्तुष्ट हुन कोही सक्दैन । महिला भएर व्ययसाय, उद्यममा आउन गाह्रो भए पनि चुनौती र अवसरलाई सन्तुलन गर्नसके सफल भइने मोनिकाको तर्क छ । ‘घरकै चुलोचौकोमा सीमित नभएर त्यस दुनियाँभन्दा बाहिर निस्कन सके महिलाले धेरै प्रगति गर्न सक्छन्,’ उनले थपिन् । सौन्दर्य पेशा अझै पनि धेरैको प्राथामिकतामा पर्न नसकेको मोनिकालाई लाग्ने गरेको छ । उनको हँसिलो अनुहार र मिजासिलो व्यवहारले ग्राहक आकर्षित गर्छ । केही नयाँ कुरा सिक्न खोज्ने र सकेसम्म छिटो सेवा दिने उनको स्वभाव हो । यही कारण उनको सलुनमा भीड लाग्छ । सलुन र स्कीन एण्ड हेयर लेजर छुट्टा–छुट्टै छन् । सलुनमा सौन्दर्यताको काम हुन्छ भने, लेजरमा छाला यौन तथा सौन्दर्य रोग विशेषज्ञको रोहबरमा उपचार हुन्छ । ‘हामीकहाँ ब्युटीसियनले डाक्टरले गर्ने काम गरिरहेको पाइन्छ,’ मोनिका भन्छिन्, ‘स्कीन एण्ड लेजरको काम ब्युटीसियनले गर्ने होइन । बिशुद्ध छालारोग विशेषज्ञले गर्ने काम हो । ब्युटीसियन आफैँ डाक्टर बन्ने होइन ।’
जन्म बागलुङ, कर्म बुटवलः तालिम लिन काठमाडौंदेखि दिल्लीसम्म
बागलुङमा जन्मिएकी मोनिकाको बुटवलका गगनबहादुर क्षेत्रीसँग किशोरी अवस्थामै विहे भयो । विहेपछि परिवारमा आर्थिक अभाव खासै झेल्नुपरेन उनले । यसैले उनी केही गरेर आफ्नै पहिचानले चिनिन् चाहन्थिन् । त्यो बेला उनी मात्र १६ वर्षकी थिइन् । त्यसो त मोनिकाको केही गर्ने सोच १६ वर्षभन्दा पनि सानै उमेरदेखि नभएको होइन । तर विहेपछि एक्कासी उनलाई सौन्दर्य क्षेत्रमा लाग्न मन लाग्यो । त्यो कुरा उनले श्रीमान् गगनसँग राखिन् । गगनले श्रीमतीको कुरा सहस्र स्वीकार गरे । त्यपछि उनले बुटवलमा सौन्दर्यसम्बन्धी १ वर्षे तालिम लिइन् । त्यसपछि काठमाडौं र भारतको नयाँ दिल्लीसम्म गएर अन्य कोर्स सिकेर आफूलाई दक्ष बनाइन् । त्यसपछि मोनिकाले निरन्तर आफूलाई उद्यममा जोडिएकी हुन् । अहिले ३५ वसन्तमा हिँडिरहँदा पनि कामप्रतिको उनको जाँगर कत्ति नघटी निरन्तर बढ्दो छ ।
काम सिकेर दक्ष भएपछि आफैँ ब्युटीपार्लर खोल्ने योजना रहको मोनिका बताउँछिन् । ‘शुरूमै धेरै लगानी गरेर खोल्नुभन्दा सानोबाट नै काम शुरू गरे सफल भइन्छ भनेर उनी ब्युटीकेयर एण्ड कस्मेटिक संचालन गरेँ,’ उनले भनिन् । स्थापनाको छोटो समयमा नै ब्युटीकेयर एण्ड कस्मेटिकबाट राम्रौ आम्दानी भएपछि यसलाई थप स्तरीय र व्यस्थित गर्दैै जाने सोच मोनिकाले बनाइन् । तर, धेरै लगानी गरेर सर्ने आँट उनमा आएन् । यसबारे उनी भन्छिन्, ‘धेरै टाढादेखि आउनुहुन्छ, सेवा लिनुहुन्छ । हाम्रो सेवा मन परेर फेरि दोस्रो पटक पनि आउनुभएको हुन्छ, त्यो कुराले म एकदमै खुशी छु ।’
उनको आँटमा श्रीमान्को साथ
श्रीमान् गगन सेनाबाट सेवानिवृत्त भएर आएपछि गत वर्षको फागुनमा आधुनिक र स्तरीय डिजाइनसहित बुटवलको अमरपथबाट बीपी चौकमा उनले आफ्नो व्यवसायलाई सेवासँगै लगानीलाई स्थानान्तरण गरिन् । नयाँ ठाउँमा मोनिका ब्युटीकेयर एण्ड कस्मेटिकको नामलाई परिवर्तन गरी मोनिका युनिसेक सलुन एण्ड एकेडेमी बनाइन् । ‘मैले सोचेभन्दा धेरै नै राम्रो हुँदै गइरहेकोे थियो । अन्य ठाउँमा सर्नका लागि लगानी धेरै लाग्ने भएकाले म एक्लै आटँ गर्न पनि सकिनँ,’ उनी भन्छिन्, ‘श्रीमान् पनि रिटायर्ड भएर आउनुभयो । उहाँलाई पनि यससम्बन्धी सामान्य काम सिकाए । त्यसपछि गत वर्षको फागुनमा व्यवस्थित रुपमा नै वीपी चोकमा सर्यौँ । व्यवसायमा मेरो आँट र श्रीमान्को साथ रहेको छ ।’
