मंसिर २९, २०८०
लोकदोहोरी र आधुनिक गीतमा रुचाइएका गीतकार एवं संगीतकार राजकुमार बगरको स्वरमा ‘आँखैमा थियौ सानु’ बोलको गीत सार्वजनिक गरिएको छ । बगरकै शब्द एवं संगीत रहेको गीतमा उनीसँगै चर्चित गायिका...
गीत सुन्नेमात्र होइन हेर्न पनि थालिएको धेरै वर्ष भइसक्यो । अहिले अधिकांश गीतका म्युजिक भिडियो बन्छन् । भिडियो अनिवार्यजस्तै भएसँगै गीत निर्माण पनि महँगो बन्दै गएको छ । अझ, पछिल्लो समय मोडलहरूको पारिश्रमिककै कारण भिडियो निर्माण अझ महँगो बनेको निर्देशकहरू बताउँछन् ।
विशेषगरी फिल्ममा पनि सक्रिय रहेका कलाकारहरूलाई लिएर भिडियो बनाउँदा उनीहरूको पारिश्रमिकमै धेरै खर्च हुने गरेको छ । म्युजिक भिडियोमा महँगो पारिश्रमिक लिनेमा पल शाह, पुष्प खड्का, आकाश श्रेष्ठ, केकी अधिकारी, आँचल शर्मा, वर्षा राउत, मलिका महत आदि पर्छन् ।
उनीहरूमध्ये केहीको पारिश्रमिक १ लाख हाराहारी र केहीले डेढ लाख रुपैयाँभन्दा बढी पनि लिने गरेको निर्देशकहरू बताउँछन् ।
फिल्मी कलाकारलाई लिएर सामान्य खालको भिडियो बनाउँदा पनि ५–६ लाख रुपैयाँ खर्च हुने गरेको कोरियोग्राफर एवं निर्देशक रामजी लामिछाने बताउँछन् । कलाकार, लोकेशन, कोरस इत्यादीका आधारमा भिडियोको लगानी अझ बढ्ने गरेको समेत उनले बताए ।
कलाकारहरूको पारिश्रमिक धेरै हुँदा अन्य कुरामा भने खुम्चिएर काम गर्नुपर्ने अवस्था छ । लामिछाने भन्छन् ‘अहिले भिडियोमा संगीतकार, गायकहरू आफैं खेलिरहनुभएको देखिन्छ । किनकी उहाँहरूले आफैं खेलेर खर्च बचाउन खोज्नुभएको हो । त्यस्तै न्यू कमर पनि उत्तिकै हाबी भइरहेका छन् ।’
चलेका मोडलहरूलाई लगानी गर्न नसक्दा गीतकार, संगीतकार वा गायकले गीत बनिसकेपछि भिडियोका लागि पैसा लगानी गर्ने पुरुष वा महिला (न्यू कमर) खोज्ने गरेका छन् । न्यू कमरले चलेका मोडलसँग देखिने चाहनामा भिडियोमा लगानी गर्ने गरेका छन् ।
यसरी भिडियो निर्माण गरिँदा मेकिङ र क्यालिटी भने खस्किरहेको लामिछाने बताउँछन् । यसरी क्वालिटी खस्किनु पछाडिको कारण भने मोडलहरूले लिने महँगो पारिश्रमिकसँग पनि जोडिने उनको तर्क छ ।
अर्का कोरियोग्राफर एवं निर्देशक काजिश श्रेष्ठ पछिल्लो समय आफूले काम गरिरहेका धेरै म्युजिक भिडियोको लगानी ३ लाख रुपैयाँ हाराहारी हुने गरेको बताउँछन् । कतिपय भिडियो त्यो भन्दा कममा पनि बन्ने गरेका छन् ।
चलेका कलाकार, धेरै कोरस राखेर बनाएका भिडियोहरूको लगानी भने ५ लाख रुपैयाँभन्दा माथि पनि पुग्ने गरेको श्रेष्ठले बताए । उनका अनुसार फिल्ममा काम नगरेका म्युजिक भिडियोमा चलेका मोडललाई २५ देखि ४० हजार रुपैयाँ हाराहारी पारिश्रमिक छुट्याउँदा हुन्छ । अञ्जली अधिकारी, गीता ढुंगाना, लोमश शर्मा, विना राउत, सरोज प्रजालगायतका मोडलहरू यसभित्र पर्छन् ।
