काठमाडौं – एक हाँस प्रतिष्ठित चिनियाँ विश्वविद्यालय शांघाई मेरिटाइम विश्वविद्यालयमा भर्ना भएको छ । हाँसकी मालिक्नीले रमाइलो गर्दै ‘त्यसलाई पकाएर खान मन नलागेको’ बताएकी थिइन् ।

वीबो नामक सामाजिक सञ्जालमा वु नामक महिलाले घर सरेपछि गुगु हाँसलाई स्याहार्न नसक्ने बताइन् । 

उनले शांघाई म्यारिटाइम विश्वविद्यालयलाई सहयोगको अनुरोध गरिन् । 

विश्वविद्यालयले यसमा शीघ्र प्रतिक्रिया दिँदै गुगुलाई भर्ना गरिएको घोषणा आधिकारिक वीबो पेजमा ग–यो । 

आफूले माछा मार्न जाँदा उक्त हाँस फेला पारेको वु बताउँछिन् । 

‘मैले उसलाई पहिलोचोटि भेट्दा ऊ पूरै पहेंलो थियो तर अहिले ऊ सुन्दर भएको छ,’ उनले भनिन्, ‘ऊ मसँग डेढ वर्षसम्म बस्यो तर अब म नयाँ ठाउँ सर्दैछु ।’

उनले विश्वविद्यालयलाई हाँस लिन भनिन् । विश्वविद्यालयसँग पहिले नै टन्न हाँस छन् । 

विश्वविद्यालयले उसलाई आफ्नो ठूलो हाँस परिवारमा आउन उसलाई खुशीका साथ निमन्त्रण दियो । 

गुगुको नयाँ घर अब क्याम्पसमा हुनेछ र त्यो संरक्षित वन्यजन्तु क्षेत्रमा रहेको एक स्थानीय तालनजिक छ । 

‘गुगु स्वस्थ र बलियो भएर हुर्किने हामीले आशा गरेका छौं,’ विश्वविद्यालयले जनायो ।

बीबीसीबाट