तेहरान - इजरायलले इरानमाथि मिसाइल आक्रमण गरेलगत्तै विश्वमा तेल र सुनको मूल्य वृद्धि भएको छ । अमेरिकी अधिकारीहरूले इजरायलले इरानमाथि हमला भएको जानकारी सार्वजनिक गर्नासाथै शुक्रबार बिहान एसियामा क्रुड तेलको मूल्य ३ प्रतिशतभन्दा बढीले वृद्धि भएको बीबीसीले जनाएको छ । जसानुसार प्रतिब्यारेलमा ९० डलरसम्म वृद्धि भएको छ ।

सुनको मूल्य अहिलेसम्मकै उच्च अर्थात् प्रतिऔँस दुई हजार ४०० डलर पुगेको छ ।

सेयर बजारमा भने विश्वव्यापी रूपमा गिरावट आएको छ । जापान, हङकङ र दक्षिण कोरियाको स्टक एक्सचेन्जको बेन्चमार्कमा गिरावट आएको हो ।