उनीहरूलाई लिएर भिडियो बनाउँदा ३ लाख रुपैयाँ हाराहारीमा तयार हुने गरेको श्रेष्ठले जानकारी दिए । यसमा भिडियो सम्पादनसम्मको खर्च जोडिने गर्छ ।
उसो त कतिपय म्युजिक भिडियो १० लाख रुपैयाँभन्दा बढी लगानीमा समेत निर्माण भएका छन् । यद्यपि, त्यस्ता भिडियो एकाध मात्र छन् । अहिले बजारमा धेरै म्युजिक भिडियो ३ देखि ५ लाख हाराहारीमा बनिरहेको निर्देशकहरूको भनाइ छ ।
पछिल्लो केही समययता म्युजिक भिडियो निर्माण भने ह्वात्तै घटेको छ । कमाउन सकिने डिजिटल प्लेटफर्म धेरै भए पनि नेपालमा म्युजिक भिडियोको आम्दानीको मुख्य स्रोत युट्युबबाट आउने ‘रेभिन्यू’ हो । यद्यपि, युट्युबबाट लगानी उठाउने म्युजिक भिडियो १० प्रतिशत पनि नहुने संगीतकर्मीहरू बताउँछन् ।
लोकदोहोरी र आधुनिक गीतमा रुचाइएका गीतकार एवं संगीतकार राजकुमार बगरको स्वरमा ‘आँखैमा थियौ सानु’ बोलको गीत सार्वजनिक गरिएको छ । बगरकै शब्द एवं संगीत रहेको गीतमा उनीसँगै चर्चित गायिका...
साङ्गीतिक क्षेत्रमा छोटो समयमै नाम र दाम दुवै कमाएकी गायिकामा पर्छिन् रचना रिमाल । करिअर सुरु गरेको ३ वर्षको अवधिमै उनले १२ सय हाराहारी गीतमा स्वर दिइसकेकी छन् । थुप्रै देशमा पुगेर आफ्नो स्वर गुञ्जाइस...
युवा लोकगायक अर्जुन सापकोटाले दाङको हापुरे महोत्सवमा दर्शक झुमाएका छन् । आइतवार मुख्य आकर्षणका रुपमा उपस्थित उनले आफ्ना चर्चित गीतहरू प्रस्तुत गरे । ‘हावा चिसो चिसो’, ‘पानी परेको...
ओमनको साङ्गीतिक कार्यक्रम सकेर फर्किएकी गायिका रचना रिमाल देशभित्रका मेला–महोत्सवमा व्यस्त हुन थालेकी छिन् । विदेशको कार्यक्रम सकेर फर्किएसँगै केही गीत रेकर्ड गराएकी उनी फेरि महोत्सवमा पुग्न थालेकी...
‘यो मेरो पिरती’ बोलको लोकदोहोरी गीत गाउँदै कमला मगरले गायनमा डेब्यु गरेकी छन् । अहिलेका चर्चित गायक खेम सेञ्चुरीसँग उनले यो गीतमा स्वर दिएकी हुन् । रमेश परियारको शब्द एवं संगीत, कृ...
बलिउडमा कलाकारको पारिश्रमिकलाई लिएर निकै चर्चा हुन्छ । विशेषगरी चलचित्रका स्टारहरूको पारिश्रमिकबारे सञ्चारमाध्यममा प्रशस्त समाचार बन्छन् । नेपालमा पनि बेलाबेलामा चलचित्रका स्टार कलाकारहरूको पारिश्रम...
सृष्टिमा हरेक चीजको एउटा अति हुन्छ, जसलाई हामी सीमा भन्ने गर्छौँ, जलाई उसले आउँदा सँगै लिएर आएको हुन्छ र जेजति गर्छ यसैभित्रै रहेर गर्छ । अति पार गर्नासाथ उसको अस्तित्व पनि समाप्त हुन पुग्छ । अति पार गरेपछि नदी...
नेपाली कम्युनिस्ट आन्दोलन कतिपटक विभाजन भयो ? पुनः एकता, मोर्चा गठन, विघटनलाई हेर्दा यसको जोडघटाउको लामै शृङ्खला बन्छ । र, त्यसमा मूलधारको राजनीतिबाट विभाजित कम्युनिस्ट पार्टी अर्थात् वामपन्थी पार्टीहरूको विसर्...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...