चीन र ताइवानबिचको तनाव फेरि बढ्ने देखिएको छ । चिनियाँ सैन्य विमान र नौसेना जहाज ताइवान वरपर घुम्न थालेपछि फेरि तनाव बढ्ने देखिएको हो । 

२१ चिनियाँ सैन्य विमान र ६ नौसेना जहाज शनिवार बिहानदेखि आइतबार बिहानसम्म देखिएको ताइवानी रक्षा मन्त्रालयले जनाएको छ ।

ताइवान दैनिकका अनुसार चीनको कारबाहीपछि ताइवानले पीएलएको गतिविधि निगरानी गर्न वायु रक्षा मिसाइलहरू तैनाथ गरेको छ ।

मार्चमा मात्रै अहिलेसम्म ताइवानले चिनियाँ सैन्य विमान ३० पटक र नौसेना जहाज १४ पटक देखेको छ । 

यस्तै, चीनले ताइवानद्वारा नियन्त्रित फ्रन्टलाइन टापुहरूको समूह नजिकैको पानीमा गस्ती बढाउँदै लगेको सीएनएनले जनाएको छ ।