पर्वतको कुश्मा नगरपालिकाका प्रमुख प्रशासकीय अधिकृत उदयबहादुर पराजुली पक्राउ परेका छन् ।

उनलाई पर्वत प्रहरीले बुधवार कुश्माबाटै पक्राउ गरेको हो ।

पराजुलीमाथि कास्कीको पोखरामा सरकारी ठगीसम्बन्धी उजुरी परेको र सोही आधारमा पक्राउ गरिएको जिल्ला प्रहरी कार्यालय, पर्वतका प्रहरी निरीक्षक (इन्सपेक्टर) अर्जुन पौडेलले लोकान्तरलाई जानकारी दिए ।

‘कास्की प्रहरीको सर्कुलरका आधारमा उहाँलाई पर्वतमा पक्राउ गरिएको हो । कास्की नै पठाउने तयारी भइरहेको छ,’ उनले भने ।

पराजुली सहकारी रजिस्ट्रारको कार्यालय, पोखरामा तत्कालीन समयमा रजिस्ट्रार थिए । मित्रमिलन सहकारीको कार्यक्षेत्र थप गर्न रकम लिएको खुलेपछि यसअघि उनीविरुद्ध पक्राउ पुर्जी जारी भएको थियो ।