झापा, ५ माघ– एक महिनायता झापामा दिनहुँजसो सवारीसाधन दुर्घटनामा पर्ने गरेका छन् । दुर्घटना न्यूनीकरण गर्न जिल्ला ट्राफिक प्रहरी कार्यालयले अनेक उपाय अपनाए पनि दुर्घटना भने घटेको छैन । 

शीतलहर र बाक्लो हुस्सुका कारण बिहीबार बिहानै बिर्तामोडमा बस र ट्रिपर आपसमा ठाकिए । चारपाने चोकनजिकै पूवपश्चिम राजमार्गमा बस र ट्रिपर आपसमा जुध्दा १२ यात्रु घाइते भए । 
यस्तै बुधबार पनि झापामा दुई छुट्टाछुट्टै स्थानमा दुर्घटना हुँदा दुई जनाले ज्यान गुमाएका थिए । 

शीतलहर र बाक्लो हुस्सुका कारण सवारी दुर्घटना बढेको ट्राफिक प्रहरी बताउँछ । सडक साघुँरो भएको र सवारी साधनको चाप बढिरहेकोले दुर्घटना न्यूनीकरण हुन नसकेको ट्रफिक प्रहरीको भनाइ छ, नयाँ पत्रिकामा खबर छ ।