शुरूमा लेडिज (महिला)हरूको मेकअप र कपाल काट्ने लगायतका काम गरेकी मोनिका अहिले जेन्स (पुरुष)हरूको पनि मेकअप लगायतका काम गर्ने गर्छिन् । मोनिका पहिला नै लेडिज र जेन्स दुवैको काम गर्न सक्षम थिइन् । तर आफूलाई एक्लै असहज लागेकाले लेडिजको मात्रै गरेको उनको भनाइ छ । ‘पहिला म मात्रै थिएँ, एक्लै जेन्सको काम गर्ने आँट आएन । अहिले श्रीमान् भएपछि लेडिज–जेन्स दुवैको काम सहज रुपमा गर्छु ।’
मोनिकाको सैलुनमा अहिले १० जनाले रोजगारीसमेत पाएका छन् । स्वदेशमै रोजगारी सिर्जना गर्न पाएकोमा उनी खुसी छिन् ।
सफलतासँगै मोनिकासँग चुनौतीका चाङ छन् । समय बदलिएसँगै संसारभर आधुनिकता धेरै अघि बढिसकेको उनले महसुस गर्न थालेकी छिन् । ‘अहिलेको पुस्ताले चलेको ‘ट्रेन’लाई ‘फलो’ गर्ने गर्छन् । हाम्रो नेपाली समाज पनि अहिले सौन्दर्यतर्फ एकदमै सचेत बनिसकेको देखिन्छ । यो हाम्रा लागि पनि चुनौती हुन जान्छ । हामी यस्तै चुनौतीबीच अघि बढिरहेका छौं,’ उनी भन्छिन् ।
मोनिकाको विचारमा सुन्दर बन्नु भनेको स्वस्थ हुनु पनि हो । आफूलाई निखार ल्याउनु हो र आत्मबल बलियो बनाउनु हो । कतिपयले सौन्दर्यलाई गलत दृष्टिले हेर्ने गरेको पाइएको उनको अनुभव छ । यस्तालाई उनले सुझावसमेत दिइन् ।
‘कतिपयले ब्युटीपार्लर, हेयर एन्ड मेकअप स्टुडियो तथा सैलुन जानुलाई समय र पैसाको बर्बादीका रूपमा हेर्छन्, तर वास्तविकता त्यो होइन । सुन्दर देखिने चाहना हरेक व्यक्तिमा हुन्छ । सुन्दरतालाई निखार ल्याउने काममात्र हो हाम्रो । यसर्थ यसलाई सकारात्मक रुपमा लिनुपर्छ,’ उनले थपिन् ।
बुधवार काभ्रेको धुलिखेलस्थित काठमाडौं विश्वविद्यालयका १ हजार ८३८ जना विद्यार्थीमाझ सनम ढकाल दृश्यमा आए । एमबीबीएसमा सर्वोत्कृष्ट भएर गोल्ड मेडल ल्याउँदै सनम दीक्षित भएसँगै सबैमाझ परिचित भएका हुन् । काठम...
रोल्पाका देवराज बुढामगर गाउँकै साधारण किसान हुन् । परिवर्तन गाउँपालिका–४ पाथावाङ निवासी देवराजका ६ छोरी र एक छोरा सरकारी जागिरे छन् । छोराको आसमा ६ छोरी जन्माए देवराज र उनकी श्रीमती नन्दाले । हुन पन...
प्रगतिशील राजनीतिको 'फ्रन्टलाइन'मा देखिने नेताहरू जति कठोर हुन्छन्, त्यो भन्दा बढी ‘इमोसनल र सेन्टिमेन्टल’ पनि हुन्छन् । त्यस्तै ‘इमोसनल फिलिङ्स’का बाबजुद परिस्थितिले कठोर बन्दै गएक...
पोखराका अशोक खड्काको पारिवारिक वातावरण सानैदेखि उद्यमशीलताको थियो । उनका बुवा सधैं एकै सुझाव दिइरहन्थे– नेपालमै केही गर्नुपर्छ । उनको बालमस्तिष्कमा त्यही छाप पर्यो । विदेश जाने सोच कहिल्यै बनाएनन् । नेप...
मनीषा जीसीको वास्तविक नाम विष्णु घर्ती क्षेत्री हो । गुल्मीको धुर्कोट गाउँपालिका– ३ हाडहाडेकी विष्णुलाई धेरैले मनीषा भनेर चिन्छन् । उनै मनीषा लोक सेवा आयोगले लिएका पाँचवटा परीक्षामा एकसाथ नाम निकालेर अह...
समय : आइतवार बिहान ७ बजे स्थान : नलगाड नगरपालिका, १ चिउरी, जाजरकोट (भूकम्पले सबैभन्दा धेरै क्षति पुर्याएको ठाउँ) ‘मेरी आमालाई किन यस्तो भयो ? मलाई पनि बाँच्न मन छैन,...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...