मंसिर ५, २०८०
संसदीय लोकतन्त्रलाई आदर्श मान्ने नेपाली कांग्रेसका सभापति एवं संसदीय दलका नेता शेरबहादुर देउवादेखि नयाँ दलको रूपमा उदाएको रास्वपाका सांसद स्वर्णिम वाग्ले तथा शिशिर खनालसम्मले महिनामा एकदिन पनि हाजिरी नग...
काठमाडौं – पसलमा १ रुपैयाँ लिएर गयो भने के–के किन्न सकिन्छ ? बालबालिकाका लागि अलि राम्रो चकलेट र खेल्ने बेलुनजस्ता वस्तु समेत १ रुपैयाँमा आउँदैनन् ।
बजारमा दैनिक उपभोग्य वस्तु नून, चिनी, तेल, दाल चामल, कापी, कलमजस्ता कुनै पनि सामान १ रुपैयाँमा पाइँदैन ।
नेपालका विशिष्ट पदाधिकारी (भीभीआईपी) को कार्यालयमा १ रुपैयाँमा सोफासेट, तन्नादेखि विद्युतीय सामग्री समेत आपूर्ति हुने गरेका छन् । सहजै पत्याउन गाह्रो लाग्ने भएपनि राष्ट्रपति, उपराष्ट्रपति, प्रधानमन्त्री, प्रधानन्यायाधीश, प्रतिनिधिसभा सभामुख र राष्ट्रिय सभाका अध्यक्षको कार्यालय र निवासमा १ रुपैयाँमा ठूल्ठूला सामान आपूर्ति हुने गरेको छ । नक्कली सामान होइन, सक्कली नै ।
भीभीआईपी कार्यालय र निवासमा सोफासेट, प्रिन्टर, टोनर, म्याट्रेस, कम्प्यूटर माउस, विद्युतीय बल्ब लगायत वस्तु १ रुपैयाँमा आपूर्ति हुने गरेको पाइएको छ । कार्यालय र निवासमा लाग्ने एसी ५० रुपैयाँमा जडान गरिन्छ । डेल१७ ल्यापटप ६ हजार ४ सय रुपैयाँमा पाइन्छ । यति सस्तोमा सर्वसाधारणले भने वस्तु खरिद गर्न पाउँदैनन् तर भीभीआईपीलाई सस्तोमै वस्तु बिक्री भएको छ ।
गत वर्ष भीभीआईपी कार्यालयमा प्रयोग हुने स्टेसनरी, फर्निचर, इलेक्ट्रोनिक्स, इलेक्ट्रिकल, कपडा, हार्डवेयर, कार्पेट, मल, विषादी लगायत धेरै प्रकारका सामग्री १ रुपैयाँका दरले खरिद गरिएको संघीय सचिवालय निर्माण तथा व्यवस्थापन कार्यालयले जनाएको छ । व्यवस्थापन कार्यालयले भीभीआईपीका लागि सरकारी स्तरबाट सामग्री खरिद लगायतको काम गर्छ ।
१ रुपैयाँमा कुन–कुन सामान ?
गत आर्थिक वर्षमा सामान आपूर्ति गर्न टेण्डर प्रक्रियामा छनौट भएको कुशल इन्टरप्राइजेजमार्फत कार्यालयले भीभीआईपी निवास र कार्यालयका लागि चाहिने धेरै प्रकारका सामग्री खरीद गरेको थियो ।
इन्टरप्राइजेजमार्फत कार्यालयले १ सय पाने डायरी, मार्कर पेन, जेल पेन, टिपेक्स, हाईलाईटर, खाम, रजिस्ट्रर, प्रिन्टर टोनर, स्ट्प्लर, पन्चिङ, टेप, क्याल्कुलेटर लगायत सामग्री प्रतिगोटा १ रुपैयाँको दरले खरिद गरेको छ । इन्टरप्राइजेजसँग कार्यालयले म्याट्रेस प्रतिथान १ रुपैयाँ र पीभीसी कार्पेट प्रतिवर्ग फिट १ रुपैयाँको दरले खरिद गरेको छ ।
