माओवादीको युवा संगठन वाइसियल नेपाल जिल्ला कार्यसमिति काठमाडौंले आर्थिक अवस्था कमजोर भएका जेहेन्दार एक जना विद्यार्थीलाई निःशुल्क एमबीबीएस पढाउने भएको छ । 

वाइसियल जिल्ला कार्यसमिति काठमाडौंका अध्यक्ष शिशिर लामाले गरीब, विपन्न र आर्थिक अवस्था कमजोर भएका १ जना जेहेन्दार विद्यार्थीलाई एमबीबीएस पढाउने निर्णय गरिएको बताए ।

उनले यसै शैक्षिक सत्रदेखि एक जनालाई एमबीबीएस पढाउने र त्यसका लागि लाग्ने सम्पूर्ण खर्च संगठनले बेहोर्ने निर्णय गरिएको जानकारी दिए ।