काठमाडौं – दक्षिण अफ्रिकामा बन्दुकधारीहरूले एक मिनिबसमा आक्रमण गरेर ट्याक्सी चालक संघका ११ सदस्यको हत्या गरेका छन् । अन्य चार व्यक्ति गम्भीर घाइते भएका छन् । 

प्रहरी ब्रिगेडियर जय नायकरले बताएअनुसार, ट्याक्सी चालक संघका सदस्यहरूमाथि शनिवार राति आक्रमण गरिएको थियो । उनीहरू आफ्ना एक सहयोगीको अन्तिम संस्कारमा भाग लिएर घर फर्किरहेका थिए । 

आक्रमण क्वाजुलु नटाल प्रान्तमा कोलेन्सो र विन्नेन नगरको बीचमा भएको थियो । उनीहरू गाउटेङ प्रान्तमा बस्थे । 

प्रहरीले यो कुन क्षेत्रमा अधिकार जमाउने भन्ने विषयमा उठेको विवादका कारण भएको अपराध भनी शंका गरेको छ ।

एजेन्सी