मंसिर ६, २०८०
मेडिकल व्यवसायी दुर्गा प्रसाईं र नेकपा (एमाले)का नेता महेश बस्नेतले काठमाडौं उपत्यकामा बिहीवार छुट्टाछुट्टै प्रदर्शन गर्ने भएपछि सुरक्षा निकायहरू यतिबेला ‘हाई अलर्ट’मा छन् । नेपाल प्रहरीले प्...
काठमाडौं – नेपाल वायुसेवा निगमको २ वटा वाइडबडी विमान खरिद प्रकरणको छानबिनका लागि संसदको लेखा समिति अन्तर्गत गठित उपसमितिले तयार पारेको प्रतिवेदनको समितिकै सदस्यले आलोचना गरेका छन् ।
समितिले तयार पारेको प्रतिवेदनमा ठोस अध्ययन र आधारबिनै मन्त्रीदेखि कर्मचारीलाई आरोप लगाइएको लेखा समितिका सदस्य (सांसद)हरूको भनाइ छ ।
शुक्रवार बसेको संसद्को सार्वजनिक लेखा समितिको बैठकमा सत्तारुढ दल नेकपाका सांसद विशाल भट्टराईले विमान खरिद समिति गठन गर्नका लागि निर्णय गर्ने संस्कृति, पर्यटन तथा नागरिक उड्डयन मन्त्रालयका तत्कालीन सचिव प्रेमकुमार राई र विमान खरिदको सम्पूर्ण प्रक्रियामा सहभागी भएका सुगतरत्न कंसाकारलाई एउटै ‘क्याटेगोरी’मा राखेर कारवाही सिफारिस गर्नु उपयुक्त नभएको बताए ।
हाल गृह मन्त्रालयको सचिव रहेका राई संस्कृति, पर्यटन तथा नागरिक उड्डयन मन्त्रालयको सचिवका रूपमा नेपाल वायुसेवा निगमको सञ्चालक समितिका अध्यक्ष थिए । राई पर्यटन मन्त्रालयमा रहेका बेला २०७३ वैशाख २ गते बसेको बैठकले वाइडबडी विमान खरिद प्रक्रिया अगाडि बढाउन उपसमिति गठन गर्ने निर्णय गरेको थियो ।
उक्त बैठकले निगम सञ्चालक समितिका सदस्य सूर्यप्रसाद आचार्यको संयोजकत्वमा ‘वाइडबडी विमान खरिद उपसमिति’ गठन गरेको थियो ।
सार्वजनिक लेखा समितिका सदस्य (सांसद) हृदयेश त्रिपाठीले समेत समितिले ठोस आधार र अध्ययनविनै कर्मचारी र मन्त्रीहरूमाथि आरोप लगाएको बताए ।
विमान खरिद प्रकरणमा सबै सचिवको समान भूमिका नरहेपनि सबैलाई एउटै आरोप लगाइएको बताए । विमान खरिद प्रक्रिया चलेका बेला पर्यटन मन्त्रालयको सचिव रहेकामध्ये कसको पालामा के निर्णय भएको भन्ने ठोस विषय नै उल्लेख नगरी सबैलाई एकैखाले आरोप लगाइएको त्रिपाठीको भनाइ थियो ।
ठोस आधार र बस्तुगत अध्ययनविनै सबैलाई एकैखाले आरोप लगाउँदा समितिको गरिमा र अध्ययनको प्रभावकारिता नै नरहनेतर्फ पनि त्रिपाठीले सचेत गराए ।
उपसमितिको प्रतिवेदनमा के छ ?
वाइडबडी विमान खरिद प्रकरणको विस्तृत अध्ययनका लागि सार्वजनिक लेखा समितिका सदस्य (कांग्रेस सांसद) राजेन्द्र कुमार केसीको संयोजकत्वमा ७ सदस्यीय उपसमिति गठन गरिएको थियो । उपसमितिमा सत्तारुढ नेकपाका ३ जना सांसद कृष्णलाल महर्जन, धर्मशीला चापागाईं र प्रेम आलेमगर थिए । यस्तै नेपाली कांग्रेसका संयोजक केसी र मीना सुब्बा थिए । समितिमा राष्ट्रिय जनता पार्टी (राजापा)की चन्दा चौधरी र संघीय समाजवादी फोरमका प्रदीप यादव सहभागी थिए ।
लेखा समितिको गत मंसिर २६ गतेको बैठकले गरेको निर्णयानुसार गठन भएको समितिले महालेखा परीक्षकको ५५औं प्रतिवेदनलाई आधार मानेर वाइडबडी विमान खरिद प्रकरणबारे छानबिन गरेको जनाएको छ ।
समितिले १५ दिन लगाएर तयार पारेको प्रतिवेदनमा वाइडबडी विमान खरिद प्रक्रिया चल्दा संस्कृति, पर्यटन तथा नागरिक उड्डयन मन्त्रालयमा ४ जना सचिव फेरिएको उल्लेख गरेको छ । विमान खरिदको प्रक्रियास्वरूप उपसमिति गठन गर्ने निर्णय प्रेमकुमार राई सचिव भएको समयमा (२ वैशाख २०७३) मा हुन्छ । राईले १० फागुन २०७२ देखि २६ भदौ २०७३ सम्म संस्कृति, पर्यटन तथा नागरिक उड्डयन मन्त्रालयको सचिवको जिम्मेवारी सम्हालेका समितिकै प्रतिवेदनमा उल्लेखित अनुसूचीमा छ ।
