नेपाली कांग्रेसका सांसद विश्वप्रकाश शर्माले विभिन्न आरोपमा अनुसन्धानमा तानिएका नेतालाई कसरी मन्त्री बनाउन सकिन्छ भनेर प्रश्न गरेका छन् ।

प्रधानमन्त्री पुष्पकमल दाहाल 'प्रचण्ड'ले विश्वासको मत लिने बैठकको छलफलमा भाग लिँदै शर्माले यस्तो प्रश्न उठाएका हुन् ।

‘प्रधानमन्त्री आफैंले अनुसन्धानमा तानिएका र प्रमाणित हुन बाँकीलाई मन्त्री नबनाउने बताउनुभएको थियो’, शर्माले भने, ‘तर तपाईंले के गर्नुभयो ? प्रमाणित हुन बाँकीलाई मन्त्री बनाउन पाइन्छ ?’

सहकारी ठगीमा अनुसन्धानको प्रक्रिया चल्दै गर्दा विवादितलाई मन्त्री बनाएपछि राज्यका प्रतिनिधि पोखराबाट फर्कनुपरेको समेत शर्माले बताए ।

नयाँ दलले पनि पहिले नो नट अगेन भने पनि बुढा नेतालाई पटकपटक एट अगेन भनेको पनि बताए ।

‘पहिले नो नट अगेन, बुढा नेतालाई पटकपटक एट अगेन ?’, शर्माले रास्वपाप्रति लक्षित गर्दै भने ।