आलिया भट्ट अब करिश्मा–करीनाकी बुहारी ?

बैशाख २६, २०७५

काठमाडौं, २६ वैशाख – बलिउडमा रणवीर कपूर र आलिया भट्टबीचको अफेयरको चर्चा चलिरहेको छ । दुवै अहिले फिल्म ब्रह्मास्त्रमा सँगै काम गरिरहेका छन् अनि सार्वजनिक समारोहमा पनि सँगै देखिन्छन् । 

हालै सोनम कपूरको बिहेको प्रीतिभोजमा पनि आलिया र रणवीर सँगसँगै पुगे र मिडियालाई पोज दिए । 

प्रीतिभोजमा बलिउडका ठूला स्टारहरू थिए अनि दुलाहा र दुलही नै थिए । तर सबैको नजर रणवीर र आलियामाथि थियो । 

दुवैजनाको तस्वीर सामाजिक सञ्जालमा खुबै भाइरल भइरहेको छ । अर्को भिडियोमा आलियाले रणवीरका दिदीहरू करिश्मा र करीनासँग घुलमिल गरेको देखिन्थ्यो । त्यसमा प्रयोगकर्ताहरूले आलिया अब करिश्मा–करीनाको बुहारी बन्न लागेको हो कि भनी टिप्पणी गरे ।



एजेन्सी 

बैशाख २६, २०७५ मा प्रकाशित

प्रतिक्रिया दिनुहोस