कात्तिक २७, २०८०
गायक श्रीधर अधिकारीको नयाँ लोकदोहोरी गीत सार्वजनिक भएको छ । तिहारको अवसर पारेर सार्वजनिक ‘बाडुल्की ला होला...’बोलको गीतमा उनलाई शान्तिश्री परियारले गायनमा साथ दिएकी छन् । बा...
काठमाडाैं | माघ ५, २०८०
अग्रज गायक एवं संगीतकार योगेश वैद्यको बिहीवार राती ७७ वर्षको उमेरमा निधन भयो । ‘सपना भुलाइ सारा...’ लगायतका थुप्रै लोकप्रिय गीतका गायक उनी लामो समयदेखि मिर्गौला र मधुमेहको रोगबाट पीडित थिए ।
गायक वैद्यको पार्थिक शरिरलाई शुक्रवार बिहान नक्सालस्थित संगीत नाट्य तथा प्रज्ञा प्रतिष्ठानमा राखियो, जहाँ पुगेर संगीतकर्मीहरूले उनीप्रति अन्तिम श्रद्धाञ्जली अर्पण गरे ।
वरिष्ठ संगीतकार शम्भुजीत बाँस्कोटा, संगीतकारहरू चेतन सापकोटा, वसन्त सापकोटा, महेश खड्का लगायतले फूलमाला अर्पण गर्दै गायक वैद्यप्रति श्रद्धाञ्जली व्यक्त गरे । नेपाल संगीतकार संघले वैद्यको चर्चित गीत ‘सपना भुलाइ सारा...’ गाएर उनको अन्तिम विदाइ गर्यो ।
शुक्रवार दिउँसो नै पशुपति आर्यघाटमा वैद्यको अन्तिम संस्कार गरिएको छ ।
वैद्यलाई अन्तिम विदाइ गर्दै गर्दा संगीतकर्मीहरूले नेपाली सांगीतिक क्षेत्रमा उनले पुर्याएको योगदानको समेत स्मरण गरे । संगीतकार सम्भुजीत बाँस्कोटाले वैद्यलाई आफूले अत्यन्तै गहन व्यक्तित्वका रुपमा लिने बताए । नेपाली सुगम संगीतको एउटा संरक्षकको रुपमा समेत वैद्यलाई आफूले लिँदै आएको बाँस्कोटाले बताए ।
उनले भने, ‘सुगम संगीतका लागि उहाँ संरक्षक हुनुहुन्थ्यो । उहाँको समय–समयको अभिव्यक्ति, उहाँले गाएका गीतहरू, उहाँको गीत–संगीत छनोटका कुरा हेर्दा उहाँ अत्यन्तै गहन व्यक्तित्व हुनुहुन्थ्यो ।’
नेपालको संगीत क्षेत्रले उज्वल भविष्य पाओस् भन्ने चाहना वैद्यले सधै राख्ने गरेको बाँस्कोटाले सुनाए । ‘नेपाली गीत–संगीतका स्रष्टा पनि छिमेकी मुलुकका कलाकारजत्तिकै प्रतिस्पर्धामा उत्रिन सिक्नुपर्छ र आफ्नो ज्ञानगुन, आवाजको मौलिकता, गीतसंगीतले विश्वभर फैलाउन सकुन् भन्ने भावना राख्नुहुन्थ्यो,’ उनले भने ।
वैद्यको गीतले जीवन बोकेको र जीवनको यथार्थतालाई अँगालेको बाँस्कोटाले बताए । उनी आफू पनि दिवंगत गायक वैद्यको आवाजको फ्यान भएको बताए ।
‘उहाँले कविता लेख्नुहुन्थ्यो । गीत पनि आफैं लेख्नुहुन्थ्यो । संगीत गर्नुहुन्थ्यो । मलाई लाग्छ, उहाँको घरमा धेरै सिर्जना त्यत्तिकै थन्किएका छन् अझै पनि,’ बाँस्कोटाले भने, ‘उहाँ जाँदै हुनुहुन्छ, तर उहाँले छाडेका कृतिहरू, उहाँका संगीतहरू, सुमधुर आवाजहरू सधैँ हामीमाझ रहिरहनेछन् ।’
संगीतकार संघका अध्यक्ष चेतन सापकोटाले वैद्यको आवाजले आफूजस्ता थुप्रै युवालाई काठमाडौं ल्याइपुर्याएको बताए ।
