बलिउडका चर्चित जोडि रणवीर सिंह तथा दीपिका पादुकोणको विवाह समारोह सोमबार शुरु भएको छ । १३ नोभेम्बरमा संगीत सेरमोनी भएको थियो । त्यस्तै बुधबार र विहीवार इटलीको लेक कोमामा विवाह कार्यक्रम रहेको छ । 

भारतीय सञ्चारमाध्यमरुका अनुसार सोमबार यो जोडिले पारम्परिक कोकणी रित अनुसार इन्गेजमेन्ट गरेका छन् अव आज कोकणी रिवाज अनुसार विवाह हुनेछ । 

समाचारहरुका अनुसार दीपिका तथा रणवीर निकै आकर्षक देखिएका थिए । इन्गेजमेन्टमा जब दुबैले औठी साटासाट गरे त्यतिबेला दीपिका निकै भावुक भएकी थिइन् । उनले आशु झारेकी थिइन् त्यस समय उक्त कार्यक्रममा सहभागी सबै भावुक भएका थिए । 

डेक्कन क्रानिकलको रिपोर्ट अनुसार जब दुबैले औठी साटे तव त्यस समय रणवीरले दीपिकाकालागि एक भावुक भनाइ राखेर माया दिएका थिए । त्यस बेलामा रणवीरले आफ्नो घुडा टेकेर दीपिकालाई प्यार प्रदर्शन गरेका थियो । त्यसपछि उनले दीपिकालाई अंकमाल गरेका थिए । 

इन्गेजमेन्टलाई कोंकणीमा फूल मुड्डी भन्ने गरिन्छ । जसमा दुलहीका पितलले दुल्हालाई स्वागत गर्छन् । 

अभिनेत्रीका पिता प्रकाश पादुकोणले रणवीर सिंहलाई नरिवल दिए तथा उनको परिवारलाई आधिकारिक रुपमा स्वागत गरेका थिए ।