सचिवालयले कुशल इन्टरप्राईजेजसँग भीभीआईपी कार्यालयको लागि तन्ना डबल साइज/सिंगल साइज, सिरानी प्रतिगोटा, बेतको ह्याङ्गर, तौलिया र रुमाल १ रुपैयाँ प्रतिगोटाको दरले खरिद गरेको छ । कार्यालयले विद्युतीय र मशिनरी सामग्रीमा प्रिन्टर टोनर र रिचार्ज ब्याट्री प्रतिगोटा १ रुपैयाँको दरले कुशल इन्टरप्राइजेज र माउस प्याड, कम्प्यूटर स्पिकर, एमसीबी, सीएफएल चिम र लिड लाइट प्रतिगोटा १ रुपैयाँको दरले एसपी इन्टरप्राइजेजसँग खरिद गरेको छ ।
गत वर्ष प्रधानन्यायाधीश निवास वालुवाटारमा २ टनका एसी २ वटा ५० रुपैयाँको दरले जडान गरिएको छ । एसी मशिन १ रुपैयाँमा एसपी इन्टरप्राइजेज काठमाडौंले उपलब्ध गराएको थियो ।
भीभीआईपी कार्यालय र निवास क्षेत्रमा रहेका बगैचामा फलफूलको बिरुवा गोडमेल गर्नको लागि विभिन्न प्रकारका मल र विषादी प्रयोग हुने गर्छन् । कुशल इन्टरप्राइजेजमार्फत कार्यालयले प्रधानमन्त्री निवास बगैचाको लागि पिनामल प्रतिकिलो १ रुपैयाँको दरले १ सय किलो उपलब्ध गराएको छ । कार्यालयले माटोको गमला प्रतिगोटा १ रुपैयाँको दरले ३० वटा सभामुख निवास बालुवाटारको लागि खरिद गरेको छ ।
कार्यालयले प्रधानमन्त्री सचिवालयको लागि डेल१७ ल्यापटप ६ हजार ४ सय रुपैयाँमा एसपी इन्टरप्राइजेजबाट खरिद गर्यो, जसको बजार मूल्य करीब ७० हजार रुपैयाँसम्म पर्छ ।
भीभीआईपी कार्यालयमा दैनिक प्रयोग हुनेदेखि सबै प्रकारका सामग्री कार्यालयले १०० गुणा सस्तोमा खरिद गरेको तथ्यांक कार्यालयले लोकान्तरलाई उपलब्ध गराएको देखिन्छ ।
कसरी सम्भव भयो १ रुपैयाँमा सामान खरिद ?
सचिवालय स्टोर शाखाका प्रमुख प्रदीप खनालले भीभीआईपी कार्यालयलाई उपलब्ध गराउने सामग्रीको खरिद सचिवालयले टेण्डर वा कोटेसन प्रक्रियाको माध्यमबाट गर्ने गरेको बताए । ‘भीभीआईपी कार्यालयमार्फत आएको माग र आवश्यकताको आधारमा हामीले सामानको खरिद र निर्माणको काम गर्ने गर्छौं,’ खनालले भने ।
आर्थिक वर्ष २०७५/०७६ मा कार्यालयले ७८ वटा टेण्डर र कोटेसनबाट खरिद तथा निर्माणको काम गरेको लोकान्तरलाई प्राप्त तथ्यांकमा उल्लेख छ । ‘कार्यालयबाट भएका सबै टेण्डर हामीले अनलाइन प्रणालीमार्फत गरेका हौं, सबै आपूर्तिकर्ता प्रतिस्पर्धाको माध्यमबाट छनौट भएका हुन्,’ स्टोर शाखा प्रमुख खनालले भने ।
‘ठेक्का प्रक्रियामा व्यवसायीको प्रतिस्पर्धाको कारण अतिसस्तो मूल्यमा कार्यालयले सामग्री आपूर्ति गर्ने अवसर प्राप्त गरेको हो,’ सचिवालयका उपसचिव तथा लेखा शाखा प्रमुख रामकृष्ण पन्थीले भने । अपत्यारिलो र सस्तो मूल्यमा सामग्री खरिद गरिएको भएपनि गुणस्तरमा फरक नपरेको, टेण्डर र कोटेसनमा सामग्रीको विशेषता खुलाइने हुँदा आपूर्तिकर्ताले खुलाइएको गुणस्तर र परिमाणमा नै सामग्री आपूर्ति गर्ने गरेको लेखा प्रमुख पन्थीले बताए ।
बिक्रेतालाई घाटा लाग्दैन ?
