काठमाडौं, २६ मंसिर– कैलाली क्षेत्र नम्बर १ बाट निर्वाचित राष्ट्रिय जनता पार्टीका उम्मेदवार रेशमलाल चौधरीलाई निर्वाचन आयोगले निर्वाचित भएको प्रमाणपत्र दिन नमानेको भन्दै नेपाल आदिवासी जनजाति महासंघले आपत्ति जनाएको छ । 

राजपा उम्मेदवार चौधरी कैलाली १ बाट ३४ हजार ३ सय ४१ मत ल्याएर प्रतिनिधिसभा सदस्यमा निर्वाचित भएका छन् । २०७२ भदौ अन्तिमतिर नाबालकसहित ८ जनाको ज्याने गरी भएको घटनामा प्रहरीले रेशमको संलग्नता रहेको दावी गरेको छ । प्रहरीले उनलाई घटनाको फरार अभियुक्तको सूचीमा राखेको छ । 

फरार अभियुक्तको सूचीमा रहेको व्यक्तिले चुनाव जितेको भन्दै निर्वाचन आयोगले उनलाई विजयी भएको प्रमाणपत्र दिन नमानेका जनाइएको छ । यद्यपि यसबारेमा निर्वाचन आयोगले आधारिकारिक धारणा भने सार्वजनिक गरेको छ । 

जनजाति महासंघले मंगलवार एक विज्ञप्ती जारी गर्दै सर्वसत्तावाद िराज्य सरकारले जनादेशलाई कुल्चिएर विजयको प्रमाणपत्र दिन आनाकानी गरेको आरोप लगाएको छ । 

‘आदिवासी थारु भएर न्यायिक थरुहट आन्दोलनमा संलग्न भएकै आधारमा नृजातिय सर्वसत्तावादी राज्य सरकारले जनादेशलाई कुल्चिएर विजयको प्रमाणपत्र दिन आनकानी र जालसाजी गरेकोप्रति महासंघ घोर भत्र्सना गर्दछ,’ अध्यक्ष जगतबहादुर बरामद्वारा जारी विज्ञप्तीमा भनिएको छ ।