‘एउटा अद्भूत आवाज, जुन आवाजमा छुट्टै जादू थियो । जसले हामीजस्ता थुप्रै युवालाई काठमाडौं ल्याइपुर्यायो । म मात्र होइन कयौं युवालाई कलामा लाग्न त्यो आवाजले प्रेरित गर्यो,’ सापकोटाले भने, ‘त्यो आवाजले मायामा डुबेकाहरुलाई मायामा बहकिन पनि प्रेरित गर्यो । त्यो आवाजले देशका लागि पनि योगदान दियो ।’
उनले वैद्यलाई आफूले रेडियो नेपाल स्थापना गर्ने गायकका रुपमा समेत चिन्ने गरेको बताए । स्रष्टालाई राज्यको तर्फबाट सम्मान नभएको भन्दै सापकोटाले गुनासो समेत व्यक्त गरे । अग्रज स्रष्टाको निधन हुँदा राज्यका प्रमुख व्यक्तिहरू उपस्थिति भएर विदाइ गर्नुपर्ने उनले बताए ।
संगीत रोयल्टी संकलन समाजका अध्यक्ष सुरेश अधिकारीले अग्रज गायक वैद्य संसारमा नरहे पनि उनका आवाजहरू सधैभरि गुञ्जिइरहने बताए । ‘उहाँका गीत तुलनात्मक रुपमा थोरै होलान्, तर जति छन् ती संगीतका लागि अमूल्य रत्न छन्,’ अधिकारीले भने ।
काठमाडौंमै जन्मे–हुर्केका वैद्य सानै उमेरदेखि गीत गाउँथे । २०२२ सालमा रेडियो नेपालमा स्वर परीक्षा पास गरेका उनले पहिलो गीत नेपाल भाषाको गाएका थिए । उनको अति नै चर्चित गीत ‘सपना भुलाइ सारा...’ २०४२ सालमा रेकर्ड भएको थियो । उनले ३ दशक सरकारी सेवामा बिताएका थिए ।
गायक श्रीधर अधिकारीको नयाँ लोकदोहोरी गीत सार्वजनिक भएको छ । तिहारको अवसर पारेर सार्वजनिक ‘बाडुल्की ला होला...’बोलको गीतमा उनलाई शान्तिश्री परियारले गायनमा साथ दिएकी छन् । बा...
ओमनको साङ्गीतिक कार्यक्रम सकेर फर्किएकी गायिका रचना रिमाल देशभित्रका मेला–महोत्सवमा व्यस्त हुन थालेकी छिन् । विदेशको कार्यक्रम सकेर फर्किएसँगै केही गीत रेकर्ड गराएकी उनी फेरि महोत्सवमा पुग्न थालेकी...
बलिउडमा कलाकारको पारिश्रमिकलाई लिएर निकै चर्चा हुन्छ । विशेषगरी चलचित्रका स्टारहरूको पारिश्रमिकबारे सञ्चारमाध्यममा प्रशस्त समाचार बन्छन् । नेपालमा पनि बेलाबेलामा चलचित्रका स्टार कलाकारहरूको पारिश्रम...
साङ्गीतिक क्षेत्रमा छोटो समयमै नाम र दाम दुवै कमाएकी गायिकामा पर्छिन् रचना रिमाल । करिअर सुरु गरेको ३ वर्षको अवधिमै उनले १२ सय हाराहारी गीतमा स्वर दिइसकेकी छन् । थुप्रै देशमा पुगेर आफ्नो स्वर गुञ्जाइस...
‘यो मेरो पिरती’ बोलको लोकदोहोरी गीत गाउँदै कमला मगरले गायनमा डेब्यु गरेकी छन् । अहिलेका चर्चित गायक खेम सेञ्चुरीसँग उनले यो गीतमा स्वर दिएकी हुन् । रमेश परियारको शब्द एवं संगीत, कृ...
लोक गायक अर्जुन सापकोटाका अफिसियल प्रायः गीतले स्रोता–दर्शकको माया पाउने गरेका छन् । उनले तीन साताअघि शान्तिश्री परियारसँगको स्वरमा सार्वजनिक गरेको ‘न सोध पिर के को ?’ले युट्युबमा ...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...