संघीय सचिवालय तथा व्यवस्थापन कार्यालयले गत आर्थिक वर्षमा ठेक्का प्रक्रियाबाट सामग्री आपूर्ति गर्दा सबैभन्दा सस्तोमा कुशल इन्टरप्राइजेज काठमाडौंले उपलब्ध गराएको थियो । गत आर्थिक वर्षमा भीभीआईपीको लागि सामान आपूर्ति गर्दा आफ्नो कम्पनीले घाटा व्यहोरेर कारोबार गरेको कुशल इन्टरप्राइजेजका सञ्चालक तारा ढकालले बताए ।
‘कुशल इन्टरप्राइजेजले टेण्डरमा ४७ प्रतिशत घटेर भरेको थियो,’ ढकालले भने, ‘हामीले सबै सामान सस्तोमा दिएका त होइनौं तर केही सामानमा मात्रै सस्तो गरेका हौं, ठेक्का पार्नको लागि यो गर्नुपर्छ । फेरि गत वर्षको टेण्डरमा गल्तीले केही सामानमा सस्तो मूल्य पनि लेखिन गएको हो ।’
कुशल इन्टरप्राइजेज काठमाडौंको ठूलो थोक बिक्रेता हो । इन्टरप्राइजेजले धेरै सरकारी कार्यालयमा लामो समयदेखि सार्वजनिक खरिद नियमावली अनुसार सामग्री आपूर्ति गराउँदै आएको छ । टेण्डरमा सामान सस्तो मूल्यमा उपलब्ध गराउने सन्दर्भमा कुशल इन्टरप्राइजेजका सञ्चालक ढकाल भन्छन्, ‘मैले सामान्यतया केही कारणले सस्तोमा उपलब्ध गराएको हुँ, हामीले सरकारसँग र अन्य क्षेत्रमा काम गर्नको लागि पनि निश्चित कामको पर्फमेन्स बनाउनुपर्छ र सोका लागि धेरै कार्यालयमा काम गर्दा केही कार्यालयमा केही घाटा खाएर पनि सामान बेच्न सकिन्छ । मैले सोझै विदेशबाट सामान खरिद गरेर ल्याउने हुँदा पनि सस्तो पर्छ र कहिलेकाहीँ मैले ३०/४० प्रतिशतको छूट अफरमा सामग्री खरिद गर्ने अवसर पाउने गर्छु । यसरी हेर्दा केही सामान त निःशुल्क आएजस्तो हुन्छ, जसलाई अधिक सस्तोसम्मको मूल्यमा बेच्न सकिन्छ ।’
संघीय सचिवालय तथा व्यवस्थापन कार्यालयले काठमाडौं उपत्यका भित्रका महत्त्वपूर्ण स्थान र सरकारी आयोजनाको निर्माण तथा पुनर्निर्माण, सिंहदरबार क्षेत्रभित्र रहेका भवनको निर्माण तथा पुर्नर्निर्माण गर्ने काम गर्छ । सचिवालयले ६ जना भीभीआईपीको कार्यालय र निवास, मन्त्रालय र मन्त्री निवासमा आवश्यक सामग्रीको आपूर्ति गर्ने काम गरिरहेको छ ।
संसदीय लोकतन्त्रलाई आदर्श मान्ने नेपाली कांग्रेसका सभापति एवं संसदीय दलका नेता शेरबहादुर देउवादेखि नयाँ दलको रूपमा उदाएको रास्वपाका सांसद स्वर्णिम वाग्ले तथा शिशिर खनालसम्मले महिनामा एकदिन पनि हाजिरी नग...
यातायात व्यवस्था विभागका महानिर्देशक उद्धवप्रसाद रिजालसहितको टोली सवारी चालक अनुमति पत्र (लाइसेन्स)मा प्रयोग हुँदै आएको स्मार्ट कार्डको गुणस्तर अनुगमनका लागि भन्दै जर्मनी जान लागेका छन् । टोलीमा विभा...
धनुषाको शहीदनगर नगरपालिकाका तत्कालीन शिक्षा संयोजक धनेश्वर यादवले झण्डै २ करोड पेस्की लिएर विभिन्न कार्यक्रमका नाममा नक्कली बिल भर्पाइ पेस गरि अनियमितता गरेको पाइएको छ । धनुषाको लक्ष्मीनियाँ गाउँपालिका...
पोखरा क्षेत्रीय अन्तर्राष्ट्रिय विमानस्थल निर्माण अनियमितता प्रकरणमा समेत अर्थमन्त्री वर्षमान पुनको भूमिका शंकास्पद देखिएको छ । २०६८ सालमा अर्थमन्त्री रहेका बेला पुनले प्रचलित कानून, विधि र मापदण्डविपरीत विमानस्थल ...
नेपाल पर्यटन तथा होटल व्यवस्थापन प्रतिष्ठान (नाथम)का प्रिन्सिपल रामकैलाश बिछाको स्नातकोत्तरको शैक्षिक प्रमाणपत्र नक्कली रहेको आरोप त्यहाँ कार्यरत शिक्षकहरूले लगाएका छन् । संस्कृति, पर्यटन तथा नागरिक उड्डयन मन्त्...
यातायात व्यवस्था विभागका उच्च अधिकारी, विभिन्न यातायात कार्यालयका प्रमुख तथा कर्मचारी र बिचौलियाको मिलेमतोमा झन्डै ३० हजार अवैध लाइसेन्स जारी भएको पाइएको छ । विगत ६ महिनायता लिखित र ट्रायल परीक्षा नै...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...