काठमाडौं ४ माघ- निखिल उप्रेती स्टारर एक्सन ड्रामा पिँजडा ब्याक अगेनको रेडकार्पेट प्रिमियर बुधबार काठमाडौंमा भएको छ । क्यूज हलमा आयोजित प्रथम प्रदर्शनीमा कलाकार र मिडियाको खचाखच उपस्थिती रह्यो । 

शुक्रबारदेखि देशव्यापी प्रदर्शन हुन लागेको सिनेमाले प्रिमियर गरेको हो । अभिनेत्री सारा श्रीपाली समेत आकर्षण बनेको प्रिमियरमा निखिल पत्नी एवं अभिनेत्री संचिता लुइँटेलसँगै पुगेका थिए । 

‘म एक्सन छाड्न सक्दिन’ हलबाट बाहिरिँदै गर्दा निखिलले मिडियासँग भने, ‘मलाई एक्सन जानरा नै सुहाउँछ । अरु जानरामा त्यति फिट हुँदिन होला ।’ रुद्रपछि निखिलसँग दोस्रोपटक टीमअप गरेकी अभिनेत्री श्रीपालीले प्रेगेनेन्सी पिरियडको सिक्वेन्समा अभिनय गर्दा रमाइलो लागेको बताइन् । 

सिनेमाले प्रिमियरमा मिश्रित प्रतिक्रिया प्राप्त गरेको छ । हिमाल केसी निर्देशित सिनेमा अघिल्लो प्रोजेक्ट पिँजडाको सिक्वेल लाग्दैन । यसमा कथावस्तु र कलाकार पूर्णतः भिन्न छन् ।