नेपालको वैकल्पिक क्रिकेट टीम 'नेपाल ए' क्यानडासँग ४ विकेटले पराजित भएको छ ।

मूलपानी क्रिकेट मैदानमा नेपालले दिएको २ सय १७ रनको लक्ष्य क्यानडाले अन्तिम ओभरमा ६ विकेट गुमाएर भेट्टायो ।

पाहुना टोलीलाई जीतसम्म डोहोर्‍याउने क्रममा नवनीत धलिवालले ८० र निखिल दत्तले ६७ रनको शानदार पारी खेले ।

नेपालका सहाब आलमले सर्वाधिक २ विकेट लिए ।

यसअघि पहिले ब्याटिङ गरेको नेपालले निर्धारित ५० ओभरमा ८ विकेट गुमाएर २१६ रन जोडेको थियो ।

नेपालको पारीमा बसिर अहमदले सर्वाधिक ५० र रसिद खानले ४० रनको पारी खेलेका थिए ।

नेपाल ए ले क्यानडाविरुद्ध थप २ वन्डे खेल्नेछ ।