अभिनेता आर्यन सिग्देल, प्रदीप खड्का र पल शाहलाई दर्शकले एकसाथ चलचित्रको पर्दामा हेर्न पाउने भएका छन् । 

दिनेश राउतको निर्देशनमा बन्न लागेको चलचित्र ‘पूजार सार्की’मा यी तीन अभिनेताको अभिनय रहने तय भएको हो । 

तीनैजना अभिनेतासँग सम्झौता भइसकेको निर्देशक राउतले जानकारी दिएका छन् । 

विकास सुवेदीको लेखन रहेको यो चलचित्रमा सुभाष भुसालको लगानी रहनेछ । चलचित्रमा अभिनेत्री भने अहिलेसम्म तय गरिएको छैन । 

माघ पहिलो साताबाट चलचित्रको छायांकन सुरु गरिने जनाइएको छ ।