मलेसियाली प्लेन एमएच–३७० लाई पाइलटले जानीबुझी दुर्घटना गराएको खुलासा

जेठ १, २०७५

काठमाडौं, १ जेठ – रहस्यमयी तरिकाले गायब भएको मलेसियाली विमान एमएच–३७० का सम्बन्धमा ठूलो खुलासा भएको छ । यो दुर्घटनाको अनुसन्धान गरिरहेको सुरक्षाविज्ञको टोलीले दाबी गरेअनुसार विमानका चालकले जानीबुझी दुर्घटना गराएका थिए । 

विज्ञहरूको टोलीमा त्यस्ता एक व्यक्तिलाई पनि संलग्न गराइएको छ जसले विमानको खोजमा जीवनको दुई वर्ष बिताए । 

सन् २०१४ को मार्च ८ मा क्वालालम्पुरबाट बेइजिङ गइरहेको मलेसियन एयरलाइन्सको विमान बाटैमा हराएको थियो । विमानमा २३९ यात्रु थिए । यो विमान खोज्नका लागि १६०० करोड रुपैयाँ खर्च भइसकेको छ तर दुर्घटनाको
आधिकारिक कारण अहिलेसम्म पत्ता लागेको छैन । विमानका केही अवशेष हिन्द महासागरमा फेला परेका थिए । 

खबरका अनुसार, यो अनुसन्धानका प्रमुख मार्टिन डोलन हुन् । उनले यो षड्यन्त्र भएको र यसको मिहिन योजना बनेको उनी बताउँछन् । विज्ञहरूका अनुसार, विमानका पाइलट क्याप्टेन जाहरेले जानीबुझी आफूसँग यस्ता पाइलट
राखेका थिए जोसँग दुई इन्जिन भएको ठूलो प्लेन उडाउने अनुभव नै थिएन । 

डोलनले फेला पारेको प्रमाणबाट जाहरेले फ्लाइट सफ्टवेयर बिगारेर बाटोबाट भड्काएको देखिन्छ । 

क्यानाडाका विमान दुर्घटना विशेषज्ञका अनुसार, जाहरे विमानलाई दुर्घटना गराउनुअघि त्यसबाहिर निस्केका हुनुपर्छ । जाहरेले जानीबुझी हावाको चाप कम भएको ठाउँमा प्लेन लगेको हुनसक्छ । त्यहाँ पुगेपछि उनी आफैंले अक्सिजन
मास्क लगाएको हुनुपर्छ र यात्रीहरू चाहिँ बेहोश भएका हुनुपर्छ । 

जाहरेले किन यसो गरे होलान् भनी विज्ञहरूले केही भन्न सकेका छैनन् । तर यसलाई आतंकवादी षड्यन्त्रका रूपमा उनीहरू अस्वीकार गर्छन् । त्यसो हुन्थ्यो भने कुनै संगठनले यसको जिम्मेवारी लिइसकेको हुन्थ्यो ।

एजेन्सी 
 


ADVERTISEMENT

जेठ १, २०७५ मा प्रकाशित

प्रतिक्रिया दिनुहोस