मनवानपुर– खरले छाएको घरमा आगो लग्दा मकवानपुरको बकैयामा एक महिलाको जलेर मृत्यु भएको छ । 

मकवानपुरको बकैया गाउँपालिका– ९ तल्लो धियालस्थित एक घरमा आगलागी हुँदा घरमा बस्दै आएकी ८६ बर्षीया साइलीमाया थिङको मृत्यु भएको जिल्ला प्रहरी कार्यालय मकवानपुरले जनाएको छ । प्रहरीका अनुसार आगलागी हुँदा साइलीमाया घरमा एक्लै थिइन् । 

आगलागीबाट खरले छाएको घर जलेर ध्वस्त भएको छ । साइलीमायाका श्रीमान दावा काम विशेषले बाहिर गएका बेला घरमा आगो लागेको जनाइएको छ । 

साइलीमायाका २ छोरा र ३ छोरी गरी ५ सन्तान छन् । २ छोराहरु काठमाडौं बस्दै आएका छन् भने ३ छोरीको विवाह भइसकेको जनाइएको छ ।