राईको सरुवा भएपछि शंकरप्रसाद अधिकारीले २६ भदौ २०७३ देखि १२ भदौ २०७४ सम्म पर्यटन मन्त्रालयमा सचिवको जिम्मेवारी सम्हालेका छन् । अधिकारीको कार्यकालमा विमान खरिदसम्बन्धी प्रस्ताव स्वीकृत, खरिद निर्णय र एक्सलेसनसम्बन्धी निर्णय, एमओयू उपसमिति बनाएको र मस्यौदा उपसमिति गठन गर्ने निर्णय भएको समितिले उल्लेख गरेको छ । सचिव अधिकारीकै कार्यकालमा ३ वैशाख २०७४ मा विमान खरिदका लागि आवश्यक ऋणका लागि जमानत सम्बन्धमा मन्त्रिपरिषद्मा प्रस्ताव पठाउने, २० असार २०७४ मा सचिवस्तरको निर्णयले अधिकृत पूँजी ३५ अर्ब र चुक्ता पूँजी वृद्धि गरेको देखिएको उपसमितिले प्रतिवेदनमा उल्लेख गरेको छ ।
सचिव अधिकारीकै कार्यकालमा २७ माघ २०७३ मा मन्त्रीस्तरीय स्वीकृतमा विमान खरिदको बैना स्वरूप १० लाख अमेरिकी डलर पठाइएको उपसमितिले जनाएको छ । अधिकारी सचिव रहेकै समयमा २९ जेठ २०७४ मा सचिवस्तरीय निर्णय गरी ७ करोड ९० लाख अमेरिकी डलर पठाइएको उपसमितिको प्रतिवेदनमा उल्लेख छ ।
१४ भदौ २०७४ मा शंकर अधिकारीको सरुवा भएपछि सचिवको रूपमा आएका महेश्वर न्यौपानेको पालामा फ्लिट थप गर्ने निर्णय भएको थियो । तत्कालीन मन्त्री जितेन्द्र नारायण देवको स्वीकृतिमा ९ पुस २०७४ मा फ्लिट थप गर्ने निर्णय भएको थियो ।
महेश्वर न्यौपानेपछि संस्कृति पर्यटन तथा नागरिक उड्डयन मन्त्रालयका सचिव बनेका कृष्णप्रसाद देवकोटाको कार्यकालमा ३ असार २०७५ र २८ असार २०७५ मा दुईपटक गरी डलर सुविधा उपलब्ध गराइएको छ ।
३ असार २०७५ मा ६ करोड ८१ लाख ९४ हजार ५४ दशमलव ८० अमेरिकी डलर भुक्तानी भएको उपसमितिको प्रतिवेदनमा उल्लेख छ । यस्तै २८ असारर २०७५ मा पनि ६ करोड ८१ लाख ९४ हजार ५४ दशमलव ८० अमेरिकी डलर भुक्तानी भएको उपसमितिले प्रतिवेदन उल्लेख गरेको छ ।
मेडिकल व्यवसायी दुर्गा प्रसाईं र नेकपा (एमाले)का नेता महेश बस्नेतले काठमाडौं उपत्यकामा बिहीवार छुट्टाछुट्टै प्रदर्शन गर्ने भएपछि सुरक्षा निकायहरू यतिबेला ‘हाई अलर्ट’मा छन् । नेपाल प्रहरीले प्...
नेकपा (एकीकृत समाजवादी)का अध्यक्ष माधवकुमार नेपालले कोशी प्रदेशमा सर्वदलीय सरकारको आवश्यकता रहेको बताएका छन् । विराटनगर विमानस्थलमा शनिवार सञ्चारकर्मीहरूसँग कुराकानी गर्दै पूर्वप्रधानमन्त्रीसमेत रहेका न...
नेपाली कांग्रेसका केन्द्रीय सदस्य डा. चन्द्र भण्डारीले समस्त कांग्रेसजन र नेपाली जनताले डा. शेखर कोइरालालाई एक पटक कांग्रेस सभापति भएको हेर्न चाहेको बताएका छन् । कोइराला वर्तमान र भविष्य हेर्न सक्ने नेता भएको उ...
दशैं वरिपरि मुलुकमा केही राजनीतिक परिदृश्यहरू देखिए । दशैंको रौनकसँगै पूर्वमा कोशीको छालले केही तरंग ल्यायो । कोशी प्रदेशमा कांग्रेसभित्रको ‘अर्ध विद्रोह’ले पाँच दलीय गठबन्धनमात्रै धर्मराएन, कांग्र...
नेपाली कांग्रेसका केन्द्रीय सदस्य तथा सांसद डा. चन्द्र भण्डारीले पार्टी सभापति शेरबहादुर देउवाले अब नेतृत्व छाड्नुपर्ने बताएका छन् । पार्टीको लुम्बिनी प्रदेश सम्मेलनमा शनिवार बोल्दै भण्डारीले देउवाले अब...
नेपाली कांग्रेसका नेता डा. शेखर कोइरालाले आफ्नो समूहको बैठक बोलाएका छन् । आगामी महासमिति बैठकसहितका विषयमा छलफल गर्न कोइरालाले आगामी मंगलवार समूहको बैठक बोलाएका नेता डा. गोविन्दर...
मानव स्वभाव प्रायः म र मेरो भन्ने हुन्छ । जस्तोसुकै आदर्शको कुरा गरे पनि, जतिसुकै महान देखिन खोजे पनि यी म र मेरोमा अलिकति धक्का लाग्नेबित्तिकै, ढेस पुग्नेबित्तिकै त्यस्ता आदर्श र महानता कुन सड्को ‘फू&rsquo...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...