फागुन २९, २०८०
एक वर्षको बीचमा भएको १३८ किलो सुन तस्करीका नाइके जीवनकुमार गुरुङ हाल अर्थ मन्त्रालय मातहत रहेको भन्सार विभागको हिरासतमा छन् । लामो समय फरार रहेका गुरुङलाई यही फागुन १४ गते काठमाडौंको सामाखुशी क्षेत्रबाट ...
नेपाल सरकारले नेपाल भ्रमण वर्ष मनाइरहेको छ । ५ नम्बर प्रदेश सरकार लुम्बिनी भ्रमण वर्षको दौरानमै छ ।
भ्रमण वर्ष र पर्यटन भन्नासाथ बिर्सिनै नसकिने क्षेत्र हो, लुम्बिनी । तर, यहीँ लुम्बिनीलाई जोड्नेमध्येको एउटा महत्त्वपूर्ण सडकमा पर्ने तिनाउ नदीको पुल एक दशकदेखि अलपत्र छ ।
रुपन्देहीको तिलोत्तमा–६ गोरकट्टामा निर्माणको क्रममा रहेको तिनाउ पुल झण्डै एक दशकदेखि अलपत्र बनेको हो ।
बुद्धको मावलीस्थल देवदह, जन्मस्थल लुम्बिनी र दरबारस्थल तिलौराकोट (कपिलवस्तु) जोड्ने सडक हो– लुम्बिनी बौद्ध सर्किट ।
यही सर्किटमा पर्ने मोतिपुर र तिलोत्तमा जोड्ने यो पुल आधा निर्माण भएर अलपत्र छ । योभन्दा पछि निर्माण शुरू भएका यही नदीका अन्य पुलहरू सञ्चालनमा आइसकेका छन् ।
बाँकी ‘आधा’ पुल निर्माण सम्पन्न नहुँदा बुद्ध सर्किटमा नियमित यातायात सञ्चालनमा आउन सकेको छैन ।
बुद्ध सर्किटबाट लुम्बिनी जाने पर्यटक प्रभावित भएका छन् । बुटवल, तिलोत्तमा, देवदहबाट लुम्बिनी पुग्ने यो छोटो सडक हो ।
सरकारले भ्रमण वर्ष मनाइरहँदा बुद्ध सर्किटमा पर्ने पुल अलपत्र हुनु शोभनीय नभएको स्थानीयको भनाइ छ ।
वि.सं. २०६७ असार २५ गते ठेक्का सम्झौता भई काम शुरू भएको पुल ९ वर्षसम्ममा पनि सम्पन्न हुन सकेको छैन । एलिट कन्स्ट्रक्सन प्रालि काठमाडौंले १० करोड ३७ लाखमा ठेक्का सम्झौता गरेको थियो ।
पहिलोपटक ठेक्का सम्झौता गर्दा २०६९ पुस २४ गते सम्पन्न गर्ने भनिएको थियो । अढाई वर्षको समयमा काम आधा समेत हुन सकेन । त्यसपछि पुनः ठेक्का अवधि बढाइयो ।
वि.सं. २०७२ साल असार २४ गते सम्मका लागि समयावधि थप भएपछि काम शुरू भयो अनि करीब ४ महिनापछि पुनः रोकियो ।
एलिट कन्स्ट्रक्सनले ३ वटा पिलर र पाँचवटा स्लापसमेत निर्माण गरी ७० मिटर पुल बनिसकेको छ तर १ सय १० मिटर पुल बन्न अझै बाँकी छ । पुल वाइल प्रविधि (पिलर धसान विधि) का आधारमा निर्माण भैरहेको थियो ।
तीन वटा पिलर धसानमा भौगोलिक रूपमा कुनै समस्या भएन तर चौथो पिलर धसानमा जमिनमुनिको ठूलो चट्टानले अवरोध गर्यो ।
पुल अलपत्र पर्नुको मुख्य कारण पिलर नधसिनु नै भएको सडक डिभिजन कार्यालय बुटवलका इन्जिनियर दुर्गा गौतमको भनाइ छ ।
‘ओएल फाउन्डेसन’ प्रविधिबाट पुल निर्माण गर्न सम्भव नदेखिएपछि ‘पाइल फाउन्डेसन’ विधिबाट काम गर्न लागिएको बताइए पनि निर्माण अझै सुचारु भएको छैन । नयाँ डिजाइन पुल्चोक इञ्जिनियरिङ कलेजले तयार गरेर सडक डिभिजन कार्यालय बुटवललाई बुझाएको छ ।
कार्यालयले सडक विभागमा डिजाइन स्वीकृति पठाएको कार्यालय प्रमुख यज्ञराज मरासिनीले बताए । उनका अनुसार विभागले डिजाइन स्वीकृत गरेपछि ठेकेदार कम्पनीले पुनः निर्माण कार्य थाल्नेछ ।
पुल निर्माण पूरा हुन अझै डेढ वर्ष लाग्ने उनले प्रस्ट्याए । ‘आउँदो होइन अर्को असारसम्म पुल निर्माण बल्ल सकिन्छ होला,’ उनले भने ।
एक वर्षको बीचमा भएको १३८ किलो सुन तस्करीका नाइके जीवनकुमार गुरुङ हाल अर्थ मन्त्रालय मातहत रहेको भन्सार विभागको हिरासतमा छन् । लामो समय फरार रहेका गुरुङलाई यही फागुन १४ गते काठमाडौंको सामाखुशी क्षेत्रबाट ...
महिला, बालबालिका तथा ज्येष्ठ नागरिकमन्त्री भगवती चौधरीले ढुक्क भएर लगानी गर्न आग्रह गरेकी छिन् । आजदेखि शुरू भएको लगानी सम्मेलन २०२४ का अवसरमा सञ्चारकर्मीसँग कुराकानी गर्दै उनले यस्तो बताएकी हुन् । ...
काभ्रेपलाञ्चोक– अरनिको राजमार्गअन्तर्गत भक्तपुरको सूर्यविनायकदेखि काभ्रेपलाञ्चोकको धुलिखेलसम्मको सडक विस्तार योजनाको काम तीव्ररुपमा भइरहेको छ । सडक विस्तार आयोजनाले भने पुरानै शैलीका ढल व्यवस्थापनलाई निरन्तर...
अर्थमन्त्री वर्षमान पुन 'अनन्त' समेत मुछिएको १३८ किलो सुन तस्करीको फाइल पर्याप्त अनुसन्धानविनै सरकारी वकिलको कार्यालयमा पुगेको छ । अर्थमन्त्रीका रूपमा पुन आएलगत्तै भन्सार विभागले पर्याप्त अनुसन्धानविनै फा...
मिडियाकै हितविपरीत काम गरेर विवादमा तानिएको विज्ञापन बोर्डले दुई वर्षमा राज्यकोषमा २० करोड ३१ लाख रुपैयाँ बढी व्ययभार थपेको छ । मिडियाको हितविपरीत एकपछि अर्को निर्णय गरेको बोर्डले विगत दुई वर्षमा २० करोड ३१...
कर्मचारीलाई तलब खुवाउन समेत नसक्ने अवस्थाबाट गुज्रेको नेपाल वायु सेवा निगम (एनएसी)ले आर्थिक अवस्था सुधारेर अन्तर्राष्ट्रिय उडानका लागि विमान खरिद गर्दा लिएको ऋणको किस्ता तिर्न शुरू गरेको छ । लामो समय घाटामा रहे...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...