पशु  चिकित्सकको  अभाव  भइरहेका  बेला  नेपाल पशु चिकित्सा परिषद्को नाम दर्ता प्रमाणपत्र (लाइसेन्स) परीक्षाको उत्तीर्ण दर सुखद देखिएको छ । पशु चिकित्सकको १९ औँ परीक्षाको नतिजामा ७९ प्रतिशत परीक्षार्थी उत्तीर्ण हुनुले चिकित्सक अभाव खड्किरहेका बखतमा राहत दिएको हो ।

परिषद्ले प्रत्येक चौमासिकमा लाइसेन्स परीक्षा सञ्चालन  गर्दै  आएको  छ  ।  परिषद्को  लाइसेन्स  परीक्षा  उत्तीर्ण  नहुनेले  प्रयोगात्मक  गर्न  पाउँदैनन्  ।  परिषद्ले सोमबार लिएको परीक्षामा ५३ जिल्लाका २१२ सहभागीमध्ये ४९ जिल्लाका १६८ जना उत्तीर्ण भएका छन् । परीक्षामा उत्तीर्णमध्ये ३८ प्रतिशत महिला छन् । सहभागी महिलामध्ये ९२ प्रतिशत उत्तीर्ण भएका छन् । गोरखापत्रमा खबर छ ।